Bakı Metropoliteninin nümayəndələri Türkiyədə təcrübə keçirlər
Tarix: 21.11.2014 | Saat: 16:34:00 | E-mail | Çapa göndər


Xəbər verildiyi kimi, Fransanın “Thales SA” şirkəti ilə bağlanmış müqaviləyə uyğun olaraq “Bənövşəyi xətt”ə tətbiq ediləcək SCADA (dispetçer idarəetməsi və məlumat bazası) və CBTC (kommunikasiya əsaslı qatar nəzarəti və idarəetməsi) sistemlərinin öyrənilməsi ilə bağlı “Bakı Metropoliteni” QSC-nin təlim-tədris mərkəzində kurslara başlanılıb.
QSC-nin mətbuat xidməti və ictimaiyyətlə əlaqələr şöbəsinin rəisi Nəsimi Paşayev bildirib ki, fransız mütəxəssislərin keçdiyi ikihəftəlik məşğələlərdən sonra 6 müdavim Türkiyənin İstanbul şəhərində növbəti kurslara başlayıb. Məşğələlər “Thales SA”nın İstanbul Metropolitenindəki tədris mərkəzində davam etdirilir. Üç həftə ərzində Bakı Metropoliteninin nümayəndələri orada CBTC sisteminin işi ilə praktiki tanış olacaqlar. Qrupun üzvləri elektronika, informatika sahəsində bilik və müəyyən iş təcrübəsi olan mütəxəssislərdir. İstanbul metrosunda məşğələlər başa çatdıqdan sonra, tədris prosesinin üçüncü mərhələsi başlayacaq. Bu mərhələdə məşğələlər yanvar ayında Kanadanın Toronto Metropolitenində keçiriləcək.

Qeyd edək ki, “Thales SA” ilə imzalanan müqaviləyə əsasən Fransa şirkəti Bakı Metropolitenini müasir tələblərə cavab verən, ən son texnoloji idarəetmə və işarəvermə avadanlıqlarının alınması, quraşdırılması, proqram təminatının həyata keçirilməsini təmin edəcək. İlk mərhələdə alınacaq avadanlıqlardan metropolitenin “Avtovağzal” və “Memar Əcəmi-2” (“Bənövşəyi xətt”) stansiyalarında istifadə olunacaq. Artıq “Avtovağzal” və “Memar Əcəmi-2” stansiyalarının tikintisi başa çatıb, avadanlıqların quraşdırılması işləri gedir. Yeni sistemin tətbiqi Bakı Metropolitenində bütün idarəetmə və işarəvermənin tam avtomatlaşdırılmasına, həmçinin bu sahədə insan amilinin minimuma endirilməsinə imkan yaradacaq.
Tural




 
Bölməyə aid digər xəbərlər
20.04.2019
Türkiyə Xəzər hövzəsindən enerji ehtiyatlarının dünya bazarlarına tədarükündə maraqlıdır
20.04.2019
Əlilliyə görə pensiyaların da elektron qaydada təyinatına başlanıb
20.04.2019
Azərbaycan tekstili MDB-də yeni bazarlara çıxa bilər
20.04.2019
Azərbaycan neftinin qiyməti bahalaşıb
19.04.2019
İstanbulda Türkiyə-Azərbaycan-Türkmənistan enerji əməkdaşlığı müzakirə edilib

Şərh əlavə olunmayıb

    ,    
Fuad HÜSEYNZADƏ
Esmira Məmmədova
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10754

1 Erməni yoxsa türk qırğını?
2 Müharibə veteranlarına Prezident təqaüdü təsis edilib
3 Ramiz Mehdiyevin sərəncamı ilə tədbirlər planı təsdiqləndi
4 Azərbaycanlı həkim-yazıçı Rusiya Yazıçılar İttifaqına üzv olub
5 “Azərbaycan dilinin Orfoqrafiya Normaları” təsdiq edilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info