Mao Biao: “Azərbaycan Çinin yaxın dostudur”
Tarix: 04.11.2014 | Saat: 18:12:00 | E-mail | Çapa göndər


Noyabrın 4-də Milli Məclis sədrinin birinci müavini Ziyafət Əsgərov ölkəmizdə səfərdə olan Ümumçin Siyasi Məşvərət Şurasının sədr müavini və Çin Xalq Respublikasının Sülh və Tərksilah Cəmiyyətinin sədr müavini Mao Biaonun rəhbərlik etdiyi nümayəndə heyəti ilə görüşüb. Görüşdə Ziyafət Əsgərov Azərbaycanın Çin ilə bütün sahələrdə münasibətlərə önəm verdiyini deyib. Milli Məclisin sədr müavini yüksək səviyyəli qarşılıqlı səfərlərin ölkələrimiz arasındakı münasibətlərin inkişafına xüsusi təkan verdiyini bildirib.
Həm Azərbaycanın, həm də Çinin sürətlə inkişaf edən iqtisadiyyata malik olduğunu deyən Z.Əsgərov qeyd edib ki, ölkələrimiz arasında müxtəlif sahələrdə, o cümlədən ticarət, elm, təhsil, səhiyyə, turizm sahələrində əlaqələri daha da dərinləşdirmək üçün kifayət qədər potensial var.
Ermənistan-Azərbaycan, Dağlıq Qarabağ problemi barədə ətraflı məlumat verən Z.Əsgərov bildirib ki, münaqişə nəticəsində Azərbaycan torpaqlarının 20 faizi işğal olunub, 1 milyondan çox insan qaçqın və məcburi köçkünə çevrilib. Vurğulanıb ki, Ermənistan BMT Təhlükəsizlik Şurasının, Avropa Şurasının və digər beynəlxalq təşkilatların münaqişənin həlli ilə bağlı qəbul etdikləri qətnamə və qərarlara məhəl qoymur.
Azərbaycanın Çinin yaxın dostu olduğunu deyən Mao Biao ölkəsinin rəsmi Bakı ilə münasibətləri hər zaman yüksək qiymətləndirdiyini qeyd edib. O, bildirib ki, səfərinin məqsədi ölkələrimiz arasında müxtəlif sahələrdə, o cümlədən parlamentlər arasında münasibətlərin inkişafına təkan verməkdir. M. Biao humanitar sahədə əlaqələrin daha da inkişaf etdirilməsinin vacibliyini vurğulayıb.
Ermənistan-Azərbaycan, Dağlıq Qarabağ münaqişəsində Çinin mövqeyinin dəyişməz qaldığını xatırladan qonaq problemin beynəlxalq hüquq normaları çərçivəsində, ədalətli həllinin tərəfdarı olduqlarını deyib.
Tural




 
Bölməyə aid digər xəbərlər
05.04.2020
Ombudsmanın koronavirusun yayılması ilə əlaqədar miqrantların hüquqlarının müdafiəsi məqsədilə həyata keçirdiyi fəaliyyətə dair məlumat
05.04.2020
Ailə TV karantinlə bağlı əhaliyə növbəti güzəştlər edib
05.04.2020
Biz sizin üçün xidmət edirik, Siz də bizim üçün evdə qalın -VİDEO
05.04.2020
Azərbaycanda koronavirusun yayılmasına qarşı əlavə tədbirlər haqqında qərar qüvvəyə minib
04.04.2020
Baş nazir Tədbirlər Planını təsdiqlədi

Şərh əlavə olunmayıb

    ,    
Tural Tağıyev
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11496

1 Dilşad Musadan karantin günləri ilə bağlı valideynlərə tövsiyələr!
2 İtalyan mətbəxindən “Osso Bucco“-VİDEO
3 Türkiyədə azan vaxtı çəkilən bu video heyrətə gətirdi-VİDEO
4 “300 minə yaxın işçinin əməkhaqqısının 50 faizə qədərinin dövlət tərəfindən dəstəklənməsi nəzərdə tutulur”
5 “Dövlət tərəfindən iqtisadiyyatın sabitləşməsi üçün bütün lazımi addımlar atılır”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info