R.Usubov: “Seçki komissiyaları bütün siyasi partiyaların iştirakçılarına ədalətli və bərabər münasibət bəsləməlidirlər”
Tarix: 17.10.2014 | Saat: 20:00:00 | E-mail | Çapa göndər


2014-cü il tarixə həm də Azərbaycanda bələdiyyə seçkilərinin uğurlu keçirilməsi ili kimi düşəcək. Bunu Dairə Seçki komissiyalarının (DSK) sədrləri üçün MSK-da keçirilən müşavirədə “Seçki hüquqlarının qorunmasında prokurorluq orqanlarının rolu” mövzusunda çıxış edən Baş prokurorun birinci müavini Rüstəm Usubov deyib. R.Usubov qeyd edib ki, ölkədə keçirilən seçkilərdə prokurorluq orqanlarının vəzifələri əsasən daxil olmuş müraciətlərə baxılması ilə əlaqələndirilir.
Onun sözlərinə görə, 23 dekabr 2009-cu il tarixdə Azərbaycanda keçirilmiş bələdiyyə seçkiləri ilə bağlı Baş prokurorluğa 125 müraciət daxil olub. Onlardan 3-ü MSK-dan, 2-si hüquq-mühafizə orqanlarından, 120-si isə vətəndaşlardan daxil olub. Onlardan 77 müraciət sənədlərin saxtalaşdırılması, 1-i yerli icra strukturu tərəfindən seçki prosesinə müdaxilə edilməsi, 9-u seçki komissiyalarının vəzifəli şəxslərinin seçki prosesinə müdaxilə etməsi, 5-i yerli strukturlar tərəfindən namizədə hədə-qorxu gəlinməsi, 2-si bələdiyyə üzvlüyünə qeydə alınmış namizədə namizədliyini geri götürülməsinə dair yerli icra strukturları və polis orqanları tərəfindən təzyiq göstərilməsi, 1-i seçki komissiyasının vəzifəli şəxsləri tərəfindən bələdiyyə üzvlüyünə namizədin qeydə alınmasından əsassız imtina, qalanları isə digər pozuntularla bağlı olub.
Baş prokurorun birinci müavini bildirib ki, seçki komissiyaları öz fəaliyyətində hər hansı dövlət və hakimiyyət orqanlarının, bələdiyyə qurumlarının, siyasi partiyaların, qeyri-hökumət təşkilatları və başqa ictimai təşkilatların digər hüquqi və fiziki şəxslərindən asılı deyillər. Seçki komissiyalarının işinə müdaxilə edən və ya təsir göstərən şəxslər Cinayət Məcəlləsinə və İnzibati Xətalar Məcəlləsinə əsasən məsuliyyətə cəlb edilirlər. Eyni zamanda, seçki komissiyaları da öz fəaliyyətində qanuna əsaslanmalı, qanunları tam bərabər və qərəzsiz tətbiq etməli, bütün siyasi partiyaların və seçki kampaniyasının digər iştirakçılarına ədalətli və bərabər münasibət bəsləməli, onlara münasibətdə neytral və tərəfsiz olmalı, hər hansı birinin dəstəklənməsinə yönəldilən və ya dəstəklənməsi başa düşülə bilən hərəkətlərə yol verməməlidirlər.

Nigar Abdullayeva




 
Bölməyə aid digər xəbərlər
22.03.2019
Azərbaycan və Pakistan arasında təhlükəsizlik və hərbi sahələrdə əməkdaşlığın inkişaf yolları müzakirə olunub
21.03.2019
Azərbaycan və Argentina arasında əməkdaşlığın perspektivləri müzakirə edilib
21.03.2019
Nursultan Nazarbayevin qərarı qazax xalqının firavan gələcəyini təmin edəcək
21.03.2019
Meksikada Novruz bayramı və Azərbaycan Mədəniyyəti Günü qeyd olunub
21.03.2019
Birinci vitse-prezident Mehriban Əliyeva Dariqa Nazarbayevanı təbrik edib

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10702

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Lənkəranın ucqar kənd məktəbində Novruz şənliyi keçirilib
3 Yuliya Naçalova vəfat edib
4 Fransız heykəltəraş Mauro Kordanın sərgisi
5 Məhkum edilmiş bir sıra şəxslər əfv olundu


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info