Yüksək bal toplayan abituriyentlər hansı ali məktəbləri seçiblər?
Tarix: 24.11.2014 | Saat: 18:06:00 | E-mail | Çapa göndər


Bu il Azərbaycanın ali təhsil müəssisələrinə keçirilən qəbul imtahanlarında 92 min 643 abituriyent iştirak edib. Tələbə Qəbulu üzrə Dövlət Komissiyasından verilən xəbərə görə, abituriyentlərdən 1727 nəfəri 600 baldan yuxarı nəticə göstərib. Yüksək ballılar respublikanın, demək olar, bütün şəhər və rayonlarını, o cümlədən bəzi kənd məktəblərini təmsil edirlər. Yüksək nəticə göstərənlər I qrupda 488, II qrupda 435, III qrupda 401, IV qrupda 403 nəfərdir. 9 nəfər isə maksimal nəticə (700 bal) göstərib. Onlardan 5-i I qrupun, 2-si II qrupun, 2-si isə IV qrupun abituriyentləridir.
Yüksək bal toplamış 1724 (100.0%) nəfər respublikanın ali məktəblərinə qəbul olublar. Onlardan 486-sı (100.0%) I, 434-ü (100.0%) II, 401-i (100.0%) III, 403-ü (100.0%) isə IV ixtisas qrupu üzrə olan ixtisaslarda təhsil alacaqlar.
Yüksək ballı abituriyentlərin seçdikləri ali məktəblərə gəlincə, bunlar arasında Azərbaycan Tibb Universiteti, Bakı Dövlət Universiteti, Azərbaycan Dövlət Neft Akademiyası, Azərbaycan Respublikası Prezidenti yanında Dövlət İdarəçilik Akademiyası, “ADA” Universiteti, Bakı Ali Neft Məktəbi, "Qafqaz" Universiteti üstünlük təşkil edir. Azərbaycan Tibb Universitetinə qəbul olanlar yalnız IV, Azərbaycan Dövlət Neft Akademiyası və Bakı Ali Neft Məktəbinə qəbul olanlar isə yalnız I ixtisas qrupu üzrə ixtisasları seçiblər.
Belə ki, yüksək bal toplayanların 379 nəfəri Azərbaycan Tibb Universitetini seçib.
Bakı Dövlət Universitetində təhsil alacaq yüksək ballıların sayı isə 227 nəfərdir. Onların 62-i (12.76%) I, 17-si (3.92%) II, 145-i (36.16%) III, 3-ü (0.74%) isə IV ixtisas qruplarını seçiblər.
Növbəti pillədə Azərbaycan Respublikası Prezidenti yanında Dövlət İdarəçilik Akademiyasını seçənlər dayanır ki, onların da sayı 212 (12.30%) nəfərdir. Onlar əsasən, I, II və III ixtisas qrupları üzrə ixtisaslarda təhsil alacaqlar. Belə ki, onların 25-i (5.14%) I, 124-ü (28.57%) II, 63-ü (15.71%) isə III qrup üzrə ixtisaslarda oxuyacaq.
“ADA” Universitetini 201 (11.66%) nəfər seçib ki, onların da 30-u (6.17%) I, 130-u (29.95%) II, 41-i (10.22%) isə III ixtisas qrupunu seçib.
Özəl ali məktəblər içərisində “Qafqaz” Universiteti fərqlənib. Belə ki, 600-dən yuxarı bal toplayanların 146-sı (8.47%) “Qafqaz Universiteti”ni seçib. Onlardan 90-nı (18.52%) I, 55-i (12.67%) II, 1-i (0.25%) isə IV ixtisas qrupunda təhsil alacaq.
Azərbaycan Dövlət Neft Akademiyası da yüksəl ballıların seçdiyi ali məktəblərdən biri olub. Belə ki, 600-dən yuxarı bal toplayan 126 (7.31%) nəfər bu ali məktəbi seçib və onların hər biri I qrup üzrə ixtisaslarda təhsil alacaq.
Yüksək bal toplayanların seçdikləri ali məktəblər arasında Bakı Ali Neft Məktəbi də fərqlənib. Belə ki, 600-dən yuxarı bal toplayan 120 (6.96%) nəfərin hamısı I ixtisas qrupunda təhsil almağı seçib.
Yüksək bal toplayanların 93-ü Azərbaycan Dövlət İqtisad Universitetində, 92-si Azərbaycan Dillər Universitetində, 35-i Naxçıvan Dövlət Universitetində, 35-i xüsusi təyinatlı ali təhsil müəssisələrində, 14-ü Azərbaycan Respublikası Dövlət Gömrük Komitəsinin Akademiyasında, 12-si Xəzər Universitetində, 6-sı Gəncə Dövlət Universitetində, 5-i Türkiyənin ali təhsil müəssisələrində, 4-ü Azərbaycan Texniki Universitetində, 3-ü Azərbaycan Memarlıq və İnşaat Universitetində, 3-ü Azərbaycan Turizm İnstitutunda, 3-ü M.V.Lomonosov adına Moskva Dövlət Universitetinin Bakı filialında, 3-ü Azərbaycan Dövlət Aqrar Universitetində (Gəncə ş.) təhsil alacaq.
Azərbaycan Dövlət Pedaqoji Universiteti, Azərbaycan Müəllimlər İnstitutu, Milli Aviasiya Akademiyası, Sumqayıt Dövlət Universiteti və Lənkəran Dövlət Universitetinin hər birində 600-dən yuxarı bal toplayan 1 tələbə oxuyacaq.

Nigar Abdullayeva




 
Bölməyə aid digər xəbərlər
19.11.2018
Sabirabadda məcburi köçkünlərin məskunlaşdığı qəsəbə təbii qazla təmin olunub
19.11.2018
“ABC Tədris və İnkişaf mərkəzi“ və “Ahıllara və Tənhalara Dəstək“-dən təqdirəlayiq addım
19.11.2018
Səyyar “ASAN xidmət” davam edir
16.11.2018
Sanqaçal qəsəbə sakinləri ilə növbəti səyyar görüş keçirilib
16.11.2018
Sahil Babayev Şəmkirdə 5 rayonun sakinləri ilə görüşüb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info