İkili diplom alan ATİ məzunları turizm müəssisələrində rəhbər vəzifələrdə çalışırlar
Tarix: 04.12.2014 | Saat: 17:45:00 | E-mail | Çapa göndər


Azərbaycan Turizm İnstitutunun (ATİ) rektoru, tarix elmləri doktoru, professor Cəfər Cəfərov Yunanıstanın Keyfiyyət və Akkreditasiya Agentliyi (HQA) idarə heyətinin üzvü, professor Johannis Vlahosla rəhbəri olduğu ali təhsil ocağında görüşüb. Rektor C.Cəfərov yunan professorla tanışlıq görüşü zamanı ATİ-nin 9 illik fəaliyyəti, inkişaf strategiyası barədə ətraflı məlumat verib. Azərbaycanda ali təhsil tarixində ilk dəfə ikili diplom praktikasına imza atan ali təhsil ocağı olduğunu diqqətə çatdırıb. Bu proqram sayəsində 2 diplom- həm milli, həm də Avstriyanın İMC Krems Tətbiqi Elmlər Universitetinin diplomunu alan məzunların nüfuzlu turizm müəssisələrində rəhbər vəzifələrdə çalışdıqlarını bildirib. Elmin sərhəd tanımadığını xüsusi qeyd edən rektor C.Cəfərov dünyanın tanınmış universitetləri ilə əməkdaşlıq əlaqələrində tələbə-müəllim mübadiləsinin faydasını detallı şərh edib. Bu baxımdan Yunanıstanın Keyfiyyət və Akkreditasiya Agentliyi (HQA) idarə heyətinin üzvü, professor Johannis Vlahosla görüşün fayda gətirəcəyinə əminliyini bildirib. Professor Johannis Vlahos üzvü olduğu qurumun geniş fəaliyyətindən danışarkən bildirib ki, Keyfiyyət və Akkreditasiya Agentliyi ali təhsildə keyfiyyət mexanizminin idarə olunması məqsədilə yaradılıb. Hər bir ali təhsil müəssisəsində tədrisin və tədqiqatın daim təkmilləşməsi, eləcə də beynəlxalq təcrübəyə uyğun icrası prosesində səmərəlilik prinsipini hədəf seçib.
Yunan qonaq Johannis Vlahos söhbət əsnasında yüksək ali təhsil verən tədris müəssisələrindən biri- Yunanıstan Krit Universitetinin professoru olduğunu diqqətə çatdırıb. 1973-cü ildə yaradılan ali təhsil ocağında 16 şöbə, 5 fakültə və eyni zamanda bir neçə törəmə tədqiqat institutunun fəaliyyət göstərdiyini bildirib. Krit Universitetinin Avropa Birliyi Nizamnaməsini və tədqiqatçıların qəbulu üzrə Kodeksi imzalayan ilk yunan universiteti olduğunu və tədqiqatçıların mobilliyi üzrə Euraxess European şəbəkəsinin bir bölümü üzrə təmsilçilik hüququna sahibləndiyini bildirib.
Tanışlıq görüşünün sonunda rektor C.Cəfərov Türkiyənin Akdeniz, Kastomonu, Avstriyanın Krems İMC TEU, Almaniyanın Yade Universiteti və sair xarici ölkələrin ali təhsil müəssisələri ilə Azərbaycan Turizm İnstitutu arasında bağlanan ikitərəfli əməkdaşlıq müqavilələrinin şərtlərinə uyğun həyata keçirilən tələbə-müəllim mübadiləsinin uğurlu olduğunu deyib. ATİ və Yunanıstanın Krit Universiteti arasında əməkdaşlığın qurulması üçün fikir birliyinə gəliblər.
Nigar




 
Bölməyə aid digər xəbərlər
20.03.2019
Bayramın ikinci günündə hava əsasən yağmursuz keçəcək
20.03.2019
Kiyevdə keçirilən Novruz şənliyində Azərbaycanın milli mətbəx nümunələri təqdim olunub
20.03.2019
Vaşinqtondakı Azərbaycan məktəbində Novruz bayramı qeyd olunub
20.03.2019
Metropolitendə ilk dəfə Novruz şənliyi təqdim olunur
20.03.2019
Gənclər Aprel şəhidlərinin ailələrini ziyarət ediblər

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10702

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Lənkəranın ucqar kənd məktəbində Novruz şənliyi keçirilib
3 Yuliya Naçalova vəfat edib
4 “Bahar“ Qadınlar İnkişaf Qrupuna müasir tikiş maşınları verilib
5 Fransız heykəltəraş Mauro Kordanın sərgisi


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info