Mətbuat Şurasının Şikayətlər üzrə Komissiyasının iclası keçirilib
Tarix: 18.10.2014 | Saat: 01:12:00 | E-mail | Çapa göndər


Mətbuat Şurasının (MŞ) Şikayətlər üzrə Komissiyasının iclası keçirilib. İclasda Gəncə Ağır Cinayətlər Məhkəməsinin «Azadlıq» və «Yeni Müsavat» qəzetlərində, həmçinin «Azpolitika.info» saytında 2014-cü ilin əvvəlindən başlayaraq gedən bir sıra materiallarla bağlı müraciətinə, Milli Məclisin deputatı İqbal Məmmədovun «dia.az» saytı ilə əlaqədar şikayətinə baxılıb, «pia.az» saytının fəaliyyətindəki narazılıq doğuran cəhətlər ətrafında müzakirələr aparılıb. İclasda öncə deputat İqbal Məmmədovun «dia.az» saytı ilə əlaqədar şikayəti araşdırılıb. Şikayətlər üzrə Komissiya müzakirələrdən sonra belə rəyə gəlib ki, məsələnin Şuranın «Reket jurnalistika»ya qarşı Mübarizə Komissiyasında araşdırılması zərurəti yaranır. Eyni rəy «Pia.az» saytı barədə də çıxarılıb.
İclasda müzakirə edilən sonuncu məsələ Gəncə Ağır Cinayətlər Məhkəməsinin «Azadlıq» və «Yeni Müsavat» qəzetlərində, həmçinin «Azpolitika.info» saytında 2014-cü ilin əvvəlindən başlayaraq gedən bir sıra materiallarla bağlı müraciəti olub. Cavabdeh tərəf qismində «Yeni Müsavat» qəzetinin hüquqşünası Vaqif Hüseynov və «Azpolitika.info» saytının rəhbəri Elnur Məhərrəmli iştirak edib. Onların hər ikisi məsələ ilə bağlı mövqelərini bildiriblər.
MŞ-nin Şikayətlər üzrə Komissiyası materialları araşdıraraq belə rəyə gəlib ki, hər bir kütləvi informasiya vasitəsi istənilən mövzunu, o cümlədən məhkəmə proseslərini işıqlandırmaqda sərbəstdir. Qeyd olunub ki, məhkəmə prosesi ilə bağlılığı olan şəxs və ya şəxslər bu və ya digər ictimai əhəmiyyət daşıyan vəzifə sahibləridirlərsə, medianın məsələyə daha çox diqqət yetirməsi anlaşılandır. Mövcud xüsusda Bakı Ağır Cinayətlər Məhkəməsinin hakimi olmuş və dövlət başçısının müvafiq sərəncamı ilə vəzifə səlahiyyətlərinə xitam verilmiş Həsən Əkbər oğlu Əliyevin adı keçən cinayət işinə maraq da təbii qarşılanmalıdır. Şikayətlər üzrə Komissiya Gəncə Ağır Cinayətlər Məhkəməsinin Şuraya ünvanladığı məktubda ifadə olunan narahatlığı da təbii qarşılayır. MŞ narazılıq doğuran materialları təhlil edərək bunu da əsas tutur ki, KİV cəmiyyətdə bu və ya digər məsələ ilə bağlı çaşqınlıq yaratma ehtimalı böyük olan materiallardan uzaq durmalıdır.
Komissiya belə rəyə gəlib ki, «Azadlıq», «Yeni Müsavat» qəzetləri və «Azpolitika.info» saytı «Azərbaycan Jurnalistlərinin Peşə Davranışı Qaydaları»nın «Şərəf və ləyaqətin qorunması, şəxsi həyatın toxunulmazlığı» adlı 3-cü prinsipinin 3.10-cu bəndinin «cinayət əməli törətməsi ilə bağlı şəxsə qarşı ittiham irəli sürülübsə, bu mövzuda məhkəmənin obyektivliyinə təsir göstərəcək reportajlar hazırlanmamalı, hazırlanan reportajlarda isə bütün tərəflərin fikirləri əks olunmalıdır» tələbini pozub. Həmçinin bu tələbin gözlənilməməsi AJPDQ-nın «Həqiqətə xidmət, dəqiqlik və obyektivlik» adlı 1-ci prinsipinin «jurnalistikanın ali məqsədi həqiqəti yaymaqdır, obyektivlik isə əsas peşəkarlıq meyarıdır» tələbinin pozulmasına da səbəb olub. Buna görə də «Azadlıq», «Yeni Müsavat» qəzetlərinə və «Azpolitika.info» saytına MŞ tərəfindən xəbərdarlıq edilib.





 
Bölməyə aid digər xəbərlər
04.12.2020
Prezident İlham Əliyevin Fransaya tövsiyəsini mən də dəstəkləyirəm - Ərdoğan
04.12.2020
Birinci vitse-prezident Mehriban Əliyeva: Biz Vətən müharibəsi şəhidlərini heç vaxt unutmayacağıq
04.12.2020
Şəhidlərimizin ruhu qarşısında baş əyir, ehtiramla yad edirik - Spiker
04.12.2020
Heydər məscidində anım mərasimi keçirilib
04.12.2020
Havanın temperaturu düşəcək, yağış, qar yağacaq - Xəbərdarlıq

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 12129

1 İqor Korotçenko: “Dağlıq Qarabağ Azərbaycan ərazisidir. Bu məsələ birdəfəlik və həmişəlik bağlanıb”
2 Metyu Brayza: “Fransa ATƏT-in Minsk Qrupunun həmsədri ola bilməz”
3 Зия Буниятов: “На Кавказе апостольской была Албанская, а не Армянская церковь“
4 Dağlıq Qarabağ və ətraf regionların bərpa olunan enerji resurslarından səmərəli istifadə qarşıda duran əsas prioritetdir - Pərviz Şahbazov
5 Azan sədasında quşların möhtəşəm rəqsi - VİDEO


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info