Türk Əməkdaşlıq və Koordinasiya Agentliyi ilə gələcək əməkdaşlıq məsələləri müzakirə olunub
Tarix: 04.12.2014 | Saat: 16:16:00 | E-mail | Çapa göndər


Əmək və Əhalinin Sosial Müdafiəsi Nazirliyində (ƏƏSMN) Türk Əməkdaşlıq və Koordinasiya Agentliyinin (TİKA) Bakı Ofisinin nümayəndələri ilə görüş olub. Görüşdə əmək və əhalinin sosial müdafiəsi nazirinin müavini Mətin Kərimli ƏƏSMN-nin Türkiyənin aidiyyatı qurumu ilə əmək və sosial müdafiə sahəsində əməkdaşlığa xüsusi önəm verdiyini və bu əməkdaşlığın daim yeni fəaliyyət sahələri üzrə genişlənməkdə olduğunu vurğulayıb. Nazir müavini TİKA ilə də müvafiq sahələrdə əməkdaşlığın məqsədəuyğun ola biləcəyini qeyd edib. TİKA-nın Bakı Proqram Koordinasiya Ofisinin baş koordinatoru Mustafa Haşim Polat 1992-ci ildə yaradılan və Türkiyə Respublikası Baş Nazirliyinə tabe olan Türk Əməkdaşlıq və Koordinasiya Agentliyinin fəaliyyəti haqqında məlumat verib. O bildirib ki, hazırda 40-dək ölkədə koordinasiya ofisi fəaliyyət göstərən bu Agentlik müxtəlif ölkələrdə dövlət və qeyri-dövlət strukturları ilə əməkdaşlıq şəraitində kənd təsərrüfatı, turizm, institusional infrastrukturun inkişaf etdirilməsi, iqtisadi, sosial və mədəni sahələr üzrə layihələr həyata keçirir. Bu layihələr həmin ölkələrə qeyd olunan sahələrdə dəstək olmaq məqsədi daşıyır.
Agentliyin Azərbaycanda da icra etdiyi bir sıra layihələr barədə məlumat verilib, qarşıdakı dövrdə əmək, məşğulluq, eləcə də sosial müdafiə sisteminin ayrı-ayrı sahələrində əməkdaşlığa başlanılmasının mümkünlüyü diqqətə çatdırılıb. Görüşdə sosial təminat sisteminin təkmilləşdirilməsi, əmək standartlarının hazırlanması, əməyin mühafizəsi üzrə laboratoriyaların qurulması, işsiz və işaxtaran şəxslərin peşə hazırlığının təşkili, əlilliyi olan şəxslərin peşə reabilitasiyası, onların məşğulluğunun dəstəklənməsi və s. sahələrdə gələcəkdə birgə layihələrin icrasına dair təkliflər nəzərdən keçirilib.


İlkin





 
Bölməyə aid digər xəbərlər
19.09.2018
Aşura günü Gəncədə iki yerdə qanvermə aksiyası keçiriləcək
19.09.2018
ADPU-da professor Faruk Faik Köprülünün məruzəsi dinlənilib
19.09.2018
Dövlət Əmək Müfəttişliyi Xidməti Lənkəran və Masallı rayonlarında seminar keçirib
19.09.2018
Əcnəbilərin Azərbaycana marağını necə artırmaq olar
18.09.2018
Prezident İlham Əliyev: Bakı-Astara magistral yolunun açılışı tarixi layihədir, Azərbaycanın imkanını göstərir

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10121

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Krivoy Roqdakı soydaşlarımız festivala hazırlaşırlar
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info