Gənclərə bələdiyyə seçkiləri ilə bağlı təlim keçirilib
Tarix: 08.12.2014 | Saat: 21:03:00 | E-mail | Çapa göndər


Demokratik Azərbaycan Naminə gənclərin İctimai Birliyinin (DANİB) Gənclər və İdman Nazirliyinin dəstəyi ilə həyata keçirdiyi “Bələdiyyə Seçkiləri 2014 və Gənclərin Hüquqi Maarifləndirilməsi” layihəsi çərçivəsində ölkənin müxtəlif regionlarindan olan gənclərin iştirak etdiyi təlimin açılışı olub.
Toplantıda çıxış edən DANİB sədri Elməddin Behbud Azərbaycanda yerli özünüidarəetmə orqanlarına keçirilən ilk seçkidən cəmi 15 illik qısa müddətin keçdiyini və hələ də bələdiyyələrin hüquqları və seçiciləri qarşısında daşıdığı məsuliyyətlə bağlı vətəndaşlar arasında yetərincə məlumatın olmadığını deyib. Dövlət gənclər siyasətinin məqsədinin modern elmi biliklərə sahib olan milli düşüncəli gənclərin hazırlanması və onların cəmiyyətin idarəçiliyində yaxından iştirakının təmin olunması olduğunu qeyd edən Elməddin Behbud bu baxımdan bələdiyyə seçkilərində iştirakın əhəmiyyətini vurğulayıb. Təşkilat sədri Azərbaycan gəncliyinin cəmiyyət həyatının bütün sahələrində aktiv fəaliyyəti ilə seçilməsinin dövlətin əhalinin gənc təbəqəsinin inkişafı üçün yaratdığı geniş imkanlar nəticəsində mümkün olduğunu bildirib. DANİB-in müxtəlif sahələrdə gənclərin maariflənməsi və inkişafı üçün 13 ildən artıq müddətdə fəaliyyət göstərdiyini deyən E.Behbud bilavasitə bələdiyyə seçkilərinə həsr olunan 5 günlük təlimdə ölkənin Tovuz, Naxçıvan, Gəncə, Qəbələ, Zaqatala, Qazax, Şirvan, Lənkəran, Sumqayıt, Abşeron, Goranboy, Salyan və digər regionlarından olan şəxslərin iştirak etdiyini deyib. 21 yaşı tamam olan hər bir gəncin yerli özünüidarəetmə orqanlarında təmsil olunmaq üçün passiv seçki hüququndan istifadə etmək səlahiyyətində olduğunu söyləyən Elməddin Behbud təcrübə toplanması baxımından 2014-cü ilin 23 dekabrında keçiriləcək seçkilərin fürsət olduğunu deyib.
Təlimin açılış mərasimində çıxış edən Gənclər və İdman Nazirliyinin gənclər təşkilatları ilə iş sektorunun müdiri Fuad Babayev dövlət gənclər siyasətinin istiqamətləri və “Azərbaycan gəncliyi 2011-2015 – ci illərdə” Dövlət Proqramının həyata keçirilməsi sahəsində görülən işlər haqqında təlim iştirakçılarına ətraflı məlumat verib. Bələdiyyə institutunun ölkəmizdə yeni yaranan orqan olduğunu və onun fəaliyyətində gənclərin təmsilçiliyinin onların inkişafında müsbət rol oynaya biləcəyini deyən Fuad Babayev DANİB-in təşkilatçılığı ilə keçirilən təlimin önəmini qeyd edib. Azərbaycanın 23 illik müstəqillik dövründə böyük inkişaf yolu keçdiyini deyən Gənclər və İdman Nazirliyinin rəsmisi hər bir gəncin qarşısına qoyduğu məqsədlərin realizəsi üçün dövlətin yaratdığı imkanlardan doğru şəkildə istifadə etməli olduğunu bildirib.
Layihənin təlimçisi Abil Bayramov təlimin məqsədləri və proqramı haqqında iştirakçılara məlumat verərək 5 gün müddətində Azərbaycanda bələdiyyə inistitutu, qanunvericilik, yerli özünüidarəetmədə ictimai iştirakçılıq, seçki anlayışı və prinsipləri, seçkinin mərhələləri və digər mövzularda təqdimat, qrup oyunları, simusyasiya və müzakirəlrəin keçiriləcəyini deyib.
Fuad




 
Bölməyə aid digər xəbərlər
17.11.2018
Başqa ölkələrdən gələn qaçqınların sosial təminatlardan yararlanması üçün yeni mexanizm yaradılacaq
16.11.2018
“Hüquqi dövlət quruculuğunda məhkəmə-KİV münasibətlərinin inkişafı vacibdir”
16.11.2018
Azərbaycan Gənclərinin VIII Forumu keçirilib
16.11.2018
Dərman vasitələrinin qanunsuz dövriyyəsi ilə əlaqədar başlanmış cinayət işi məhkəməyə göndərilib
16.11.2018
Dövlət Miqrasiya Xidmətinin fəaliyyətində yeniliklər tətbiq olunur

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10489

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info