“La Nacion” qəzetində erməni vandalizmi və işğalçılığına dair məqalə
Tarix: 03.11.2014 | Saat: 15:40:00 | E-mail | Çapa göndər


Argentinanın ən populyar KİV-i olan “La Nacion” qəzeti səfir Məmməd Əhmədzadənin erməni səfirinin fikirlərinə cavab olaraq növbəti məktubunu dərc edib.
XİN-in mətbuat xidmətindən verilən məlumata görə, Azərbaycan diplomatı bildirir ki, Dağlıq Qarabağ Azərbaycanın beynəlxalq səviyyədə tanınmış ərazisidir və qondarma "DQR" Ermənistan tərəfindən Azərbaycana qarşı təcavüzünü ört-basdır etmək üçün qanunsuz olaraq yaradılmış və heç bir ölkə tərəfindən tanınmamış separatçı rejimdir. Yazıda vurğulanır ki, 1988-ci il SSRİ dönəmində Ermənistan SSR Azərbaycan SSR-yə qarşı əhalisi azərbaycanlılar və ermənilərdən ibarət olan Azərbaycanın Dağlıq Qarabağ əyaləti ilə bağlı ərazi iddiaları irəli sürür, eyni zamanda 250 min azərbaycanlıları da Ermənistandan deportasiya edir. “SSRİ-nin dağılmasından sonra isə Ermənistan Azərbaycana qarşı hərbi təcavüz həyata keçirərək Dağlıq Qarabağı və onun ətrafındakı 7 rayonu - ölkəmin ərazilərinin 20 faizini işğal edir. Bu işğal nəticəsində həmin ərazilərdəki 750 min azərbaycanlı etnik təmizləməyə məruz qalaraq məcburi köçkünə çevrilir. İşğal prosesində Ermənistan beynəlxalq humanitar hüququ kobud şəkildə pozaraq dinc azərbaycanlı əhaliyə qarşı qətliamlar, Xocalı soyqırımını törədir”, deyə Azərbaycan səfiri qeyd edir.
M.Əhmədzadə bildirir ki, öz təcavüzünü ört-basdır etmək üçün Ermənistan xalqların öz müqəddəratını təyin etməsi prinsipindən istifadə etməyə çalışır. “Erməni xalqı Ermənistan dövləti yaratmaqla artıq öz müqəddəratını təyin edib və Azərbaycan ərazilərində ikinci erməni dövlətinin yaradılması qəbuledilməzdir. Bundan başqa, ermənilərin yaşamadığı ətraf rayonların işğalı və həmin ərazilərdən də bütün azərbaycanlıların qovulması onu göstərir ki, Ermənistanın xalqların öz müqəddəratını təyin etməsi prinsipinə istinad etməsi absurddur. Xalqların öz müqəddəratını təyin etməsi prinsipi Dağlıq Qarabağa azərbaycanlıların qaytarılmasını tələb edir. Dağlıq Qarabağ xalqı deyilən bir anlayış yoxdur, Dağlıq Qarabağın erməni və azərbaycanlı icmaları deyilən anlayışlar vardır və azərbaycanlı icması da oradan qovulub. Ermənilərin Dağlıq Qarabağdan azərbaycanlıları qovaraq orada öz müqəddəratını təyin etməyi tələb etmələri yolverilməzdir”, deyə yazıda qeyd olunur. Diplomat, habelə bildirir ki, Dağlıq Qarabağa azərbaycanlılar qaytarıldıqdan sonra hər iki icma Azərbaycanın ərazi bütövlüyü çərçivəsində yüksək muxtariyyət, sülh və ləyaqətlə yaşaya bilərlər və məsələnin yalnız bu cür həlli ədalətlidir və beynəlxalq təşkilatlar tərəfindən qəbul olunmuş çoxsaylı sənədlərə, beynəlxalq hüquqa, BMT Nizamnaməsinə və Helsinki Yekun Aktına uyğundur.
M.Əhmədzadə vurğulayır ki, Azərbaycan BMT Nizamnaməsinə, xüsusilə də onun 51-ci maddəsində təsbit olunmuş hüquqlarına xələl gətirmədən münaqişənin sülh yolu ilə həllinə tərəfdardır, bu xüsusda 20 ildən artıqdır ki, hələ də heç bir nəticə verməyən danışıqlar prosesində iştirak edir. “Münaqişənin nizamlanmasına ən böyük əngəl Azərbaycan ərazilərində Ermənistan hərbi qüvvələrinin qalmasıdır. Bu qüvvələrin işğal olunmuş ərazilərdən çıxarılması və azərbaycanlı məcburi köçkünlərin öz torpaqlarına qaytarılması münaqişənin nizamlanmasının açar elementləridir. XXI əsrdə beynəlxalq ictimaiyyət hərbi güc tətbiq etməklə beynəlxalq səviyyədə tanınmış sərhədlərin dəyişdirilməsini qəbul etmir”, deyə diplomat fikirlərini tamamlayır.
Tural




 
Bölməyə aid digər xəbərlər
22.09.2018
Reytinq: Bakı dünyanın ən təhlükəsiz 41 şəhəri sırasında yer alıb
22.09.2018
Xüsusi Olimpiya Hərəkatı gənc liderlərin 20-ci Qolobal Forumu keçiriləcək
21.09.2018
Azərbaycanın ən sürətli mobil şəbəkəsinin adı açıqlanıb
21.09.2018
Baş prokuror Quba rayonunda vətəndaşları qəbul edib
21.09.2018
Sahil Babayev Göygöl rayonunda 4 rayon və şəhərin sakinləri ilə görüşüb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10131

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info