Moşe Bekker: “Bu gün Azərbaycan dünyada tolerantlıq örnəyi kimi tanınır”
Tarix: 20.11.2014 | Saat: 20:50:00 | E-mail | Çapa göndər


Yəhudi Xəbərlər Agentliyi (YXA) Bakıda keçirilən “Dini tolerantlığın möhkəmlənməsi (Azərbaycan modeli, ATƏT regionu və onun hüdudlarından kənarda çağırışlar)” mövzusunda Beynəlxalq konfransa həsr olunmuş “Prezidentin təbrik məktubu” sərlövhəli material yerləşdirib.
YXA yazır ki, Azərbaycan Prezidenti İlham Əliyev beynəlxalq konfransın iştirakçılarına təbrik məktubu göndərib. Prezident İlham Əliyev dövlət və hökumət başçılarına, nüfuzlu beynəlxalq təşkilatların rəhbərlərinə, tanınmış islam, yəhudi və xristian din xadimlərinə, alim və ekspertlərə müraciət edərək, dini tolerantlığın Azərbaycan modelinin əsas müddəalarını diqqətə çatdırıb.
Müraciətdə deyilir: “Son illər sivilizasiyalararası dialoq, multikultural dəyərlərin qorunması, dini tolerantlığın inkişafı kimi humanitar problemlərin ənənəvi müzakirə məkanına çevrilən Azərbaycanda etnik-mədəni müxtəlifliyin, multikultural, tolerant mühitin qorunması və təşviqi dövlət siyasətinin başlıca istiqamətlərindən biridir.
Müraciətdə vurğulanır: “Bir sıra ölkələrdə şahidi olduğumuz mürəkkəb etno-siyasi proseslər, dinin siyasi ambisiyalara alət edilməsi cəhdləri, radikalizm və ekstremizmin artması göstərir ki, sülh və əmin-amanlıq axtarışında olan dünyamızda multikulturalizmin alternativi olmadığı kimi, müxtəlif dinlər və məzhəblər arasında dostluq və dözümlülük münasibətlərinin də alternativi yoxdur”.
Azərbaycanda millətlər və konfessiyalar arasında dostluğun əsas şərti dövlət və konfessiyalar arasında “zəngin milli-tarixi ənənəyə əsaslanan və beynəlxalq hüquqi normalarla tənzimlənən” səmərəli dialoqdur.
Prezident İlham Əliyev konfrans iştirakçılarına məktubunda vurğulayıb: “Biz bu təcrübəni həyata keçirdiyimiz din siyasətinin uğurlu təminatı kimi qəbul edir və mövcud ictimai-siyasi sabitliyin, vətəndaş həmrəyliyinin, nümunəvi dözümlülük mühitinin vacib amili kimi dəyərləndiririk”

Tanınmış yəhudi tarixçisi və analitik Moşe Beker Azərbaycan yəhudilərinin tolerantlığın Azərbaycan modeli haqqında düşüncələrini Yəhudi Xəbərlər Agentliyi üçün belə şərh edib: “Bu gün Azərbaycan dünyada tolerantlıq örnəyi kimi tanınır. Möhtərəm Prezidentimiz İlham Əliyev ardıcıl olaraq sivilizasiyalararası dialoqun, beynəlxalq sülhün və təhlükəsizliyin təmin olunmasına yönəldilən təşəbbüs və çağırışlarla çıxış edir. Beynəlxalq humanitar forumlar, dünyanın dini liderlərinin Azərbaycanda keçirilən sammitləri müsəlman, yəhudi və xristianları narahat edən qlobal problemlərin müzakirəsinə əhəmiyyətli töhfə verir”.
Tural




 
Bölməyə aid digər xəbərlər
21.11.2018
PAŞA Bank sərfəli şərtlərlə ipoteka krediti təklif edir
21.11.2018
Azərbaycanda qızları olan ailələrlə bağlı yeni təkliflər
20.11.2018
DOST Agentliyinin konsepsiyasının təqdimatı olub
20.11.2018
Şəhid anası: Birdəfəlik ödəmələrin verilməsi şəhid ailələrinə qayğının bariz nümunəsidir
19.11.2018
Sabirabadda məcburi köçkünlərin məskunlaşdığı qəsəbə təbii qazla təmin olunub

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10508

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info