Əli Həsənov: “Dövlət reklam sahəsində sağlam rəqabətə dəstək verir”
Tarix: 14.11.2014 | Saat: 23:42:00 | E-mail | Çapa göndər


“Qanun layihəsində reklamın verilməsi, hazırlanması və yayılması prosesini ağırlaşdıran, reklam subyektlərinin fəaliyyətini məhdudlaşdıran bir çox müddəalar yenidən nəzərdən keçirilməli, prosedur qaydaları maksimum sadələşdirilməli və şəffaflaşdırılmalı, sui-istifadə amili aradan qaldırılmalıdır”
Dünən Milli Məclisin İqtisadi siyasət komitəsində “Reklam haqqında” qanun layihəsinin müzakirəsi keçirilib. Müzakirələrdə komitə üzvləri ilə yanaşı, Prezident Administrasiyasının İctimai-siyasi məsələlər şöbəsinin müdiri Əli Həsənov, kütləvi informasiya vasitələrinin, reklam verilməsi və yayılmasını həyata keçirən şirkətlərin rəhbərləri və nümayəndələri də iştirak ediblər.
İqtisadi siyasət komitəsinin sədri Ziyad Səmədzadə bildirib ki, Milli Məclisin iqtisadi siyasət komitəsində reklam fəaliyyəti haqqında yeni qanun layihəsi hazırlanıb. İlk dəfə Milli Məclis 1997-ci ildə “Reklam haqqında” qanunu qəbul edib. Həmin vaxt ölkənin sosial-iqtisadi vəziyyəti aşağı idi. İndi o vaxtdan 15 ildən artıq müddət keçib və Azərbaycan sosial-iqtisadi sahədə ciddi uğurlara nail olub. Buna görə də müasir dövrün tələblərinə uyğun reklam fəaliyyətinin daha səmərəli tənzimlənməsinə ehtiyac var.
İqtisadi siyasət komitəsinin üzvü Vahid Əhmədov “Reklam haqqında” qanun layihəsinin əsas prinsipləri barədə məlumat verib. Bildirilib ki, mövcud “Reklam haqqında” qanun 30 maddədən ibarət olduğu halda, yeni layihə 39 maddədən ibarətdir. Bu layihədə reklama dair mövcud tələbləri inkişaf etdirmək üçün bir sıra dəyişikliklər nəzərdə tutulur.
Sonra kütləvi informasiya vasitələrinin, reklam verilməsi və yayılmasını həyata keçirən şirkətlərin rəhbərləri və nümayəndələri qanun layihəsi ilə bağlı təkliflərini səsləndiriblər.
Milli Televiziya və Radio Şurasının sədri Nuşirəvan Məhərəmmov yeni qanun layihəsinin bu sahədəki mövcud qanunvericiliklə uyğunlaşdırılmasının, eləcə də sosial reklamlar məsələsinin layihədə ayrıca təsbit olunmasının vacibliyini vurğulayıb. Mətbuat Şurasının sədri Əfaltun Amaşov layihənin beynəlxalq tələblər nəzərə alınmaqla hazırlandığını bildirib.
İclasda çıxış edən Prezident Administrasiyasının İctimai-siyasi məsələlər şöbəsinin müdiri Əli Həsənov bildirib ki, müzakirəyə çıxarılan yeni qanun layihəsi anlaşılan formada, həmçinin bu sahədə xarici təcrübə nəzərə alınmaqla hazırlanıb. Qanunun indi cəmiyyətdə aktual olduğunu qeyd edən şöbə müdiri reklam sahəsində xarici təcrübə tətbiq olunarkən onun yaxşı tərəflərinə diqqət yetirilməsinin zəruriliyini bildirib, reklam bazarında rəqabətin önəmindən danışıb. Dövlətin reklam sahəsində sağlam rəqabətin yaradılmasına dəstək verdiyini qeyd edən Əli Həsənov vurğulayıb ki, tənzimlənmə bazar iqtisadiyyatına, Azərbaycan dövlətinin inkişafına uyğun olmalıdır. Prezident Administrasiyasının rəsmisi deyib: “O məsələ ki Azərbaycanın inkişafına xidmət edir, biz ona yol açmalıyıq. Əgər ciddi bir ictimai fəsad vermirsə, bizim milli mənəvi dəyərlərimizə zidd deyilsə, kimsə malını reklam etmək üçün Azərbaycanın reklam büdcəsinə pul gətirir və burada xərcləmək istəyirsə, qoy xərcləsin. Şərait yaradaq, amma öz qürurumuzu, milli mənliyimizi qorumaq şərti ilə. Bunlar mütləq şəkildə qorunmalıdır”. Əli Həsənov deyib ki, layihədə reklamın istehsalı və yayımı prosesinin dövlət tənzimlənməsinə dair bir çox yeniliklər öz əksini tapıb: “Bununla yanaşı, hesab edirəm ki, layihənin üzərində iş davam etdirilməli, mübahisə yaradacaq və fəaliyyəti subyektlərin narahatlığına səbəb ola biləcək müddəalarla bağlı ciddi müzakirələr aparılmalıdır. İşçi qrupu həm müvafiq dövlət orqanlarından, həm də reklam istehsalçısı və yayımçılarından daxil olmuş təklifləri diqqətlə araşdırmalı, reklam bazarının inkişafına xidmət edən əsaslı rəy və təklifləri nəzərə almalıdır. Bundan başqa, qanun layihəsində reklamın verilməsi, hazırlanması və yayılması prosesini ağırlaşdıran, reklam subyektlərinin fəaliyyətini məhdudlaşdıran bir çox müddəalar yenidən nəzərdən keçirilməli, prosedur qaydaları maksimum sadələşdirilməli və şəffaflaşdırılmalı, sui-istifadə amili aradan qaldırılmalıdır”. Prezident Administrasiyasının şöbə müdiri bildirib ki, təklif olunan qanun layihəsi reklam bazarının inkişafına xidmət etməklə yanaşı, həm də yerli və xarici şirkətləri reklama həvəsləndirməli, reklam subyektlərinin fəaliyyətinə yersiz müdaxilələrin, ağır maliyyə sanksiyalarının, süründürməçiliyin, bürokratik əngəllərin və digər mənfi halların qarşısını almalıdır. Əli Həsənov bir sıra prinsipial məsələlərlə bağlı təkliflərini işçi qrupuna təqdim edib. İclas işini qanun layihəsinin müzakirəsi ilə davam etdirib.
Rasim




 
Bölməyə aid digər xəbərlər
21.08.2019
Yeddi ayda əhalinin gəlirləri 32 milyard manatı ötüb
21.08.2019
İspaniyaya məxsus təyyarə hava boşluğuna düşdü
21.08.2019
Los Anceles sinaqoqunda Azərbaycanın tolerantlığına dair təqdimat keçirilib
21.08.2019
MiQ-29 təyyarəsinin pilotu ilə vida mərasimi keçirilir
21.08.2019
Ermənistan silahlı qüvvələri atəşkəs rejimini 23 dəfə pozub

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10867

1 750 mindən çox vətəndaşın pensiyasında artım olacaq
2 Azərbaycana qarşı casusluq edən 128 nəfər aşkar edilib
3 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
4 Bakıdan avtobusla Naxçıvana gedənlərə şad xəbər
5 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info