Narek Karapetyan: “Ermənistan Azərbaycanla rəqabət apara bilmir”
Tarix: 11.11.2014 | Saat: 22:29:00 | E-mail | Çapa göndər


“Ən yaxşı çıxış yolu Abxaziya dəmiryolunun açılmasıdır. Hər dəfə bu məsələ gündəmə gələndə Azərbaycan aktivlik göstərərək bu dəmiryolunun açılmasına imkan vermir”
Ermənistanın Avrasiya İttifaqının üzv olması ilə bağlı fərqli rəylər səsləndirilir. Həmin rəyləri birləşdirən ortaq nöqtə odur ki, Ermənistan iqtisadi cəhətdən yeni birlikdə rəqabətə davam gətirə bilməyəcək. Yeni birliyin üzvləri də yaxşı bilirlər ki, Ermənistan iqtisadi baxımdan onlar üçün yükdür. İqtisadçı Narek Karapetyan “Birinci İnformasiya”ya təqdim etdiyi məqalədə qeyd edir ki, Avrasiya İttifaqına üzvlük Ermənistan qarşısında böyük bazar yaradıb: “İndi bizim üçün əsas problemli məsələ yeni bazara keyfiyyətli, rəqabətə davamlı məhsul çıxarmaqdır. Araşdırmalar göstərir ki, Ermənistanın bu sahədə ciddi problemləri var. Kənd təsərrüfatı Ermənistan iqtisadiyyatında çox mühüm yer tutur. Ümumi məşğulluğun 44 faizi bu sektorun payına düşür. ÜDM-in 18 faizi də kənd təsərrüfatının hesabına formalaşır. Rəqəmlər çox sevindiricidir. Amma reallıq budur ki, Ermənistanın kənd təsərrüfatı məhsulları Azərbaycan və Türkiyə məhsulları ilə rəqabət apara bilmir. Bir misal deyim. Rusiya tomat pastası istehsalına görə dünyada 6-cı yeri tutur. İl ərzində 2,4 milyon ton tomat istehsal edir. Buna baxmayaraq, Rusiya yerli istehsal hesabına tomata olan tələbatını ödəyə bilmir. Bir il ərzində təxminən 1 milyard dollarlıq tomat idxal edir. Rusiyanın tomat bazarının əsas təminatçısı bazarın 45 faizini təmin edən Türkiyədir. Sanksiyalara qədər bazarda ikinci yeri 20 faizlə Avropa İttifaqı ölkələri tuturdu. Üçüncü yerdə isə Azərbaycan gedir. Qış aylarında Rusiyanın tomat bazarının 90 faizi idxal hesabına ödənilir. Bazarın lideri Türkiyədir. Aşağı qiymət və sabit təminat sahəsində Türkiyə uzun illərdir ki, liderliyini qoruyur. Türkiyə və Azərbaycan Rusiya bazarına Ermənistan tomat məhsullarından 40 faiz ucuz qiymətə məhsul təqdim edirlər. Əgər biz Rusiya bazarına məhsul çıxarmaq istəyiriksə, bu problemləri həll etməliyik. Əks halda biz Avrasiya İttifaqı bazarında Türkiyə və Azərbaycan məhsulları ilə rəqabət apara bilməyəcəyik. Rusiya ən ucuz qazı bizə satır və biz bundan istifadə edərək ucuz məhsul istehsal edə bilərik. Amma bu imkandan yararlanmaq heç kimin ağlına gəlmir. Digər ölkələr qaza görə əhaliyə subsidiyalar verir. Kənd təsərrüfatının inkişafına dəstək olur. Ermənistanda isə hər şey əksinədir. Əhaliyə satılan qazın üstünə əlavə vergi qoyulur. Digər əsas problem logistika ilə bağlıdır. Ermənistan istehsal etdiyi məhsulu birbaşa Rusiya bazarına çıxara bilmir. Yuxarı Lars məntəqəsi məhsulların çatdırılması üçün etibarlı yer deyil. Ən yaxşı çıxış yolu Abxaziya dəmiryolunun açılmasıdır. Hər dəfə bu məsələ gündəmə gələndə Azərbaycan aktivlik göstərərək bu dəmiryolunun açılmasına imkan vermir”.
Anar Miriyev




 
Bölməyə aid digər xəbərlər
18.04.2019
14 yaşlı qıza hücum edən şəxs YAP-ın üzvü deyil - RƏSMİ AÇIQLAMA
18.04.2019
Müxalifət nümayəndəsi: “Cəbhəçilər dezinformasiya yaymaqla məşğuldurlar”
18.04.2019
Dini liderlərin Bakı sammiti ilə əlaqədar yaradılmış Təşkilat Komitəsinin ilk iclası keçirilib
18.04.2019
Ramiz Mehdiyevin sərəncamı ilə tədbirlər planı təsdiqləndi
18.04.2019
ABŞ Dağlıq Qarabağ münaqişəsinin nizamlanması üzrə növbəti görüşü Vaşinqtonda keçirməyi təklif edib

Şərh əlavə olunmayıb

    ,    
Fuad HÜSEYNZADƏ
Esmira Məmmədova
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10749

1 Erməni yoxsa türk qırğını?
2 Müharibə veteranlarına Prezident təqaüdü təsis edilib
3 Hemilton “Formula-1“ tarixinin 1000-ci yarışının qalibi olub
4 Milli mədəniyyətimizin fədakar tədqiqatçısı və təmsilçisi Babək Qurbanov haqqında
5 Rusiya Prezidenti Krasnoyarskdakı Azərbaycan diaspor rəhbərini təltif edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info