“Ermənistanla sərhədi açmaq Türkiyənin nüfuzunu aşağı salacaq”
Tarix: 02.12.2014 | Saat: 23:43:00 | E-mail | Çapa göndər


“Türkiyə Ermənistanla sərhədinin bağlanma səbəbi aradan qalxmadan sərhədi açmamalıdır”. Bunu Türkiyənin nüfuzlu beyin mərkəzlərindən hesab edilən Beynəlxalq Araşdırmalar Mərkəzinin (USAK) direktor müavini, professor Kamer Kasım mərkəzin rəsmi saytında yer alan “Türkiyə-Ermənistan sərhəd qapıları” adlı məqaləsində qeyd edib.
Onun fikrincə, Dağlıq Qarabağ problemi həll edilmədən belə bir cəhd Azərbaycanla münasibətlərdə təsiri uzun illər davam edəcək təxribata gətirib çıxaracaq. Bundan əlavə, bölgə ölkələrində, Türkiyənin ən yaxın əlaqəsinin olduğu, strateji ortağı səviyyəsindəki bir ölkə üçün çox əhəmiyyətli bir mövzuda siyasi iradə göstərə bilmədiyi təəssüratı yaradacaq: “Türkiyənin ən səlahiyyətli insanları tərəfindən problem həll edilmədən sərhədin açılmayacağını bəyan edildiyi nəzərə alınarsa, ediləcək hər hansı əks-cəhd Azərbaycanın inamının qırılması ilə yanaşı, Türkiyənin nüfuzdan düşməsinə gətirib çıxaracaq”. K.Kasım bildirib ki, Türkiyənin Ermənistan sərhədini Dağlıq Qarabağ problemi həll edilmədən açması həm etik baxımdan, həm də siyasi baxımdan düzgün olmayacaq: “Etik baxımdan Azərbaycan torpaqlarını işğal altında saxlayan, üstəlik, işğala son qoymaq məsələsində iradəsi olmayan, əksinə, işğalın davamlı olmasına çalışan Ermənistan ilə sərhədi açmaq problemli yanaşma olacaq. Bununla yanaşı, BMT-nin işğalın sona yetməsini tələb edən qərarları var və öz icrasını gözləyir. Real siyasi baxımdan isə Türkiyənin Ermənistanla sərhədini açmasından sonra əldə edə biləcəyi qazancla və bunun qarşılığında itirə biləcəklərinə baxdıqda ortada ciddi bir uyğunsuzluq var. Ermənistan sərhədinin Dağlıq Qarabağ problemi həll edilmədən açılması Azərbaycan ilə əlaqələrə xələl gətirər”. Azərbaycanla Türkiyə arasında yüz milyard dollarlarla strateji iqtisadi layihələrin həyata keçirildiyini, eləcə də planlaşdırıldığını xatırladan USAK-ın direktor müavini qeyd edib ki, iqtisadiyyatı Rusiyadan asılı olan və bir heç enerji ehtiyatı olmayan Ermənistanın isə Türkiyəyə təklif edəcəyi bir şey yoxdur. Araşdırmaçının fikrincə, Dağlıq Qarabağ problemi həll edilmədən Türkiyənin sərhədi açmasının Ermənistanın "soyqırım" iddiaları məsələsində diasporun siyasətini dəyişdirəcəyi və ya fəaliyyətini azaldacağı baxımdan da mənası olmayacaq. O bildirib ki, Türkiyə-Ermənistan əlaqələrinin normallaşması və xüsusilə sərhədlərin açılması üçün Türkiyədə lobbiçilik edənlərin ortaya qoyduğu rəqəmlər Ermənistanın iqtisadi həqiqətləri ilə uyğun gəlmir: “Bundan əlavə, Dağlıq Qarabağ probleminin Türkiyə-Ermənistan əlaqələrindən ayrı olması arqumenti isə Türkiyənin Ermənistanla sərhədi bağlamasının səbəbini nəzərə almamaq mənasını daşıyır. Ermənistanın işğalçı mövqeyini davam etdirməsini nəzərə almadan Qərbə yaxınlaşacağı düşüncəsi ilə ona çoxlu maliyyə dəstəyi verən ölkələr isə Ermənistanın Avrasiya İqtisadi Birliyinə daxil olmasından sonra, hələ kifayət qədər etiraf etməsələr də, səhv etdiklərini dərk ediblər. Həmin ölkələrin vergi ödəyən vətəndaşları işğalçı bir ölkəyə siyasətini dəyişdirmədiyi ya da dəyişdirəcəyinə dair işarə vermədiyinə görə verilən pulların hesabatını tələb etməlidirlər”. K.Kasım vurğulayıb ki, regionda Dağlıq Qarabağ kimi sabitliyə ən böyük təhlükə mənbəyi olan problem həll edilmədiyi təqdirdə, Qafqazda daimi sülhün təmin edilməsi mümkün olmadığı kimi, Türkiyə-Ermənistan əlaqələri də normallaşmayacaq.




 
Bölməyə aid digər xəbərlər
21.11.2018
“Belarusa səfər Prezident İlham Əliyevin xarici siyasət istiqamətində növbəti uğurudur”
21.11.2018
Ukrayna NATO və Avropa İttifaqına üzvlüyə hər an yaxınlaşır
20.11.2018
Yeni Azərbaycan Partiyası: iqtisadi və siyasi müstəqilliyi möhkəmləndirən ideyalar məktəbi
19.11.2018
“Qaçaqmalçılığa qarşı mübarizə sahəsində yüksək göstəricilər əldə olunub”
19.11.2018
Səfir: Azərbaycanla Pakistan arasında olan strateji tərəfdaşlıq münasibətləri bütün sahələrdə əməkdaşlığa öz töhfəsini verir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10509

1 Davamli dil siyasəti dövlətin əsas prioritet istiqaməti kimi
2 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
3 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
4 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
5 Eldar Əzizov Bakı Şəhər İcra Hakimiyyətinin başçısı təyin edildi


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info