“The Diplomat”: “Rusiya-Çin münasibətlərini ciddiyə almağın vaxtıdır”
Tarix: 06.11.2014 | Saat: 20:01:00 | E-mail | Çapa göndər


“İki ölkənin yaxınlaşmasının əsasında dünya nizamının tamam yenidən qurulmağa ehtiyacı olması barədə ideya dayanır”

Yaponiyanın “The Diplomat” qəzeti Rusiya-Çin oxunun güclənməsindən narahatlıq ifadə edən yazı yazıb. Yazıda bildirilir ki, “Foreign Affairs”də Gilbert Rozman Rusiya-Çin münasibətlərinin nəyə görə uzunmüddətli olduğunu əsaslandırır: “Rozman təsdiq edir ki, biz yaxın gələcəkdə Çinlə Rusiya arasında parçalanma görməyəcəyik. Onlar əsasən milli özünüdərk və ideologiya sahəsində münasibətlərə malikdir. Putin və Çzinpin zamanında iki ölkənin yaxınlaşması orqanik hal alıb. İdeoloji istiqamət və geopolitik məqsədlər baxımından iki ölkənin mövqeyi xeyli dərəcədə üst-üstə düşür. Onlar rəsmən müttəfiq deyillər, amma onların birgə fəaliyyəti, Asiyada və bütün dünyada beynəlxalq münasibətlərə yönəlmiş mövqelərini ciddiyə almamaq olmaz. Rusiya-Çin münasibətlərini ciddiyə almağın vaxtıdır.
Bugünkü Rusiya və Çin arasındakı yaxınlaşmanın əsasında hazırkı dünya nizamının minimum bir alternativə və ya tamam yenidən qurulmağa ehtiyacı olduğu barədə ideya dayanır. Hər iki ölkənin elitası 2008-ci ildə maliyyə böhranı yaşayıb və onlara elə gəlir ki, Qərb modeli onlara adekvat və münasib deyil.
Rozman da qeyd edir ki, bugünkü Rusiya və Çinin intellektual elitası Qərbi, Ukraynada və Honkonqda hazırkı nizamsızlıqlara görə xoşagəlməz imperialist qüvvə kimi görür. Hər iki ölkədə mövcud olan belə bir qənaət, onlardakı millətçiliyi bir-birinə qarşı yox, Qərbə qarşı dayanmağa təhrik edir.
O da qeyd edilməlidir ki, hər iki ölkənin konfliktli münasibətləri də var. Məsələn, Rusiya Çinin ərazi düşmənçiliyi olan Hindistan və Vyetnama əsas silah ixracatçısıdır. Pekin bunu razılıqla qarşılamasa da, bu silah satışının Moskvanın xarici siyasətinin bir hissəsi olduğunu etiraf etməyə məcbur olub. Bu gün Putin özünün Avrasiya İttifaqı ideyasını həyata keçirməyə çalışır. Belə məqamda Pekinin regional və qlobal lider kimi güclənən mövqeyini nəzərə almamaq çox çətindir. Şanxay Əməkdaşlıq Təşkilatında, BRİKS-də təmsil olunan və “Qərbə qarşı marş” siyasətini yürüdən Çin, qarşıdakı on ildə Avrasiya məkanında yəqin ki, Rusiyanı ötüb keçəcək.
Bununla birlikdə Rusiya və Çin özlərinin diplomatik ritorikalarını ümumi pozitivə kökləyiblər. Məsələn, bunun bariz nümunəsi kimi iki ölkə arasında 400 milyard dollarlıq qazın ixracı ilə bağlı anlaşma məsələsini göstərmək olar”.
Daha sonra qeyd edilir ki, bu situasiyada nəinki Rusiya Çinə, Çin Rusiyaya geopolitik baxımdan daha çox lazımdır. Avropa ilə münasibətlərin pisləşməsi və neftin qiymətinin kəskin enməsi fonunda Rusiyanın özünü postsovet ölkələri və Çinə zəncirləməkdən başqa çıxış yolu qalmayıb.

İlkin AĞAYEV




 
Bölməyə aid digər xəbərlər
20.09.2018
Paşinyanın növbəti iftirası: siyasi imicini itirmiş şoumen
19.09.2018
Pakistan məhkəməsi Nəvaz Şərifin həbsdən buraxılmasına qərar verib
19.09.2018
USAİD Gürcüstanda iqtisadi islahatlar üçün 1,5 milyard dollar ayırıb
19.09.2018
Şimali və Cənubi Koreya arasında hərbi sahədə əməkdaşlıq müqaviləsi imzalanıb
18.09.2018
Çin ABŞ-dan idxal olunan 5200-dən çox məhsulun rüsumunu artırır

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info