“Muxtariyyət ili” ilə əlaqədar açıq dərslər davam etdirilir
Tarix: 20.11.2014 | Saat: 18:59:00 | E-mail | Çapa göndər


Naxçıvan Muxtar Respublikasının yaradılmasının 90 illik yubileyi münasibətilə Heydər Əliyev Muzeyində və Naxçıvan Muxtar Respublikası Ali Məclisinin Naxçıvanşünaslıq Mərkəzində açıq dərslər davam etdirilir.
Naxçıvan Tibb Kollecinin tələbələrinin iştirakı ilə Heydər Əliyev Muzeyində keçirilən açıq dərsdə kollecin tarix müəllimi Xanım Kazımova bildirib ki, ötən əsrin sonlarında Azərbaycan öz müstəqilliyini bərpa etsə də, bu müstəqilliyi qoruyub saxlamaq heç də asan olmamışdır.
Vurğulanıb ki, müstəqilliyin ilk illərində ölkəmiz yeni geosiyasi vəziyyətin diktə etdiyi ciddi siyasi, iqtisadi, sosial və idarəçilik problemləri ilə qarşılaşıb. Ermənistanın hərbi təcavüzünün nəticəsi kimi ortaya çıxan Dağlıq Qarabağ problemi və iqtisadi tənəzzül, hüquqi qeyri-müəyyənlik, siyasi təlatümlər cəmiyyəti idarəolunmaz vəziyyətə gətirib. Yalnız 1993-cü ildə xalqımızın ümummilli lideri Heydər Əliyevin hakimiyyətə qayıdışı Azərbaycanı təlatümlər burulğanından xilas edib, onun siyasi uzaqgörənliyi, möhkəm iradəsi, dövlət idarəçiliyi sahəsində zəngin təcrübəsi ölkəmizi fəlakətdən qurtarıb.
Qeyd olunub ki, o dövrdə müdrik rəhbərin qısa zaman kəsiyində həyata keçirdiyi tədbirlərlə cəbhə xəttində atəşkəsə nail olunub, qanunsuz silahlı dəstələr zərərsizləşdirilib, dövlət çevrilişi cəhdlərinin və terror aktlarının qarşısı alınıb. Bununla da, respublikada stabil, normal həyat bərqərar olunub. Sabitlik əldə olunandan sonra dövlət quruculuğu istiqamətində mühüm addımlar atılıb, əhəmiyyətli qərarlar qəbul edilib. Ölkə iqtisadiyyatının dirçəlişi yönündə ötən dövr ərzində qəbul edilən proqramlar respublikamızın bütün regionlarını, o cümlədən Naxçıvan Muxtar Respublikasını da əhatə edib. Muxtar respublikanın 1995-ci ildən başlanan sürətli sosial-iqtisadi inkişafı onu Azərbaycanın ən sürətlə inkişaf edən lider regionuna çevirib.
Vurğulanıb ki, bu gün ölkə başçısı İlham Əliyevin rəhbərliyi altında Azərbaycan Respublikasında demokratik, hüquqi, dünyəvi dövlət, vətəndaş cəmiyyəti quruculuğu prosesi uğurla davam etdirilir. Bu sahədə qazanılan nailiyyətlər qürur doğurur. Ən qürurverici hal odur ki, müstəqilliyimiz əbədi, sarsılmaz xarakter alıb.
Sonda açıq dərsin iştirakçıları muzeyin ekspozisiyası ilə tanış olublar.
Naxçıvan şəhər 4 nömrəli tam orta məktəbin şagirdləri də Heydər Əliyev Muzeyində olub, açıq dərsdə iştirak ediblər.
Naxçıvan Muxtar Respublikası Ali Məclisinin Naxçıvanşünaslıq Mərkəzində də açıq dərs keçilib. Açıq dərsdə Naxçıvan Dövlət Universitetinin tarix-filologiya fakültəsinin II kurs tələbələri iştirak ediblər. AMEA Naxçıvan Bölməsinin Tarix, Etnoqrafiya və Arxeologiya İnstitutunun şöbə müdiri, AMEA-nın müxbir üzvü Vəli Baxşəliyevin “Eradan əvvəl VI-I minilliklərdə Naxçıvanda etnik-mədəni proseslər” mövzusunda mühazirəsi dinlənilib.
Sonra tələbələri maraqlandıran suallar cavablandırılıb və onlar mərkəzlə yaxından tanış olublar.
Təhminə




 
Bölməyə aid digər xəbərlər
23.02.2019
Bakıda 24 yaşlı ana 2 övladı ilə birlikdə itkin düşdü
23.02.2019
Turistlər polisdən razılıq edirlər
22.02.2019
Kənd təsərrüfatının inkişafında yeni mərhələ: Elektron Kənd Təsərrüfatı İnformasiya Sisteminin tətbiqinə başlanıldı
22.02.2019
Xocalı soyqrımını törədənlər beynəlxalq məhkəmə qarşisinda cavab verməlidirlər
22.02.2019
“Təbiət Mənim Evim” layihəsi baş tutub

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10615

1 Milli qəhrəmanlara və şəxsiyyətlərə hücum savaşın tərkib hissəsidir
2 Diaspor üzvləri Ümumavropa Qarabağ mitinqinə çağırış edib
3 Əsərləri dünyanın bütün elektron kitabxanalarında yer alan azərbaycanlı yazar
4 “İnternet medianın getdikcə daha da aktivləşməsi tendensiyasını müşahidə edirik”
5 1400 manat maaşla sürücü axtarılır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info