“Bakı-2015”lə bağlı son yeniliklər haqqında məlumat verilib
Tarix: 14.11.2014 | Saat: 15:55:00 | E-mail | Çapa göndər


Azərbaycan Milli Olimpiya Komitəsinin və “Bakı-2015” Avropa Oyunları Əməliyyat Komitəsinin rəhbər şəxsləri Tailandın paytaxtı Banqkokda Milli Olimpiya Komitələri Assosiasiyasının (MOKA) XIX baş assambleyasında birinci Avropa Oyunlarının keçirilməsi ilə əlaqədar əldə edilmiş irəliləyişlər haqqında məlumat veriblər.
“Bakı-2015”-dən bildiriblər ki, tədbirdə 204 Milli Olimpiya Komitəsinin nümayəndələri iştirak ediblər.
Assambleyada Azərbaycanı Milli Olimpiya Komitəsinin vitse-prezidenti Çingiz Hüseynzadə və beynəlxalq əlaqələr şöbəsinin rəhbəri Könül Nurullayeva, “Bakı-2015” Avropa Oyunları Əməliyyat Komitəsinin əməliyyatlar üzrə baş direktoru Saymon Kleq və s. iştirak ediblər.
K.Nurullayeva assambleyada çıxış edərək deyib: “Gələn il biz Bakıda Azərbaycanın idman tarixində ən qürurverici hadisə olacaq ilk Avropa Oyunlarına ev sahibliyi edəcəyik. Milli Olimpiya Komitəsində fəaliyyət göstərən hər kəsin və “Bakı-2015” Avropa Oyunları Əməliyyat Komitəsində çalışan dostlarımızın gərgin zəhməti sayəsində biz gələn il dünyanı Azərbaycanda salamlamağa hazır olacağıq. Bu, Avropa idmanının şərəfli tarixində yeni səhifə açacaq bayram olacaq”.
Saymon Kleq və “Bakı-2015” Avropa Oyunları Əməliyyat Komitəsinin komandası Avropanın Milli Olimpiya komitələrinin prezidentlərinə və baş katiblərinə Avropa Oyunlarının qitədə və dünyada yayımı haqqında imzalanmış sazişlərlə bağlı yenilikləri çatdırıblar. Onlar, həmçinin idman proqramı ilə əlaqədar son irəliləyişlər və “Bakı-2015”in uğurla həyata keçirdiyi ilk üç sınaq yarışı haqqında da ətraflı məlumat veriblər.
S.Kleq bildirib: “Bu vaxta qədər mühüm təcrübələr qazanmışıq. Komandamız Avropanın bütün Milli Olimpiya komitələrinə nümunəvi xidmətin göstərilməsi, onların ilk Avropa Oyunlarından ən xoş təəssüratla ayrılmaları məqsədilə gələn ilin əvvəllərinə planlaşdırılan çoxsaylı sınaq yarışları ilə inkişafa davam edəcək”.
Baş ofisi İsveçrənin Lozanna şəhərində yerləşən MOKA 1979-cu ilin iyununda təsis edilib. Qurumun məqsədi idmançıların və bütövlükdə Olimpiya hərəkatının mənafeyi naminə dünyanın 204 Milli Olimpiya Komitəsini dəstəkləməkdir.


Tural




 
Bölməyə aid digər xəbərlər
17.11.2018
Azərbaycanın qadın güləşçisi dünya çempionatında gümüş medal qazanıb
17.11.2018
Azərbaycanın paracüdoçusu dünya çempionu olub
16.11.2018
UEFA-nın maliyyə vəsaiti Azərbaycan klublarının hesabına köçürülüb
16.11.2018
“Barselona” Dembeledən daha peşəkar yanaşma gözləyir
15.11.2018
Bakıda Ümumdünya Antidopinq Agentliyinin iclası keçirilir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10489

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Gedir dayanmadan zamanın köçü”
4 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info