Əli Əhmədov regionda dini radikalizmin meydana gəlməsinin səbəbindən danışdı
Tarix: 05.12.2014 | Saat: 17:51:00 | E-mail | Çapa göndər


“Din milli-mənəvi dəyərlərin nüvəsini təşkil edir. Müsəlman cəmiyyətləri üçün də İslam milli-mənəvi dəyərlərin nüvəsidir. Məsələn, 150-200 il əvvələ qayıtsaq, o vaxt azərbaycanlılar özlərini daha çox müsəlman kimi hiss edirdilər nəinki sırf azərbaycanlı kimi. İndinin özündə də elə İslam cəmiyyətləri var ki, insanlar özlərini daha çox müsəlman kimi təqdim edirlər. Amma elə cəmiyyətlər, xalqlar da var ki, onlar özlərini artıq dinlə identifikasiya etmirlər. Məsələn, yaponlar, almanlar buna misaldır”.
Bunu Yeni Azərbaycan Partiyasının sədr müavini - icra katibi, Baş nazirin müavini Əli Əhmədov Dini Qurumlarla İş üzrə Dövlət Komitəsinin Binəqədi rayon İcra Hakimiyyəti ilə birlikdə “Milli mənəvi dəyərlər: tarixilik, varislik və müasirlik” mövzusunda gənclərlə keçirdiyi görüşündə deyib.
Ə. Əhmədov bildirib ki, dinin ictimai-siyasi prosesləri formalaşdırması dinin özündə də müəyyən ziddiyyətlərin yaranmasına gətirib çıxarır: “Çünki ictimai-siyasi prosesləri formalaşdıran digər amillər də var və olmalıdır. Məsələn, müxtəlif yönlü partiyalar mövcuddur, QHT-lər mövcuddur, digər qollar da mövcuddur ki, ictimai-siyasi proseslərin tənzimlənməsində rol oynayır. Bunlar bütün sivil dünya tərəfindən qəbul olunan ictimai-siyasi requlyatorlardır. Amma elə cəmiyyətlər də var ki, din təkcə milli-mənəvi dəyərlər yox, həm də siyasi requlyator rolunu radikalizm formasında oynamağa başlayıb. Regiondakı bir sıra müsəlman ölkələrində dini radikalizmin meydana gəlməsinin səbəbi orada dinin ictimai-siyasi requlyator rolunu oynamağa çalışmasıdır. Bu, Azərbaycana xas olmayan hal olsa da, biz yenə də ayıq-sayıq olmalıyıq. Ayıq olmalıyıq ki, din ictimai-siyasi requlyator rolunda çıxış etməsin. Şəxsən mənim düşüncəmə görə, din bizdə milli-mənəvi dəyərlərin nüvəsi rolunda çıxış etməlidir, müəyyən məsələlərə təkan verməlidir, lakin ictimai-siyasi requlyator rolunda çıxış etməməlidir. Belə olan halda cəmiyyətdə radikalizmin, qarşıdurmanın meydana gəlməsinin qarşısı alınar”.

Ə. Əhmədov bu gün cəmiyyətdə müsəlman olmanın dərəcələri ilə bağlı gedən mübahisələrdən də danışıb: “Mənim fikrimcə, əgər bir insan İslamın buyurduğu normal şərtlərlə özünü müsəlman hiss edirsə, deməli, müsəlmandır. Müasir cəmiyyət üçün daha əlavə hansısa şərtlərin gətirilməsinə ehtiyac yoxdur. Məsələn, mən hesab etmirəm ki, kimsə gündə 5 dəfə namaz qılırsa, daha yaxşı müsəlmandır, kimsə bu qədər qılmırsa, yaxşı müsəlman deyil. İndiki dövrün tələbləri baxımından yanaşsaq, müsəlmançılığı şərtləndirən kriteriyaları bunda axtarmaq düzgün deyil. İndiki dövrün həyat tələbləri baxımından dini ayinləri, ibadətləri olduğu kimi yerinə yetirmək qeyri-mümkündür. Hər gün mütəmadi ibadət yerlərinə getmək və sair qeyri-mümkündür. Çünki sən əgər mütəmadi olaraq hər gün bunları edərsənsə, bir vətəndaş kimi digər işlərini görməyə sadəcə olaraq, vaxtın qalmayacaq. Ona görə də hesab edirəm ki, bu kriteriyadan yanaşaraq hər birimizin özümüzü müsəlman hesab etməyə tam haqqımız var”.
Tural




 
Bölməyə aid digər xəbərlər
17.11.2018
Başqa ölkələrdən gələn qaçqınların sosial təminatlardan yararlanması üçün yeni mexanizm yaradılacaq
16.11.2018
“Hüquqi dövlət quruculuğunda məhkəmə-KİV münasibətlərinin inkişafı vacibdir”
16.11.2018
Azərbaycan Gənclərinin VIII Forumu keçirilib
16.11.2018
Dərman vasitələrinin qanunsuz dövriyyəsi ilə əlaqədar başlanmış cinayət işi məhkəməyə göndərilib
16.11.2018
Dövlət Miqrasiya Xidmətinin fəaliyyətində yeniliklər tətbiq olunur

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10495

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info