Səlim Müslümov İsmayıllı, Göyçay, Şamaxı, Ağsu və Qobustan rayonlarının sakinlərini qəbul edib
Tarix: 31.10.2014 | Saat: 17:13:00 | E-mail | Çapa göndər


Prezident İlham Əliyevin 20 iyun 2014-cü il tarixli sərəncamına əsasən, bu ilin əvvəlinədək növbədə olan əlil və şəhid ailələri 2014-2018-cü illərdə mənzillə tam təmin ediləcəklər. Yaxın vaxtlarda isə bir sıra rayonlarda, həmçinin Şamaxı rayonunda yeni çoxmənzilli yaşayış binası bu təbəqələrdən olan insanlara təqdim olunacaq. Bunu Azərbaycan Respublikasının əmək və əhalinin sosial müdafiəsi naziri Səlim Müslümov oktyabrın 31-də İsmayıllı rayonunda vətəndaşları qəbul edərkən bildirib.
Qəbul zamanı İsmayıllı, Göyçay, Şamaxı, Ağsu, Qobustan rayonlarından olan ümumilikdə 50-yə yaxın vətəndaşın müraciəti dinlənilib. Müraciətlərdə əlil və şəhid ailələrinin mənzillə təminatı, habelə minik avtomobili ilə təmin olunmaq üçün növbəyə yazılma, əlilliyi olan şəxslərin məşğulluğunun təminatı, eləcə də onların peşə reabilitasiyası, sosial-məişət problemlərinin həllinə köməklik göstərilməsi, əlilliyin müəyyən olunması və digər məsələlər əksini tapıb. S.Müslümov vətəndaşların toxunduqları məsələlərin nazirliyin müvafiq struktur bölmələrinin məsul şəxslərinin iştirakı ilə araşdırılaraq aidiyyatı üzrə tədbirlər görülməsi, həmçinin müraciətlərinə əsasən bir qisim vətəndaşların əlillik müayinəsinə cəlb edilməsi barədə tapşırıq verib: “2014-cü ilin ötən dövründə cənab Prezidentin əlilliyi olan şəxslərin sosial müdafiəsində xüsusi önəm kəsb edən iki mühüm Sərəncamının uğurlu icrası olaraq, cari ilin əvvəlinədək növbədə olan bütün əlilliyi olan şəxslər, yəni 1453 nəfər avtomobillə tam təmin ediliblər. Hazırda da əlilliyi olan şəxslər onlara müvafiq Tibbi-Sosial Ekspert Komissiyasından xüsusi nəqliyyat vasitəsinə tibbi göstəriş verildiyi təqdirdə avtomobillə təmin olunmaq üçün heç bir problem olmadan növbəyə yazıla bilərlər”.
Qəbul zamanı müxtəlif reabilitasiya avadanlıqları ilə təminat, eləcə də sosial müdafiəyə xüsusi ehtiyac duyan kateqoriyalara aid ayrı-ayrı şəxslərin müraciətləri əsasında onların məşğulluqlarının təminatı məsələləri elə yerindəcə həll olunub. Sosial cəhətdən həssas vətəndaşların, o cümlədən əlilliyi olan şəxslərin məşğulluğunun təminatına daha diqqətlə və məsuliyyətlə yanaşılması barədə göstəriş verən nazir həmçinin bir sıra əlilliyi olan şəxslərin sosial-məişət problemlərinin həllinə köməklik göstərilməsi ilə bağlı müraciətlərinə baxılmasını tapşırıb: “Təkcə bu ilin 9 ayı ərzində Nazirliyin müvafiq Komissiyasının qərarları əsasında sosial müdafiəyə daha çox ehtiyacı olan 337 nəfər əlilliyi olan şəxsin sosial-məişət problemlərinin həllinə köməklik üçün onlara birdəfəlik maddi yardımlar verilib. Bu da ötən ilin müvafiq dövrü ilə müqayisədə 176 nəfər, birdəfəlik maddi yardımlar üzrə ödənilən vəsaitin məbləği isə 4,87 dəfə çoxdur”. Qəbul zamanı ayrı-ayrı vətəndaşların qaldırdıqları məsələlərlə bağlı müvafiq qanunvericilik barədə məlumatsız olmaları səbəbindən onlara hüquqi izahatlar verilib. Nazirliyin səlahiyyət dairəsinə aid olmayan məsələlərlə əlaqədar müraciətlər aidiyyatı qurumlara çatdırılmaq üçün qeydiyyata alınıb.
Göyçay, Şamaxı, Ağsu, Qobustan rayonlarından qəbula yazılmış vətəndaşların həmin rayonların ƏSMM-lərinin inzibati binalarının qarşısından xüsusi ayrılmış nəqliyyatla İsmayıllı rayonuna aparılıb gətirilmələri təmin edilib.

İlkin




 
Bölməyə aid digər xəbərlər
16.11.2018
Rəsulzadə bələdiyyəsində “Strateji Yol Xəritəsi” müzakirə olunub
15.11.2018
Daxili orqanında narkotik vasitə keçirmək istədi
15.11.2018
AAYDA 100 illik yubileyi ilə əlaqədar qanvermə aksiyası təşkil edib
15.11.2018
Qaçaq yolla dərman gətirilməsi cəhdinin qarşısı alınıb
15.11.2018
Bu vulkanların ətrafında yaşayanlar üçün ciddi təhlükə var

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10489

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Gedir dayanmadan zamanın köçü”
4 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
5 Davamli dil siyasəti dövlətin əsas prioritet istiqaməti kimi


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info