Həştərxan qubernatorunun rəhbərlik etdiyi nümayəndə heyəti Azərbaycana gəlib
Tarix: 22.10.2014 | Saat: 19:42:00 | E-mail | Çapa göndər


Rusiya Federasiyasının Həştərxan vilayətinin qubernatoru Aleksandr Jilkinin rəhbərlik etdiyi nümayəndə heyəti Azərbaycanda işgüzar səfərdədir. Səfər çərçivəsində nümayəndə heyəti oktyabrın 22-də Fəxri xiyabanda xalqımızın ümummilli lideri Heydər Əliyevin xatirəsini ehtiramla anıb, məzarı önünə əklil qoyub.
Görkəmli oftalmoloq alim, akademik Zərifə xanım Əliyevanın da məzarı üzərinə tər güllər düzülüb.
Sonra qonaqlar Şəhidlər xiyabanına gələrək ölkəmizin azadlığı və ərazi bütövlüyü uğrunda mübarizədə canlarından keçmiş qəhrəman Vətən övladlarının xatirəsini yad ediblər.
Daha sonra Nərimanov Rayon İcra Hakimiyyətində nümayəndə heyəti ilə görüş olub.
Rayon icra hakimiyyətinin başçısı Abdin Fərzəliyev ilə keçirilən görüşdə Azərbaycan və Rusiya arasında tarixi köklərə söykənən dostluq münasibətlərindən danışılıb, Həştərxan vilayəti ilə Azərbaycan arasında mövcud olan sosial-iqtisadi və mədəni əlaqələrin daha da gücləndirilməsi məsələləri müzakirə olunub, həmçinin dövlətimiz tərəfindən Həştərxan şəhərində həyata keçirilmiş və perspektivdə nəzərdə tutulan layihələr barədə ətraflı fikir mübadiləsi aparılıb.
Qeyd olunub ki, Heydər Əliyev Fondunun təşəbbüsü ilə Həştərxan şəhərində bir sıra mühüm sosial infrastruktur layihələri həyata keçirilib və bu işlərin gələcəkdə də davam etdirilməsi nəzərdə tutulur. A.Fərzəliyev Azərbaycan tərəfindən Həştərxan vilayətində aparılan sosial əhəmiyyətli layihələrin daim Heydər Əliyev Fondunun vitse-prezidenti Leyla Əliyevanın diqqət mərkəzində olduğunu vurğulayıb.
Xatırladaq ki, 2010-cu ildə Həştərxan şəhərinin mərkəzində Azərbaycan xalqının ümummilli lideri Heydər Əliyevin abidəsinin Azərbaycan Prezidenti İlham Əliyevin iştirakı ilə açılışı olub. Abidənin yerləşdiyi və 3,5 hektar ərazini əhatə edən parkda abadlıq, yenidənqurma işləri aparılıb və sakinlərin istifadəsinə verilib.
Həştərxanda Ulu Öndərin adını daşıyan 11 nömrəli orta məktəb 2011-ci ildə Heydər Əliyev Fondunun təşəbbüsü və dəstəyi ilə tam rekonstruksiya olunub, iki yeni korpusu inşa edilib və şagirdlərin təhsilinin lazımi şəkildə təşkili üçün bütün şərait yaradılıb.
2012-ci ildə Həştərxanda Heydər Əliyev Fondunun vitse-prezidenti Leyla Əliyevanın iştirakı ilə Rusiya-Azərbaycan dostluq körpüsünün və Heydər Əliyev adına parkda “Arzu” uşaq-əyləncə şəhərciyinin açılış mərasimləri keçirilib.
2013-cü ildə Həştərxan şəhərində Azərbaycan Prezidenti İlham Əliyevin təşəbbüsü və Heydər Əliyev Fondunun dəstəyi ilə ucaldılmış Müqəddəs Knyaz Vladimirin abidəsinin açılış mərasimində iştirak edən Heydər Əliyev Fondunun vitse-prezidenti Leyla Əliyeva, həmçinin “Arzu” uşaq kafesinin açılışında da iştirak edib.
2014-cü ildə isə Həştərxanda Heydər Əliyev adına 11 nömrəli orta məktəbin nəzdində müasir memarlıq üslubunda inşa edilmiş 140 yerlik yeni uşaq bağçasının Azərbaycan Prezidenti İlham Əliyevin iştirakı ilə açılış mərasimi keçirilib.
Tural




 
Bölməyə aid digər xəbərlər
19.04.2019
“Qədim mətnlər və klassik mənbələr erməniçilik saxtakarlıqlarını və uydurmalarını ifşa edir“
19.04.2019
Almaniyanın Siegen Universitetinin müəllim və tələbə heyəti “Ulduz” Şokolad Fabrikində
19.04.2019
DGK əsassız ittihamlara söykənən etirazların əks olunduğu video ilə bağlı məlumat yayıb
19.04.2019
“Qanın milliyyəti yoxdur”
18.04.2019
“Bakcell” Formula 1 Azərbaycan Qran Prisinin ilk rəsmi dəstəkçisi oldu

Şərh əlavə olunmayıb

    ,    
Fuad HÜSEYNZADƏ
Esmira Məmmədova
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10751

1 Erməni yoxsa türk qırğını?
2 Müharibə veteranlarına Prezident təqaüdü təsis edilib
3 Hemilton “Formula-1“ tarixinin 1000-ci yarışının qalibi olub
4 Ramiz Mehdiyevin sərəncamı ilə tədbirlər planı təsdiqləndi
5 Bakıda Üçlük ölkələrin birgə ticarət sərgisi keçirilir


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info