Azərbaycan regionda daha bir ilkə imza atır
Tarix: 14.11.2014 | Saat: 16:49:00 | E-mail | Çapa göndər


Dünyanın bir sıra ölkələrində 14 noyabr tarixi “Loqopedlər Günü” kimi qeyd olunur. Azərbaycanda
isə ilk dəfə “Azərbaycan Loqopedlər Forumu 2014” keçirilib.
“Elnaramedianın” müəllifi olduğu “Azərbaycan Loqopedlər Forumu, 2014” ün məqsədi Azərbaycanın bölgələri də daxil olmaqla çox sayda defektoloq-loqoped ixtisası üzrə çalışan mütəxəssis və tələbələri bir araya gətirərək, onlara bilik və bacarıqlarını bölüşməsi üçün imkan qazandırmaq, ən əsası da, bu sahənin gələcək inkişaf perspektivlərini müzakirə etməkdir.
Suraxanı RİH, Gənclər və İdman İdarəsinin dəstəyi ilə keçirilən tədbiri çıxış sözü ilə açan Suraxanı Rayon İcra başçısının müavini Sevinc Hüseynova forumun ölkəmiz və bu sahənin mütəxəssisləri üçün əhəmiyyətindən danışıb. “Əlliliyi olan İnsanların Hüquqları haqqında Konvensiyaya regionda qoşulan ilk dövlətlərdən biri olan Azərbaycanda belə tədbirin keçirilməsi ölkəmizin bu sahəyə böyük diqqət ayırmasının göstəricisidir. Suraxanı rayonu bu sahədə bir çox uğurlara imza atıb. Ölkəmizdə Autizmli uşaqların reabilitasiyası ilə məşğul olan ilk birlik də məhz bizim rayonda yarandı. Bu gün isə daha bir yeni
tədbir çərçivəsində bir araya toplanmışıq. Danılmazdır ki, bu cür tədbirlər həm də dövlətin “Əlilliyi olan
şəxslərin hüquqlarının müdafiəsinə dair Milli Fəaliyyət Proqramı”na dəstəkdir.”
Eşitmə və nitq məhdudiyyəti olan uşaqların cəmiyyətə inteqrasiyasında mövcud vəziyyət və onun
inkişaf perspektivləri Azərbaycan Respublikasının İnsan Hüquqları üzrə Müvəkkilinin müşaviri cənab
Müqalib Mahmudovun çıxışının əsasını təşkil edib. İnkluziv təhsil sisteminə keçidin bu uşaqlar üçün yaratdığı çətinliklər, kadrların hazırlanmasında diqqət yetirilməli məqamlar ətrafında müzakirə aparıb. Bu sahə üzrə yaşanan əsas çətinlik, Loqopediya elminin təkmilləşməsi və inkişafı üçün tədrisin
təşkili forması da ALF 2014-ün əsas müzakirə mövzusu oldu. Bu mənada dünya təcrübəsində Rusiyadakı
mövcud modellə tanışlıq auditoriya tərəfindən maraqla qarşılandı. Tədbirə online video konfrans vasitəsilə
qatılan Saratov Dövlət Universitetinin Loqopediya fakültəsinin dekanının çıxışını hər kəs diqqətlə dinləyib.
Forumun təşkilatçısı, “Elnaramedia”nın rəhbəri Elnarə Məmmədova hesab edib ki, bu sahədə ciddi və
peşəkar addımların atılması üçün birləşmək zamanı gəlib çatıb. “Bu sahədə yaşanan çətinliklərlə əvvəllər hər
kəs özü üçün və pərakəndə çalışırdısa, indi bir cəbhədən mübarizə aparacaq. Məhz bu birliyi təmin etmək
üçün “Azərbaycan Loqopedlər Forumu 2014”ü təsis etdim. İnkluziv cəmiyyətin təşkili üçün hamımız
birləşməliyik. Əlilliyi olan insanlarla cəmiyyətin bu sahədəki aktivliyi bərabərləşdirilməlidir. Bunun üçün də
“Azərbaycan Loqopedlər Forumu, 2014”ü keçirmək zəruri idi.”
ALF 2014 -ün ikinci qeyri rəsmi hissəsində, loqopedlər və bu sahə üzrə ixtisaslaşan tələbələr arasında
praktik müzakirələr aparıldı. İnkişaf mərkəzləri bir sıra nitq nöqsanlarını aradan qaldırmaq üçün hazırda
istifadə olunan müasir metodlar haqqında slayt prezentasiyalar keçirildi. Dünyanın 5 ölkəsindən ALF 2014-ə
Online video konfrans ilə qatılan (İngiltərə, Rusiya, Gürcüstan, Türkiyə, Ukrayna) mütəxəssislərin
beynəlxalq təcrübəni bölüşməsi tədbirə xüsusi maraq qatdı. Qeyd edək ki, Elnara Media təşkilatı əlilliyi
olan insanlarla bağlı gələcəkdə də analoji tədbirlər keçirməyi nəzərdə tutur.
Tural




 
Bölməyə aid digər xəbərlər
22.03.2019
Birinci qrup əlilliyə görə əmək pensiyası alanlara gələn aydan Prezident təqaüdü veriləcək
20.03.2019
Tovuzda şəhid ailələrinə bayram sovqatı paylanıb
19.03.2019
Məcburi köçkün qəsəbələrində Novruz şənlikləri keçirilib
19.03.2019
Qaradağda bayram münasibəti ilə aztəminatlı ailələrə yardım edilib
18.03.2019
Müharibə əlilləri və onlara bərabər tutulanlar üçün bu il əlavə 400-dən çox avtomobil alınıb veriləcək

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10702

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Azərbaycan xalqı zəngin mədəniyyətə sahibdir
3 Lənkəranın ucqar kənd məktəbində Novruz şənliyi keçirilib
4 Yuliya Naçalova vəfat edib
5 İraqda bərə qəzaya uğrayıb: 71 ölü


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info