Daşınmaz əmlakın qeydiyyatı artmaqda davam edir
Tarix: 17.11.2014 | Saat: 15:52:00 | E-mail | Çapa göndər


Əmlak Məsələləri Dövlət Komitəsi son illərdə daşınmaz əmlakın qeydiyyatı sahəsində xidmət səviyyəsinin yüksəldilməsi, əhalinin xidmətlərdən daha rahat və çevik şəkildə faydalanması, vətəndaş məmnunluğunun artırılması istiqamətində ardıcıl tədbirlər həyata keçirib. Qeydiyyat prosesinin sadələşdirilməsi, elektron və onlayn xidmətlərin tətbiqi, ərazi qeydiyyat idarələrinin müasirləşdirilməsi, mobil ofis xidmətlərinin tətbiqi bu istiqamətdə fəaliyyətin əlamətdar nəticələridir.
Daşınmaz əmlakın qeydiyyatı sisteminin təkmilləşdirilməsi ilə yanaşı, bu inkişafın istiqamətləri və tətbiq edilən yeniliklər haqqında əhali arasında müntəzəm maarifləndirmə tədbirləri də həyata keçirilir. Daşınmaz əmlakın qeydiyyatının iqtisadi və sosial səmərələri ictimaiyyətə çatdırılır, qeydiyyat prosedurları və praktik tərəfləri vətəndaşlara və maraqlı tərəflərə izah olunur.
Məhz bu tədbirlər daşınmaz əmlakın qeydiyyatının sürətlə artmasına səbəb olmaqdadır. Qeydiyyat sisteminin inkişafı bir sıra tendensiyalarla xarakterizə olunur. Mühüm tendensiyalar torpaqla əməliyyatların kəskin artması, regionlarda daşınmaz əmlak bazarının canlanması və əhalinin daşınmaz əmlakın qeydiyyatına marağının böyüməsidir.
2014-cü ilin yanvar-oktyabr aylarında Azərbaycanda daşınmaz əmlakla hüquqi əməliyyatların sayı artıb. Bu ilin yanvar-oktyabr aylarında Azərbaycanda 168 min daşınmaz əmlak qeydiyyata alınıb. Ötən ilin eyni dövrü ilə müqayisədə daşınmaz əmlakın qeydiyyatı 17,4% artıb.
Qeydiyyatı aparılan əmlaklardan 34,4 mini fərdi yaşayış və bağ evi, 46,6 mini mənzil, təqribən 79 mini torpaq sahəsi, 3,9 mini qeyri-yaşayış binası, təqribən 3 mini qeyri-yaşayış sahəsi, 50-si çoxmərtəbəli yaşayış binası olub. Ötən ilin eyni dövrü ilə müqayisədə torpaq sahələrinin qeydiyyatı 37%, fərdi yaşayış və bağ evlərinin qeydiyyatı 15%, çoxmərtəbəli yaşayış binalarının qeydiyyatı isə 43% artıb.
Bu ilin ilk 10 ayında 47,3 min daşınmaz əmlak ilkin qeydiyyata alınıb. Bu ötən ilin eyni dövrünə nisbətən 19% artıqdır. İlk dəfə sənədləşdirilən əmlakların növlərinə gəlincə, bu il 14,6 min fərdi ev, 10,7 min mənzil, 19,3 min torpaq sahəsi, 20 çoxmərtəbəli yaşayış binası sənədləşdirilib.
Yanvar-oktyabr aylarında Daşınmaz Əmlakın Dövlət Reyestri Xidməti tərəfindən 145 minə yaxın daşınmaz əmlak obyektinə texniki pasport tərtib edilib ki, bu da ötən ilin eyni dövrünə nisbətən 14,4% artıqdır. Bu dövrdə 4692 yüklülük qeydə alınıb, eləcə də 129,2 min məhdudiyyət arayışı verilib.
Əmlak bazarında regionların payı sürətlə artır. İlk 10 ayda əmlakla əməliyyatların təqribən 70%-i regionların payına düşüb. Fərdi yaşayış evi, torpaq sahələri, qeyri-yaşayış binaları və əmlak kompleksləri üzrə əməliyyatların böyük hissəsi, çoxillik əkmələrlə əməliyyatların isə hamısı regionlarda aparılır. Bu dövrdə qeydiyyatdan keçən 50 çoxmərtəbəli binadan 39-u regionlardadır.
Oktyabr ayında ölkədə 960 mənzil özəlləşdirilib. Ümumilikdə özəlləşdirmə başlayandan 2014-cü il oktyabrın 1-dək ölkə üzrə 500 mindən çox mənzil özəlləşdirilib.
Əmlakla əməliyyatların artımının əsas səbəbi ölkədəki iqtisadi aktivlik, daşınmaz əmlakın biznes proseslərə getdikcə daha aktiv cəlb edilməsidir. Bundan başqa, aparılan maarifləndirmə tədbirləri nəticəsində ölkə vətəndaşları əmlakın qeydiyyatının vacibliyini və gətirdiyi faydaları hiss etməyə başlayıb. Əmlakla əməliyyatların artmasının digər səbəbi ƏMDK tərəfindən daşınmaz əmlakın qeydiyyatı ilə bağlı xidmətlərin səviyyəsinin yüksəldilməsi olub. Belə ki, ƏMDK-da qeydiyyat prosesində operativlik artıb, qeydiyyat müddəti azalıb, geniş tətbiq edilən elektron xidmətlər (məsələn məhdudiyyət arayışlarının onlayn verilməsi) isə qeydiyyat prosesindəki bəzi prosedurları ümumiyyətlə aradan qaldırıb.

Fuad Hüseynzadə




 
Bölməyə aid digər xəbərlər
15.11.2018
110 şəhid hərbi qulluqçu üzrə 135 vərəsəyə birdəfəlik ödəmənin verilməsinə dair qərar qəbul olundu
14.11.2018
“Veysəloğlu”da şirkət əməkdaşlarının tələbə adını qazanan övladları ilə görüş keçirilib
13.11.2018
Özünüməşğulluq proqramı çərçivəsində 50-dən çox ailəyə mal-materiallar təqdim olunub
13.11.2018
“DOST” mərkəzlərinin yaradılması üçün əlavə vəsait ayrılıb
13.11.2018
13 noyabr - Beynəlxalq Gözdən Əlilliyi olan şəxslər Günüdür

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10480

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info