Lənkəranda yanğın təhlükəsizliyi ilə bağlı seminar-müşavirə keçirilib
Tarix: 21.10.2014 | Saat: 20:24:00 | E-mail | Çapa göndər


Fövqəladə Hallar Nazirliyinin (FHN) Dövlət Yanğın Nəzarəti Xidməti (DYNX) Lənkəranda “Payız-qış mövsümündə yanğın təhlükəsizliyi tədbirləri: yerli icra hakimiyyəti orqanları və qurumlar qarşısında duran vəzifələr” mövzusunda seminar-müşavirə keçirib. Tədbiri FHN DYNX-nin Cənub Regional Dövlət Yanğın Nəzarəti İdarəsinin rəis müavini, daxili xidmət polkovnik-leytenantı Firdovsi Hacıyev açaraq, payız-qış mövsümünün başlanması ilə əlaqədar FHN-in keçirdiyi qabaqlayıcı tədbirlərdən danışıb, maarifləndirici tədbirlərə geniş yer veririlməsinin zəruriliyini qeyd edib. Seminar-müşavirədə FHN DYNX-nin təbliğat şöbəsinin rəisi, daxili xidmət polkovniki Hikmət Xudiyevin «Yaşayış məntəqələrinin yanğın təhlükəsizliyinin təmin olunmasında yerli icra hakimiyyəti və qurumların vəzifələri» mövzusunda məruzəsi dinlənilib. Məruzədə «Yanğın təhlükəsizliyi haqqında» qanunda, Azərbaycan prezidentinin 2012-ci il 6 iyun tarixli fərmanı ilə təsdiq edilmiş «Yerli icra hakimiyyətləri haqqında» Əsasnamədə yanğın təhlükəsizliyinin təmin olunması ilə əlaqədar yeri icra hakimiyyəti orqanları qarşısında duran vəzifələr açıqlanıb, bu vəzifələrin icrasında Mənzil Kommunal Təsərrüfatı Birlikləri, Mənzil Kommunal İstismar Sahələri, bələdiyyə qurumları, Qaz İstismar, Enerji Təchizatı və Satışı İdarələrinin üzərinə düşən vəzifələrdən söhbət açılıb. Məruzədə 1 oktyabr 2013-cü ildən 2014-cü ilin iyuluna qədər ölkə üzrə 399 dəm qazından zəhərlənmə hadisəsinin qeydə alındığı, bu hadisələr nəticəsində 90 nəfərin öldüyü və 356 nəfərin müxtəlif dərəcədə bədən xəsarəti aldığı müşavirə iştirakçılarının diqqətinə çatdırılıb. Bildirilib ki, bu rəqəmlər hamını narahat etməli, qaz təchizatı və istehlakı sahəsində təhlükəsizlik qaydalarına əməl olunması, insanların həyat və sağlamlığı üçün təhlükə yaradan və bədbəxt hadisələrlə nəticələnən, ölkə iqtisadiyyatına və vətəndaşlara əhəmiyyətli ziyan vurulmasına səbəb olan qanun pozuntularının qarşısının alınması istiqamətində müvafiq icra strukturları və dövlət təsisatları tərəfindən təxirə salınmadan qabaqlayıcı tədbirlərin hazırlanıb həyata keçirilməsi ən prioritet məsələ kimi diqqət mərkəzində olmalıdır. Müşavirədə çıxış edən FHN Cənub Regional Mərkəzinin rəisi polkovnik Zəmani Dadaşov, Lənkəran rayon İcra Hakimiyyətinin hüquq sektorunun müdiri Fuad Əhədov maarifləndirmə işlərində yerli icra hakimiyyəti orqanları ilə qarşılıqlı fəaliyyətin zəruriliyini qeyd edib, hər bir müəssisə və təşkilatda yanğına qarşı təbliğat xarakterli tədbirlərin keçirilməsinin vacibliyini vurğulayıblar. Seminar-müşavirədə maarifləndirici tədbirlərə geniş yer verilib, «Qaz təsərrüfatı: yanğın, partlayış, zəhərlənmə təhlükəsindən necə mühafizə olunmalı», «Elektrik təsərrüfatı ilə bağlı yanğın təhlükəsizliyi tədbirləri" mövzusunda çıxışlar dinlənilmiş, «Dəm qazından ehtiyatlı olun!» adlı qısametrajlı film nümayiş etdirilib. Əhali arasında yanğına qarşı təbliğat işində istifadə olunması üçün DYNXtərəfindən nəşr etdirilmiş Yanğın təhlükəsizliyi qaydalarını təbliğ edən plakat və yaddaş vərəqələri seminar-müşavirə iştirakçılarına paylanılıb.

Fuad




 
Bölməyə aid digər xəbərlər
21.09.2018
Bakı metropoliteni tarixinin ən böyük sosial layihəsinə start verilir
20.09.2018
Ağdamda keçirilən əmək yarmarkasında 75 nəfərə işə göndəriş verilib
20.09.2018
Qafqaz Müsəlmanları İdarəsində qanvermə aksiyası keçirilib
20.09.2018
İqtisadiyyat naziri Gəncədə vətəndaşları qəbul edəcək
20.09.2018
Arıçılıqla məşğul olan şəxslərə subsidiya veriləcək

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info