Azərbaycan nümayəndə heyəti ABŞ-da bir sıra görüşlər keçirib
Tarix: 13.11.2014 | Saat: 16:31:00 | E-mail | Çapa göndər


Azərbaycanın aparıcı media qurumları, Mərkəzi Seçki Komissiyası və vətəndaş cəmiyyəti nümayəndələrindən ibarət nümayəndə heyəti Açıq Dünya Proqramı çərçivəsində ABŞ-ın Nebraska ştatının Omaha və Linkoln şəhərlərində bir sıra görüşlər keçirib. Proqram iştirakçıları əsasən Nebraska ştatında seçkilərə hazırlıq, seçki təşviqat kampaniyası və seçkilərin keçirilməsi prosesi barədə geniş məlumatlandırılıb. Nebraska Universitetində proqram iştirakçıları universitetin hökumət əlaqələri üzrə direktoru və vitse-prezidenti Ron Vitzem ilə görüşüblər. Görüşdə proqram iştirakçıları universitet sistemi barədə geniş məlumat əldə ediblər. Bununla yanaşı, Azərbaycan nümayəndə heyəti Nebraska ştatı barədə də məlumatlandırılıb. R.Vitzem qeyd edib ki, Nebraska Ştatının büdcəsi 6 milyard dollar təşkil edir ki, bunun da böyük hissəsi sosial məsələlərə xərclənir.
R.Vitzem Nebraska ştatının qanunvericilik sistemi barədə də danışıb. Onun sözlərinə görə, ştatın qanunvericilik orqanı bir palatadan ibarətdir.
Nebraska Universitetinin tibb mərkəzi barədə danışan vitse-prezident qeyd edib ki, bu yaxınlarda Ebola virusuna yoluxmuş iki amerikalı bu mərkəzdə müalicə alaraq tamamilə sağalıb.
Daha sonra nümayəndə heyəti "Lincoln Journal Star" qəzetinin siyasi məsələlər üzrə jurnalisti Don Valton və seçkilər üzrə redaktor Şelli Kulaneklə görüşüblər.
Ş.Kulanek ABŞ-da keçirilən seçkiləri fəaliyyət göstərdiyi redaksiyadan 20 jurnalistin işıqlandırdığını bildirib.
Görüşdə, həmçinin vurğulanıb ki, jurnalistlər və ya seçicilər tərəfindən hər hansı pozuntu halına rast gəlindiyi zaman bu barədə hökumətə məlumat verilir və hökumət bu məsələni dərhal araşdıraraq lazımi tədbirlər görür.
Daha sonra nümayəndə heyəti Nebraska Ştatının senatoru Bill Everi ilə görüşüb. B.Everi qeyd edib ki, Nebraska ştatının çox unikal qanunvericilik sistemi mövcuddur.
Seçkilər barədə danışarkən senator vurğulayıb ki, seçicilərin namizədlər haqqında kifayət qədər məlumatlı olmasına böyük önəm verir: "Hesab edirəm ki, namizədlər haqqında məlumat ictimaiyyətə hər zaman açıq olmalıdır".
Görüşün ardınca proqram iştirakçıları Linkoln şəhərində yerləşən Kapitol binası ilə yaxından tanış olublar və iştirakçılara binanın tarixi barədə geniş məlumat verilib.
Proqram iştirakçıları, həmçinin Respublika və Demokrat partiyalarının Nebraskadakı qərargahlarında olub və hər iki partiyanın icraçı direktorları ilə görüşüblər. Nümayəndə heyəti Nebraska Ştatının Seçkilər üzrə dövlət katibi Nil Erikson ilə də ştatın seçki qanunvericiliyi barədə geniş müzakirələr aparıblar.
Daha sonra nümayəndə heyəti Qellap İnstitutunda, "Omaha World Herald" qəzetində və Qadın Seçiciləri Liqasında da görüşlər keçirib və seçki prosesi ilə bağlı problemləri müzakirə ediblər.
Azərbaycan nümayəndə həyətinin üzvləri Nebraska Ştatının fəxri vətəndaşı (Honorary Nebraska Citizen) sertifikatı ilə mükafatlandırılıblar.
Tural




 
Bölməyə aid digər xəbərlər
03.04.2020
Tənha şəxslərə xidmət göstərənlərə evdən çıxmaq üçün icazə veriləcək
03.04.2020
Karantin dövründə rəhbər və işçiləri işə cəlb edilən dövlət orqanlarının sayı artırıldı
03.04.2020
Üçüncü Dünya müharibəsi alimlərin “savaşı” olacaqmı?!
03.04.2020
DMX koronavirusla bağlı növbəti videoçarx hazırladı - VİDEO
03.04.2020
Karantindən çıxan Azərbaycan vətəndaşları yaşayış yerlərinə necə qayıdacaq?

Şərh əlavə olunmayıb

    ,    
Tural Tağıyev
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11493

1 Psixoloq Tünzalə Verdiyeva: “Azərbaycanda “İtaliya təcrübəsi”ni yaşamamaq üçün son dərəcə məsuliyyətli olmaq vacibdir”
2 Tural İsmayılov: “İndiki halda cəmiyyətdə milli birlik və məsuliyyət bir nömrəli amildir”
3 Prezident: Ölkəmizdə görülən bütün işlər, qəbul edilmiş qərarlar bir məqsədi güdür ki, biz bu ağır sınaqdan az itkilərlə çıxaq və vətəndaşlarımızı maksimum dərəcədə qoruyaq
4 Ukrayna saytında 31 mart - Azərbaycanlıların Soyqırımı Gününə dair məqalə dərc edilib
5 Dilşad Musadan karantin günləri ilə bağlı valideynlərə tövsiyələr!


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info