“Dağlıq Qarabağın işğalı beynəlxalq hüquq prizması baxımından“ adlı konfrans
Tarix: 27.10.2014 | Saat: 15:11:00 | E-mail | Çapa göndər


Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının xarici QHT-lər üçün qrant müsabiqəsi çərçivəsində Layihə İdarəetmə Assosiasiyası tərəfindən Türkiyənin Bursa şəhərində "Dağlıq Qarabağın işğalı beynəlxalq hüquq prizması baxımından” adlı konfrans keçirilib.
Şuradan verilən məlumata görə, toplantını giriş sözü ilə açan Layihə İdarəetmə Assosiasiyasının sədri, prof. Çətin Almas həyata keçirdikləri layihənin əhəmiyyəti haqqında danışıb və Ermənistanın Azərbaycan torpaqlarını işğal etməsi faktını beynəlxalq hüququn təməl prinsiplərinin kobud şəkildə pozulması adlandırıb.
Konfransda prof. Dr. Həsən Tunç, prof. Dr. Necdət Hayta, Şura Katibliyinin icraçı direktoru Fərasət Qurbanov və digər şəxslər məruzə ilə çıxış ediblər.
Toplantıda çıxış edən şəxslər Ermənistanın Azərbaycan torpaqlarını işğal etməsi faktını pisləyərək münaqişə ilə bağlı BMT Təhlükəsizlik Şurası tərəfindən qəbul olunan dörd qətnamədə Azərbaycanın suverenliyi və ərazi bütövlüyünün təsbit olunduğunu qeyd ediblər. Bu qətnamələr erməni işğalçı qoşunlarının Azərbaycanın bütün zəpt olunmuş ərazilərindən dərhal, tam və qeyri-şərtsiz çıxarılmasını tələb edir. Məruzəçilər vurğulayıblar ki, Ermənistan tərəfi işğalçılıq siyasətini gizlətmək üçün beynəlxalq hüququn xalqların öz müqəddəratını təyinetmə prinsipindən sui-istifadə etməyə çalışır. Halbuki Ermənistan-Azərbaycan, Dağlıq Qarabağ münaqişəsi kontekstində xalqların öz müqəddəratını təyinetmə hüququ daxili hüquq kimi ifadə oluna bilər. Bu hüququn da yalnız Ermənistanın işğalçı qüvvələri Azərbaycan ərazilərindən çıxarıldıqdan və azərbaycanlı qaçqın və məcburi köçkünlər öz doğma yurdlarına qayıtdıqdan sonra ölkəmizin sərhədləri daxilində reallaşdırılması mümkündür.
Tədbir iştirakçıları münaqişənin Azərbaycanın ərazi bütövlüyü çərçivəsində həll olunmasının vacibliyini vurğulayaraq, beynəlxalq ictimaiyyəti bu məsələyə diqqətini artırmağa çağırıblar.
Toplantıda ekspertlər, professorlar, çoxsaylı media və QHT nümayəndələri iştirak edib.
Tural




 
Bölməyə aid digər xəbərlər
25.09.2018
Müdafiə Sənayesi Nazirliyi ilə “ASELSAN” şirkəti arasında memorandum imzalanıb
25.09.2018
“Şahdağ” rusiyalı turistlər üçün ən yaxşı dağ-xizək kurortlarının ilk üçlüyünə daxil edilib
25.09.2018
“Bakcell“dən maraqlı aksiya və onlayn müsabiqə: DaimOnline
25.09.2018
AQTA-nın vətəndaşlara müraciəti
25.09.2018
Mübariz Qurbanlı Mingəçevirdə vətəndaşların müraciətlərini dinləyib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10145

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info