Tələbələr intellektual yarışda biliklərini sınayıblar
Tarix: 14.11.2014 | Saat: 20:11:00 | E-mail | Çapa göndər


“Beynəlxalq tələbə həftəsi” ilə əlaqədar Naxçıvan Dövlət Universitetinin (NDU) Tələbə Gənclər Təşkilatı fakültələrarası “Nə? Harada? Nə zaman?” adlı viktorina təşkil edib. NDU-nun mətbuat şöbəsindən bildiriblər ki, viktorinanın açılış mərasimində çıxış edən universitetin rektoru, AMEA-nın müxbir üzvü Saleh Məhərrəmov ölkəmizdə aparılan gənclər siyasətindən söz açıb. Qeyd olunub ki, Azərbaycan Prezidenti İlham Əliyevin gənclər siyasəti ölkənin sağlam gələcəyinin, intellektual potensialının formalaşmasına xidmət edir. “Beynəlxalq tələbə həftəsi” çərçivəsində universitetdə təşkil olunan elmi konfranslar, idman yarışları, mədəni kütləvi tədbirlər tələbələrə vətənpərvərlik ruhu aşılanması, onların əxlaqi-mənəvi tərbiyəsi, elmi və fiziki potensiallarının üzə çıxarılması baxımından mühüm əhəmiyyətə malikdir. Azərbaycan Tələbə Gənclər Təşkilatları İttifaqının sədr müavini, NDU-nun Tələbə Gənclər Təşkilatının sədri Arzu Abdullayev xatırladıb ki, 1946-cı ildə Praqada Beynəlxalq Tələbə Konqresində təsis edilmiş “Beynəlxalq tələbə həftəsi” ənənəvi olaraq hər il noyabrın 10-17-də Azərbaycanda da geniş qeyd olunur. A.Abdullyev tələbələri ölkənin ictimai-siyasi həyatında fəal iştirak etməyə, gələcəyin ixtisaslı mütəxəssisləri və ziyalıları kimi yetişmək üçün əzmlə çalışmağa səsləyib. İştirakçılar bilik yarışmasının şərtləri və qaydaları barədə məlumatlandırıldıqdan sonra viktorinaya start verilib. 11 komandada təmsil olunan tələbələr üç turun hər birində beş sual cavablandırmalı olublar. Gərgin intellektual mübarizə şəraitində keçən viktorinada NDU-nun sosial idarəetmə və hüquq fakültəsinin komandası qalib gəlib. Tibb, memarlıq və mühəndislik fakültələrinin komandaları isə ikinci və üçüncü yerləri paylaşıblar.

Nigar




 
Bölməyə aid digər xəbərlər
20.08.2019
Masallı rayon ağsaqqallar Şurasının yığıncağında
20.08.2019
Muxtar respublikada operativ vergi nəzarəti tədbirləri davam etdirilir
20.08.2019
Culfa-Ordubad avtomobil yolu yenidən qurulur
20.08.2019
Bu gündən havanın temperaturu qalxır
19.08.2019
Qusarda 46 km-lik avtomobil yolu yenidən qurulur

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10865

1 750 mindən çox vətəndaşın pensiyasında artım olacaq
2 Sabahdan Türkiyə ilə Naxçıvan arasında birbaşa hava dəhlizi açılır
3 Azərbaycana qarşı casusluq edən 128 nəfər aşkar edilib
4 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
5 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info