İrandan sanksiyalarla üzləşən Rusiyaya daha bir dəstək
Tarix: 29.10.2014 | Saat: 16:50:00 | E-mail | Çapa göndər


İran yaxın üç il ərzində Rusiyaya 120 milyon dollar dəyərində dərman və dərman preparatları ixrac edəcək. Bunu hazırda Rusiyada səfərdə olan İran Prezidentinin elm və texnologiyalar üzrə müavini Surena Səttari deyib.
İran Televiziyasının rəsmi xəbər saytı “iribnews”-un verdiyi məlumata görə, hazırda İrandan ildə 30 milyon dollar dəyərində dərman və dərman preparatları Rusiyaya ixrac olunur ki, onlar arasında dağınıq skleroz (MS) və xərçəng xəstəliklərinin müalicəsində istifadə edilən dərmanlar çoxluq təşkil edir.
S.Səttari deyib ki, İran nanotexnologiyalar sahəsində dünyada yeddinci ölkədir: “İran yeni tərkibli dərmanların istehsalı sahəsində nailiyyətlər əldə edib. Bu sahədə Rusiya ilə əməkdaşlıq edəcəyik”.
İran prezidentinin müavinini Rusiyaya səfərdə dərman, tibbi texnologiya, neft-qaz və nanotexnologiyalar sahəsində çalışan mütəxəssislər müşayiət edir. Səfər çərçivəsində Rusiya rəsmiləri ilə görüşlər təşkil olunub.
Surena Səttarinin başçılıq etdiyi nümayəndə heyəti Tatarıstana da səfər edəcək. Burada neft və qaz araşdırmaları mərkəzlərinə baxış keçiriləcək.
Xatırladaq ki, bir müddət öncə İran rəsmiləri Rusiyaya bu ölkədən balıq ixracının artırılacağı barədə bəyanat vermişdilər. Bunun üçün İranın kifayət qədər potensialının olduğu və hər iki ölkə prezidenti arasında keçirilən görüşdə razılaşmanın da əldə edildiyi vurğulanmışdı.
Tural




 
Bölməyə aid digər xəbərlər
15.09.2019
“S-400“ün ikinci batareya materiallarının da təslimi tamamlandı
15.09.2019
Türkiyə Özbəkistanı dəstəkləyir
15.09.2019
Türkiyə və dünya ölkələri “Saudi Aramco”ya olan hücumu qınayıblar
15.09.2019
“Sarı jiletlilər” nümayişlərin 44-cü həftəsində yenə hökumətə qarşı etiraza çıxdılar
15.09.2019
Dronların hücumu nəticəsində Səudiyyə Ərəbistanında neft hasilatı yarıbayarı azalıb

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10886

1 Tələbələrə Prezident təqaüdünün verilməsi haqqında Sərəncam imzalandı
2 Prezident İlham Əliyev AŞPA-nın prezidentini qəbul edib
3 Müəllimlərin dərs yükü norması artırıldı
4 Daxili İşlər nazirindən yeni təyinat
5 Prezident təqaüdü alacaq tələbələrin yarısı regionların payına düşür


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info