“Azərbaycanın son illərdəki güclü inkişafı bizi sevindirir”
Tarix: 22.11.2014 | Saat: 00:33:00 | E-mail | Çapa göndər


Azərbaycan Həmkarlar İttifaqları Konfederasiyasının (AHİK) sədri, Milli Məclisin deputatı Səttar Mehbalıyevin başçılıq etdiyi nümayəndə heyəti Yunanıstan Əmək Konfederasiyasının dəvəti ilə bu ölkədə üç günlük səfərdə olub. AHİK-in Mətbuat və ictimaiyyətlə əlaqələr şöbəsindən verilən məlumata görə, səfər çərçivəsində nümayəndə heyəti ölkənin ən iri həmkarlar ittifaqı təşkilatı olan Yunanıstan Əmək Konfederasiyasında olub.
Görüşdə təşkilatın sədri Yiannis Panaqoraulas Yunanıstandakı sosial-iqtisadi vəziyyət, ölkənin son illərdə qarşılaşdığı iqtisadi böhran haqqında danışıb. O, qeyd edib ki, iqtisadi böhran nəticəsində ölkə iqtisadiyyatına böyük ziyan dəyib, minlərlə iş yeri bağlanıb, işsizlik və yoxsulluq səviyyəsi artaraq 28 faiz olub. Əməkhaqlarının vaxtında verilməməsi ölkədə sosial vəziyyətin ağırlaşmasına səbəb olub. Əmək Konfederasiyasının sədri məlumat verib ki, bu vəziyyətlə əlaqədar son dövrlər ölkədə həmkarlar ittifaqı təşkilatının işi çətinləşib. Həm üzvlük haqlarının yığılmasında problemlər meydana gəlib, həm də iş yerlərinin bağlanması ilə əlaqədar kollektiv müqavilələrin imzalanmasında əngəllər yaranıb. Y.Panaqoraulas Azərbaycan nümayəndə heyətinin Yunanıstana səfərini yüksək qiymətləndirib, S.Mehbalıyevi Beynəlxalq Həmkarlar İttifaqları Konfederasiyasının vitse-prezidenti seçilməsi münasibətilə təbrik edib.
Görüşdə S.Mehbalıyev Azərbaycan həmkarlar ittifaqlarının fəaliyyəti haqqında məlumat verib. O, Azərbaycanda həmkarlar ittifaqı hərəkatının 1 əsrdən artıq tarixə malik olduğunu, tarixdə ilk kollektiv əmək müqaviləsinin məhz Bakıda imzalandığını diqqətə çatdırıb. Həmçinin son illər Azərbaycanda işçilərin əmək hüquqlarının qorunması istiqamətində həmkarlar ittifaqlarının gördüyü işlərdən, bu sahədə qanunlara edilən əlavə və dəyişikliklərdən danışıb. AHİK sədri ölkələrimizin həmkarlar ittifaqı mərkəzləri arasında əməkdaşlığın genişlənəcəyinə və daha da möhkəmlənəcəyinə əmin olduğunu bildirib. AHIK-in nümayəndə heyəti Yunanıstanın əmək naziri Yiannis Vroutsis ilə görüşüb. Nazir 1992-ci ildə Azərbaycana səfərini xatırlayıb və deyib ki, Azərbaycanın son illərdəki güclü inkişafı onu sevindirir. Qeyd edib ki, 2 ay öncə Yunanıstanın Baş nazirinin Azərbaycana səfəri zamanı çəkilən şəkillərə baxdıqda bu inkişafın bir daha şahidi olub. Y.Vroutsis ölkəsindəki böhranın artıq nizamlandığını, iqtisadiyyatın bir çox sahələrinin tənəzzülünün qarşısının alındığını diqqətə çatdırıb. O, indiki hakimiyyətin qısa müddətdə ölkədə tərəqqi əldə olunmasını təmin edəcəyinə inandığını bildirib, Yunanıstan-Azərbaycan əlaqələrinin inkişafının məmnunluq doğurduğunu vurğulayıb. Nazir ölkələrimizin həmkarlar ittifaqı mərkəzləri arasında əlaqələrin bütövlükdə Azərbaycan-Yunanıstan münasibətlərinin inkişafına xidmət edəcəyinə əminliyini bildirib. Görüşdə AHİK-in sədri S.Mehbalıyev Azərbaycandakı sosial-əmək münasibətləri haqqında məlumat verib.
Səfər çərçivəsində nümayəndə heyəti Yunanıstanın ətraf mühit, enerji və iqlim dəyişiklikləri nazirinin müavini Asimakis Papageorgiou ilə də görüşüb. Nazir müavini dəfələrlə Azərbaycanda olduğunu, Yunanıstan və Azərbaycan hökumətləri arasında sənədlərin hazırlanması ilə əlaqədar çoxsaylı görüşlər keçirdiyini söyləyib, ölkələrimizin əlaqələrinin inkişafını yüksək qiymətləndirib.




 
Bölməyə aid digər xəbərlər
19.11.2018
“Qaçaqmalçılığa qarşı mübarizə sahəsində yüksək göstəricilər əldə olunub”
19.11.2018
Səfir: Azərbaycanla Pakistan arasında olan strateji tərəfdaşlıq münasibətləri bütün sahələrdə əməkdaşlığa öz töhfəsini verir
18.11.2018
Sanya meri: Azərbaycan qədim tarixə və özünəməxsus mədəniyyətə malik ölkədir
18.11.2018
Dünyanın heç bir ölkəsində qanunsuz, icazəsiz mitinq keçirməyə yol verilmir
17.11.2018
Milli Dirçəliş Günü ilə bağlı icazəsiz aksiya keçirməkdə məqsəd təxribat törətmək və ara qarışdırmaqdır

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 Davamli dil siyasəti dövlətin əsas prioritet istiqaməti kimi
2 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
3 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info