ƏƏSMN-də “Məlumat mübadiləsi saatı” keçirilib
Tarix: 22.10.2014 | Saat: 21:09:00 | E-mail | Çapa göndər


Səlim Müslümov: “Məşğulluğun təminatı ilə bağlı işəgötürənlərin məsuliyyətinin artırılması məqsədilə qanunvericilikdə müvafiq dəyişikliklərin edilməsi üçün təkliflər hazırlanıb”

Əmək və Əhalinin Sosial Müdafiəsi Nazirliyində (ƏƏSMN) məşğulluq, demoqrafiya və əmək miqrasiyası sahəsində fəaliyyətə, habelə tibbi-sosial reabilitasiya sisteminin inkişafı üzrə Tvinninq layihəsi çərçivəsində aparılan işlərə dair “Məlumat mübadiləsi saatı” keçirilib.
Tədbiri giriş sözü ilə açan əmək və əhalinin sosial müdafiəsi naziri Səlim Müslümov Prezident İlham Əliyevin 15 noyabr 2011-ci il tarixli sərəncamı ilə təsdiq edilmiş “Azərbaycan Respublikasının Məşğulluq Strategiyasının həyata keçirilməsi üzrə 2011-2015-ci illər üçün Dövlət Proqramı”na uyğun olaraq, işçi qüvvəsinin rəqabət qabiliyyətinin yüksəldilməsinin əsas prioritetlərdən olduğunu qeyd edib. “Bu sahədə aparılan işlərdən biri kimi müxtəlif sahələr üzrə 200 peşə standartı hazırlanaraq, ötən ilin sonlarında sahibkarların istifadəsinə verilib. Cari ilin ötən dövründə isə daha 30 yeni peşə standartının layihələri hazırlanıb. Ümumiyyətlə, biz dinamik və çoxşaxəli iqtisadi inkişaf, habelə əlverişli demoqrafik vəziyyətin formalaşdığı şəraitdə bu prosesi davam etdirməyi və qarşıdakı dövrdə 5 min peşə standartının hazırlanmasını nəzərdə tuturuq”.
S.Müslümov bildirib ki, dövlət başçısının müvafiq tapşırığına əsasən, ölkəmizin uzunmüddətli dövlət məşğulluq siyasətinin formalaşdırılması nazirliyin gündəliyində mühüm yer tutur. Azərbaycanın yeni Məşğulluq Konsepsiyasının hazırlanması ilə bağlı aidiyyəti dövlət orqanları və Milli Elmlər Akademiyasının nümayəndələri ilə artıq müzakirələrə başlanılıb. Nazir əlavə edib ki, işsiz və işaxtaran vətəndaşların, sosial cəhətdən həssas əhali qruplarının məşğulluğunun təminatı ilə bağlı işəgötürənlərin məsuliyyətinin artırılması üçün qanunvericilikdə müvafiq dəyişikliklərə ehtiyac vardır. Bu məqsədlə Azərbaycan Respublikasının İnzibati Xətalar Məcəlləsinin müvafiq bəndlərinə və digər normativ-hüquqi aktlara dəyişikliklərin edilməsinə dair nazirlik tərəfindən təkliflər hazırlanıb.
“Azərbaycan Respublikasında demoqrafiya və əhali sakinliyinin inkişafı sahəsində Dövlət Proqramı (2014-2025-ci illər)”nın layihəsinin də hazırlandığını qeyd edən S.Müslümov Aİ-nin Avropa Qonşuluq Siyasəti çərçivəsində icra olunan “Əlilliyi olan şəxslər üçün tibbi-sosial reabilitasiya sisteminin inkişaf etdirilməsi istiqamətində Azərbaycan Respublikasının Əmək və Əhalinin Sosial Müdafiəsi Nazirliyinə dəstək” adlı yeni Tvinninq layihəsindən də bəhs edib: “Bu layihə çərçivəsində Litva, Fransa və Almaniyanın müvafiq dövlət qurumları ilə əməkdaşlıq şəraitində və həmin ölkələrin təcrübəsi əsasında əlilliyi olan şəxslərlə bağlı milli qanunvericiliyin təkmilləşdirilməsi, tibbi-sosial reabilitasiyası sisteminin inkişafı və s. sahələrdə işlər aparılır”.
Tədbirdə Nazirliyin Aparatının Məşğulluq siyasəti və əmək bazarının tənzimlənməsi şöbəsinin müdiri Vahab Məmmədov, qeyd olunan Tvinninq layihəsi üzrə beynəlxalq ekspert Kristian Mutye, Sumqayıt Əlillərin Bərpa Mərkəzinin baş həkimi Şaban Eyvazov, nazirliyin Sumqayıt şəhəri üzrə 12 saylı Tibbi-Sosial Ekspert Komissiyasının sədri Gülnarə Hacıyeva müvafiq fəaliyyət sahələrinə dair məlumatlar veriblər. Daha sonra Azərbaycana Birgə Yardım Təşkilatının təqdimatı olub. Ayrı-ayrı suallar cavablandırılaraq, görülən işlərlə bağlı fikir mübadilələri aparılıb və cari məsələlər müzakirə olunub.


İlkin




 
Bölməyə aid digər xəbərlər
23.09.2018
Səkkiz ayda hər bir sakin 554,5 manatlıq ödənişli xidmətlərdən istifadə edib
21.09.2018
Bakı metropoliteni tarixinin ən böyük sosial layihəsinə start verilir
20.09.2018
Ağdamda keçirilən əmək yarmarkasında 75 nəfərə işə göndəriş verilib
20.09.2018
Qafqaz Müsəlmanları İdarəsində qanvermə aksiyası keçirilib
20.09.2018
İqtisadiyyat naziri Gəncədə vətəndaşları qəbul edəcək

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10131

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info