ABŞ-ın 37 ştatında etiraz aksiyaları keçirilir
Tarix: 26.11.2014 | Saat: 17:37:00 | E-mail | Çapa göndər


Hakimlər kollegiyasının Ferqüson şəhərində 18 yaşlı Afrika əsilli gənci güllələyən ağdərili polisi bəraət verməsi ilə əlaqədar etiraz aksiyaları davam edir. Ferqüson şəhərindən başlayan etiraz dalğası artıq ABŞ-ın bir çox ştatlarına yayılıb.
TASS informasiya agentliyinin məlumatına görə, etirazçılar Sent-Luisin mərkəzi küçələrini və şəhəri İllinoys ştatı ilə birləşdirən Missisipi çayı üzərindəki körpünü bir neçə saatlıq bağlayıblar.
Nyu-Yorkun Tayms-Skver meydanına toplaşan minlərlə nümayişçi isə Manhetten və Bruklin rayonlarını birləşdirən körpüdə hərəkəti müvəqqəti dayandırmağa nail olub. Qəzəblənmiş kütlənin Qudzon çayının altından keçən və Nyu-Yorku Nyu-Cersi ştatı ilə bağlayan avtomobil tunelini bağlayacağından ehtiyat edən şəhər polisi yüksək hazırlıq vəziyyətinə gətirilib.
İrimiqyaslı etiraz dalğaları, həmçinin Çikaqo, Filadelfiya, Atlanta, Los-Anceles, San-Fransisko kimi şəhərləri və ümumilikdə 50 ştatdan 37-sini bürüyüb.
Ölkənin paytaxtı Vaşinqton da etiraz aksiyalarından kənarda qalmayıb. Şəhərin polis idarəsi qarşısında yerə uzanaraq ölmüş insan görkəmi alan nümayişçilərin sinələrində “Qaradərililərin də həyatı önəmlidir” şüarı yazılan plakatlar olub.
Hadisələrin başladığı Ferqüson şəhərində isə vəziyyət bir qədər sakitləşsə də, aksiyaların yeni qüvvə ilə qızışacağı istisna olunmur. Missuri ştatının qubernatoru Cey Nikson şəhərə Milli qvardiyanın əlavə bir neçə yüz əsgərinin göndərilməsi tapşırığından sonra burada asayişi 2200 hərbçi qoruyacaq. Şəhərdə artıq 80-dən çox nümayişçi həbs edilib.
Tural




 
Bölməyə aid digər xəbərlər
21.11.2018
İspaniyada intensiv yağıntılar nəticəsində ölən və itkin düşənlər var
20.11.2018
Qətərdə regionun ultramüasir klinikası açılıb
19.11.2018
Putin:“Türk axını” tamamlandıqdan sonra Rusiya-Türkiyə enerji əməkdaşlığı daha da güclənəcək”
18.11.2018
Bolqarıstanı kütləvi etiraz aksiyaları bürüyüb
17.11.2018
Rusiyadan Ermənistana gedən magistralda 600-ə yaxın avtomobil qalıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10509

1 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 Eldar Əzizov Bakı Şəhər İcra Hakimiyyətinin başçısı təyin edildi
5 Abel Məhərrəmov BDU-nun rektoru vəzifəsindən azad edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info