Vladimir Doroxin: “Bakı rus dilini Moskvaya xoş gəlmək üçün dəstəkləmir”
Tarix: 30.10.2014 | Saat: 19:32:00 | E-mail | Çapa göndər


Azərbaycanda rus dilinə tələbat var. Bu barədə Rusiyanın ölkəmizdəki səfiri Vladimir Doroxin bəyan edib.
“Azərbaycanda əhalinin böyük hissəsinin rus dilinə sabit, təbii marağı var”, - deyə rus diplomat cümə axşamı Bakı Slavyan Universitetində Azərbaycandan və Gürcüstandan olan həmvətənlər üçün rus dilinin dəstəklənməsinə və qorunub saxlanmasına dair regional konfransda vurğulayıb.
V.Doroxinin sözlərinə görə, Azərbaycanda rus dili uğrunda mübarizə aparmağa və təbliğ etməyə ehtiyac yoxdur. Azərbaycan rəhbərliyi respublikada həm təhsil, həm də mədəniyyət, informasiya, televiziya sahələrində rus dilinə marağın artması üçün lazımi şərait yaradır.
“Müxtəlif regionlar və dünya ölkələrində bu cür seminarlar keçirən və nəhayət, Azərbaycana gəlib çatan həmvətənlərimiz olan qonaqların qərarını alqışlayıram”, - deyə V.Doroxin bildirib.
Diplomat regional konfransın keçirilməsi ideyasını dəstəkləyən BSU-ya minnətdarlığını bildirib: “Bakı Slavyan Universiteti xüsusi yer tutur, Azərbaycanda rus dilinə olan yaxşı münasibətin simvoluna çevrilib. Və bu barədə hər kəsə, o cümlədən də prezidentlərimizə məlumdur. Bizim prezident BSU-nun fəxri doktorudur. Mən həqiqətən çox ümid edirəm ki, sizin burada çox səmərəli danışıqlarınız olacaq, çünki bunun üçün baza mövcuddur. Azərbaycanda rus dilinin və rus dilində müxtəlif fənlərin tədrisinin unikal təcrübəsi toplanıb”.
Onun sözlərinə görə, Azərbaycanın hər bir vətəndaşı rus dilində təhsil ala bilər: “Bu, Azərbaycanın sabitlik və rifahının əsasını təşkil edən multikulturalizmin çox gözəl nümunəsidir. Rusiya Federasiyasının səfiri kimi Azərbaycanın rus dilinə münasibətinin əlaqələrimizin çox mehriban amili olmasını qeyd etməyə bilmərəm”.
Səfir vurğulayıb ki, Azərbaycanda rus dilinə münasibət ölkə rəhbərliyinin ikidilliliyin əhəmiyyətini anlaması ilə diktə olunub: “Rus dili Bakı tərəfindən Moskvaya xoş gəlmək üçün deyil, bu ölkənin milli maraqlarına cavab verdiyi üçün dəstəklənir. Lakin buna baxmayaraq, bu cür mehriban münasibət, əlbəttə ki, Rusiya və Azərbaycanı yaxınlaşdıran amildir. Elə ölkələr var ki, biz onlarla rus dilinə görə mübahisə edirik, burada isə əksinə, rus dilinə münasibət iki ölkə arasında dostluq və əməkdaşlıq amilidir”.
Qeyd edək ki, Azərbaycandan və Gürcüstandan olan həmvətənlər üçün rus dilinin dəstəklənməsinə və qorunub saxlanmasına dair regional konfrans iştirakçı ölkələrin vahid informasiya-mədəni məkanının dəstəklənməsinə imkan yaradan effektiv tədbirlər kompleksinin müəyyən edilməsi məqsədi daşıyır. Proqram Moskva şəhərinin Xarici İqtisadi və Beynəlxalq Əlaqələr Departamenti tərəfindən işlənib hazırlanıb və “Moskva Beynəlxalq Əməkdaşlıq Mərkəzi” dövlət unitar müəssisəsi tərəfindən həyata keçirilir. Rus dili mütəxəssisləri iki gün ərzində tədbirdə fikir mübadiləsi aparacaqlar. Bakı Slavyan Universitetində rusiyalı ekspertlərin, Azərbaycan və Gürcüstandan olan müəllimlərin iştirakı ilə plenar iclas keçiriləcək.
Konfransda təxminən 100 nəfər iştirak edir, onlardan 9 nəfəri Rusiyanı, 8 nəfəri isə Gürcüstanı təmsil edir.

Fuad Hüseynzadə




 
Bölməyə aid digər xəbərlər
26.05.2019
İran Fars körfəzi dövlətləri ilə hücum etməmək haqqında müqavilə imzalamağa hazırdır
26.05.2019
Viqen Akopyan: “Paşinyan komandasında təsir rıçaqını əldə etmək üçün mübarizə gedir”
25.05.2019
Türkiyənin təhlükəsizlik qüvvələri PKK-nın Qara dəniz düşərgəsini ələ keçiriblər
25.05.2019
Serj Sarkisyan gizlicə Koçaryanla görüşüb
25.05.2019
Erməni ordusuna ayrılan sabunlar Gümrüdəki bazarda satılır

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10790

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 Erməni əsilli gimnast: Mxitaryanın yerində olsaydım, komandamla birgə Bakıya gələrdim
5 Vahid Rzayev:”Səhər gördük ki, ermənilər arxiv sənədində özlərinə sərf etməyən hissəni qayçı ilə kəsiblər”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info