AMEA Gənc Alim və Mütəxəssislər Şurası rusiyalı həmkarları ilə əməkdaşlığa dair saziş imzaladı
Tarix: 20.10.2014 | Saat: 21:01:00 | E-mail | Çapa göndər


Xəbər verdiyimiz kimi, AMEA Gənc Alim və Mütəxəssislər Şurasının (GAMŞ) sədri, fizika üzrə fəlsəfə doktoru Famin Salmanov və Şuranın İdarə Heyətinin üzvü, geologiya-mineralogiya üzrə fəlsəfə doktoru Orxan Abbasov sentiyabr ayının 8-dən 12-ə qədər Moskva şəhərində Rusiya Elmlər Akademiyasının (REA) Gənc Alimlər Şurası ilə görüşmüşdü. Həmin görüşün məqsədi GAMŞ-ın beynəlxalq əlaqələrini genişləndirmək çərçivəsində REA-nın Gənc Alimlər Şurası ilə gələcək müştərək elmi-ictimai fəaliyyətlə əlaqədar müzakirələrin aparılması və bu ilin oktyabr ayında ölkəmizdə ikitərəfli əməkdaşlığa dair müqavilənin bağlanmasında ümumi razılığın əldə edilməsilə bağlı olub.
Bu məsələ ilə əlaqədar, REA Gənc Alim və Mütəxəssislər Şurasının nümayəndə heyəti də öz növbəsində 14 oktyabr tarixində Bakıya gəlmiş və hər iki birliyin müştərək elmi-ictimai fəaliyyətinin bərqərar olunmasının təmininə dair geniş müzakirələr aparmışlar. Beynəlxalq əməkdaşlığa dair bütün məsələlər dəqiqləşdirildikdən sonra nəhayət ki, 16 oktyabr tarixində tərəflər müqavilə imzalamaq üçün bir araya gəliblər.
İkitərəfli görüşdə AMEA Gənc Alim və Mütəxəssislər Şurasının sədri Famin Salmanov Rusiya elm məktəbinin ənənələrindən danışaraq hər iki tərəf arasında olan tarixi bağlılığı xüsusi qeyd etdi. Yeni təsis olunmuş Şuranın gördüyü işlərdən, AMEA rəhbərliyinin Rusiya Elmlər Akademiyasının Gənc Alimlər Şurası ilə əməkdaşlığın yeni məcrada davam etdirilməsi perspektivlərinə verdiyi önəmi xüsusi vurğulayan F. Samanov bununla bağlı nəzərdə tutulan elmi-ictimai əməkdaşlığın istər Azərbaycan və istərsə də Rusiya gənc alim və tədqiqatçıların hərtərəfli inkişafına verə biləcəyi töhfələrin əhəmiyyəti haqqında məlumat da verdi. Təmsil etdiyi Şuranın müqavilədə qeyd olunan müddəalar üzrə istənilən layihənin həyata keçirilməsinə hazır olduqlarını vurğuladı.
REA Gənc Alimlər Şurasının nümayəndə heyətinin rhbəri Aleksandr Fedotov Bakıya səfərinin gənc alim və mütəxəssislərin 1-ci Beynəlxalq Konfransı ilə üst-üstə düşməsindən xüsusi məmuniyyətini qeyd edərək təşkilatçılığla bağlı təəssüratlarının geniş olduğunu vurguladı. Bakıda Gənc Alim və Mütəxəssislər Şurasının belə böyük statusa malik bir elmi tədbirin keçirməsi məsələsini yüksək qiymətləndirdiklərinə, Azərbaycan gənclərinin elmə marağına və həmkarlarına qarşı isti münasibətinə dair fikirlərini bölüşdü. O, da hər iki ölkənin tarixi müttəfiqliyinə toxunaraq müasir dövrdə dünya elminə inteqrasiya hədəflərində şərikli elmi fəaliyyətin rolunu və bu aspektdən böyük elm ənənəsi olan Rusiya-Azərbaycan elmi gəncliyinin müştərək fəaliyyətinin təşkilinin aktuallığı üzrəində geniş danışdı.
Sonda tərəflər birgə əməkdaşlığa dair müqavilə imzaladılar.
Günün ikinci yarısında Gənc Alim və Mütəxəssislər Şurası Türkiyə Elmlər Akademiyasının (TEA) Gənc Alimlər Şurasının nümayəndə heyətilə də görüşmüşlər. Görüşün məqsədi yuxarıda qeyd olunan əməkdaşlığın Turkiyə Gənc Alimlər Şurası ilə də təmin olunmasıdır. TEA tərəfindən nümayəndə heyətinə Türkiyə Gənc Alimlər Şurasının sədri, dr. prof. Yusif Baran rəhbərlik etmişdir. İlkin müzakirələr mühitində keçən görüşdə hər iki ölkənin gənc elm adamları gələcəkdə analoji sazişin qardaş Türkiyə Elmlər Akademiyasının Gənc Alimlər Şurası ilə də bağlanmasına dair razılaşmaya nail oldular.

İlkin




 
Bölməyə aid digər xəbərlər
21.02.2019
Fondun təşkilatçılığı ilə KİV rəhbərləri Dövlət Miqrasiya Xidmətinin fəaliyyəti ilə yaxından tanış olublar
21.02.2019
DİN polis orqanlarında 150 vəzifəyə qəbulla əlaqədar müsabiqə elan edib
21.02.2019
Rusiyalı bloqqerlər Azərbaycanda qış mövsümü haqqında film çəkiblər
21.02.2019
Azərbaycanın İstanbuldakı baş konsulu azərbaycanlı tələbələrlə görüşüb
21.02.2019
Dini liderlər Xocalı ilə əlaqədar beynəlxalq təşkilatlara müraciət ediblər

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10611

1 Milli qəhrəmanlara və şəxsiyyətlərə hücum savaşın tərkib hissəsidir
2 “Əsas oxucu kütləsi sayılan gənclər bu gün internet mediaya daha çox üstünlük verirlər”
3 ABŞ-da atışma: xəsarət alanlar var
4 Londonda Karl Marksın məzarına növbəti dəfə vandal hücumu olub
5 Əsərləri dünyanın bütün elektron kitabxanalarında yer alan azərbaycanlı yazar


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info