“Hansısa mücərrəd mükafatı almaq üçün Vətəninə, xalqına, xəyanət etmək yolunu tutmaq yolverilməzdir“
Tarix: 22.10.2014 | Saat: 19:13:00 | E-mail | Çapa göndər


"Əgər Avropa Parlamenti insan haqları üzrə Saxarov mükafatını Leyla Yunusa versəydi, həmin mükafatı nüfuzdan salmış olacaqdı. Bu mükafatı təqdim edən insanlar da bilirlər ki, Leyla Yunusun kifayət qədər bu və ya digər formada cinayət işində adı gedir. Vətənə xəyanət, Azərbaycanda olan hərbi, dövlət sirlərini digər düşmən dövlətə satma, vergidən yayınma və s. maddələrlə ittiham olunur və istintaq gedir". Bunu “Trend”ə açıqlamasında hakim Yeni Azərbaycan Partiyasının icra katibinin müavini, millət vəkili Siyavuş Novruzov deyib.
YAP rəsmisinin sözlərinə görə, belə olan halda kiməsə mükafatın verilməsi təbii ki, istintaqın gedişatına təsir olardı: "Bu, dünyada qəbul olunmayan bir şeydir. Baxmayaraq ki, bundan qabaq da Anar Məmmədli adlı bir nəfərə mükafat verdilər, lakin onun özü də istintaqa təzyiq vasitəsidir. Bu təzyiqi göstərənlər kimlərdir? Onların təhriki ilə, maliyyə dəstəyi ilə bu hərəkətləri Azərbaycanda həyata keçirən Leyla Yunus və digərləridir ki, artıq bunların da üstü açılır. Onlar burada dələduzluq yolu ilə nə qədər vəsait əldə etdilər, qrantlardan pul kəsmək və digər hallar ortaya çıxıb. Sonra bunun qarşısını almaqdan ötrü onlara tələm-tələsik hər hansı mükafat verib, azadlığa buraxmaq istəyirdilər ki, izi itirsinlər. Artıq istintaq bu məsələlərin izinə düşüb. Yəqin ki, yaxın vaxtlarda açıq şəkildə keçirilən məhkəmədə Azərbaycan xalqı, dünya ictimaiyyəti görəcək ki, bunlar hansı cinayət əməllərini törədiblər və cəzaları da nədən ibarət olacaq".
S.Novruzov deyib ki, insan çalışmalıdır ki, öz Vətəninin, dövlətinin hərbi, quruculuq, təhsil və s. sahəsində olan əsas dövlət mükafatlarını alsın: "Vətəninə, xalqına, insanlara, cəmiyyətə xidmətlərə görə bu mükafatları almaq daha vacib şərtdir. Hansısa mücərrəd mükafatı almaq üçün Vətəninə, xalqına, dövlətinə xəyanət etmək yolunu tutmaq yolverilməzdir".
Qeyd edək ki, dünən Avropa Parlamenti insan haqları üzrə nüfuzlu Saxarov mükafatının laureatını açıqlayıb. Saxarov mükafatına namizədliyi irəli sürülənlər arasında Azərbaycanda erməni xüsusi xidmət orqanları ilə əməkdaşlıqda və vətənə xəyanətdə, eləcə də digər ağır cinayətlərdə ittiham olunaraq həbs edilmiş Sülh və Demokratiya İnstitutunun rəhbəri Leyla Yunusun da adı var idi. Lakin Avropa Parlamenti Leyla Yunusu bu mükafata layiq görməyib. Mükafat Konqodan olan ginekoloq Deniz Mukveqeyə verilib.




 
Bölməyə aid digər xəbərlər
19.02.2019
Moskvada Azərbaycanın Rusiyadakı səfirinin Çeçenistanın məsul nümayəndələri ilə görüşü olub
19.02.2019
YAP Pirallahı rayon təşkilatı sədrinin 2018-ci ilin yekunlarına və qarşıda duran vəzifələrə dair hesabatı
19.02.2019
İqtidarın qazandığı hər bir uğur müxalifətin siyasi iflasını sürətləndirir
19.02.2019
Fərid Şəfiyev Beynəlxalq Münasibətlərin Təhlili Mərkəzinin sədri təyin edildi - səfir vəzifəsindən geri çağırıldı
18.02.2019
İbrahim Öztek: “Xocalı soyqırımı nankor bir cəmiyyətin xəyanətkar hücumunun son halqasıdır”

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10605

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 Qabaqcıl texnologiyalar dövründə ənənəvi və internet medianın inkişafı
5 ABŞ-da atışma: xəsarət alanlar var


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info