Rusiya nə üçün bu qədər çox qızıl alır?
Tarix: 14.11.2014 | Saat: 21:32:00 | E-mail | Çapa göndər


“Bloomberg View”: “2014-cü ilin üçüncü rübündə Rusiya dünyada satılan qiymətli metalın 59 faizini alıb”

Xarici media Rusiya Mərkəzi Bankının qızıl alması motivlərinə söykənən yazılar yazır. Bu nədir – iqtisadi müharibəyə hazırlıq, yoxsa Rusiya rəhbərliyinin paranoyası?
Krımın martda ilhaq edilməsindən sonra Putinin iqtisadi məsləhətçisi Sergey Qlazyevin ötürməsi ilə elitanın təhlükəsizliyi məsələsi ilə bağlı əsas müzakirə mövzusu “maliyyə suvereniteti” olub. Bu barədə “Bloomberg View”da Leonid Berşidski bildirir: “Mayda Qlazyev proqnozlaşdırıb ki, qızılın qiyməti qalxacaq. Amma yanılıb. Qızılın qiyməti 14martda olan qiymətlə müqayisədə 16% aşağıdır.
Amma ola bilər ki, qızılın qiyməti artsın. Əgər İsveçrə qızıl ehtiyatlarını artırmaq qərarı versə, qızılın qiyməti artacaq. Bu barədə məsələ referenduma çıxarılıb. Bu artım isə Rusiyaya indiki neft qiymətlərinin enməsinə və sanksiyalara görə dözməyə imkan verə bilər”.
Müəllif qeyd edir ki, Rusiya Mərkəzi Bankı qızılı 2010-cu ildən almağa başlayıb. Bu proses maliyyə böhranından sonra başlayıb. Qızıl üzrə Dünya Şurasının məlumatına görə, 2014-cü ilin üçüncü rübündə Rusiyanın payına dünyada alınan qiymətli metal ehtiyatının təmiz həcminin 59 faizi düşüb. “Bloomberg View”nun məlumatına görə, Rusiyanın qızıl ehtiyatı Çinin qızıl ehtiyatından çoxdur. Ruyiya qızıl ehtiyatına görə hazırda ABŞ, Britaniya, Fransa və İtaliyadan sonra beşincidir.
“The Sydney Morning Herald”ın müxbiri Lüsi Kormakın fikrincə, qızıln alınmasının arxasında Qərblə mümkün iqtisadi müharibənin duyulması dayana bilər.
O, UBS bankının analitiki Co Batterşilldən sitat gətirir: “Bu məsələdə pis heç nə yoxdur. Mətbuatda biz çoxlu şərhlərə rast gəlirik ki, Rusiyanın soyuq müharibənin düyününü açmasının nəticəsi kifayət qədər diversifikasiya ola bilər. Rusiya təbii resurslarla kifayət qədər zəngindir, Çinsə bu sarıdan yetərincə yoxsuldur. Onların bir-birilərilə məhdudlaşdıqlarını nəzərə alsaq, onların aralarında təbii şəkildə, natural üsulla alış-veriş başlaya bilər, bütün bu xammal alış-verişi isə hazırda dollarla aparılır. Hesab edirəm ki, gələcəkdə bizi dolların dominantlıq etdiyi xarici valyuta ilə ticarətdən imtina trendinin sonrakı davamı gözləyir”.

İlkin AĞAYEV




 
Bölməyə aid digər xəbərlər
25.09.2018
“İrəvan meriyasına seçkilər yalan və riyakarlığın nümunəsidir”
25.09.2018
Yaxın Şərq böyük müharibə ərəfəsində
25.09.2018
Kvirikaşvili AYİB-in beynəlxalq məsləhətçisi olub
25.09.2018
TASS: Azərbaycan silah bazarında Rusiya Federasiyasının iri tərəfdaşıdır
24.09.2018
Yerevan meri postuna seçkilərdə xeyli qanun pozuntusu və insident qeydə alınıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10145

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info