Tokioda əfsanəvi bakılı kəşfiyyatçının anım mərasimi keçirilib
Tarix: 07.11.2014 | Saat: 20:38:00 | E-mail | Çapa göndər


Əfsanəvi kəşfiyyatçı, əslən bakılı Rixard Zorgenin ölümünün 70-ci ildönümü ilə əlaqədar noyabrın 7-də Tokioda anım mərasimi keçirilib.
Mərasim iştirakçıları – Rusiyanın Yaponiyadakı səfirliyinin əməkdaşları, Sovet İttifaqı Qəhrəmanı Rixard Zorgenin adını daşıyan məktəbin şagirdləri məşhur kəşfiyyatçının Tokio yaxınlığında yerləşən Tama qəbiristanlığındakı məzarını ziyarət ediblər.
Əfsanəvi kəşfiyyatçı Rixard Zorgenin rəhbərlik etdiyi qrup II Dünya müharibəsi zamanı düşmən tərəf haqqında verdiyi iki məlumatla diqqəti cəlb edib. Bunlardan birincisi Almaniyanın Sovet İttifaqına hücumunun vaxtı və bu zaman düşmən tərəfinin tətbiq edəcəyi qüvvələr barədə idi. İkinci məlumat isə Yaponiyanın SSRİ-yə hücum etməyəcəyi haqda xəbər idi. Mütəxəssislərin qənaətinə görə, bu xəbər müharibənin gedişinə əsaslı təsir göstərmişdi. Məhz bu məlumat əsasında Sovet İttifaqı ölkənin şərqində yerləşən diviziyaları qərb cəbhəsinə köçürərək müharibənin gedişatında əsaslı dönüşə nail ola bilib.
Yaponiyada Rixard Zorge istedadlı və istiqanlı, adı romantik hekayələrlə bağlı insan kimi xatırlanır. 2000-ci ildə “Asahi” qəzetinin minilliyin ən nüfuzlu şəxsiyyətləri barədə keçirdiyi sorğu zamanı Rixard Zorgenin adı “Yaponiya tarixinə düşmüş 100 nəfər” siyahısına daxil edilib.
R.Zorge 1933-cü ildən başlayaraq Yaponiyada alman qəzetlərinin müxbiri kimi çalışıb, eyni zamanda, sovet kəşfiyyatına xidmət edib. Zorgenin bacarıqla işlədiyi analitik yazılar tezliklə ona Almaniya səfirliyinə yol açmaqda kömək edib. Səmimiliyi, geniş dünyagörüşü, biliyi və ağlı nəticəsində hərbi attaşe ilə dostluq münasibətləri quran R.Zorge çox çəkmədən səfirliyin mətbuat attaşesi təyin edilib.
R.Zorgenin həbsdə olduğu dövr belə romantik çalarlarla zəngin idi. Belə bir söhbət gəzir ki, R.Zorge SSRİ-nin xeyrinə kəşfiyyat aparmasını boynuna almağa onun qrupunda olan qadınların azad edilməsi şərti ilə razılıq vermişdi. O, 1944-cü il noyabrın 7-də edam olunub.
Yalnız 1964-cü ildə - ölümündən 20 il sonra Zorgeyə Sovet İttifaqı Qəhrəmanı adı verilib. Hazırda Bakıda, əfsanəvi qəhrəmanın anadan olduğu şəhərdə onun abidəsi, adını daşıyan məktəb, muzey və küçə var. Bundan başqa, R.Zorgenin adı Moskva, Lipetsk, Kazan, Ufa, Rostov-Don, Astana, Novosibirsk və Sankt-Peterburq şəhərlərində də əbədiləşdirilib.
Tural




 
Bölməyə aid digər xəbərlər
03.04.2020
Tənha şəxslərə xidmət göstərənlərə evdən çıxmaq üçün icazə veriləcək
03.04.2020
Karantin dövründə rəhbər və işçiləri işə cəlb edilən dövlət orqanlarının sayı artırıldı
03.04.2020
Üçüncü Dünya müharibəsi alimlərin “savaşı” olacaqmı?!
03.04.2020
DMX koronavirusla bağlı növbəti videoçarx hazırladı - VİDEO
03.04.2020
Karantindən çıxan Azərbaycan vətəndaşları yaşayış yerlərinə necə qayıdacaq?

Şərh əlavə olunmayıb

    ,    
Tural Tağıyev
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11493

1 Psixoloq Tünzalə Verdiyeva: “Azərbaycanda “İtaliya təcrübəsi”ni yaşamamaq üçün son dərəcə məsuliyyətli olmaq vacibdir”
2 Tural İsmayılov: “İndiki halda cəmiyyətdə milli birlik və məsuliyyət bir nömrəli amildir”
3 Prezident: Ölkəmizdə görülən bütün işlər, qəbul edilmiş qərarlar bir məqsədi güdür ki, biz bu ağır sınaqdan az itkilərlə çıxaq və vətəndaşlarımızı maksimum dərəcədə qoruyaq
4 Ukrayna saytında 31 mart - Azərbaycanlıların Soyqırımı Gününə dair məqalə dərc edilib
5 Dilşad Musadan karantin günləri ilə bağlı valideynlərə tövsiyələr!


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info