Asiya İnkişaf Bankı şəhərsalma proqramının təkmilləşdirilməsinə dəstək verir
Tarix: 11.12.2014 | Saat: 17:26:00 | E-mail | Çapa göndər


Əmək və Əhalinin Sosial Müdafiəsi Nazirliyində (ƏƏSMN) Asiya İnkişaf Bankının (AİB) ölkəmizdə səfərdə olan nümayəndə heyəti ilə görüş olub. Görüşdə məqsəd AİB tərəfindən Azərbaycanda Dövlət Şəhərsalmanın Qiymətləndirilməsi üzrə aparılan işlərlə bağlı məsləhətləşmələrin aparılması olub. Əmək və əhalinin sosial müdafiəsi nazirinin müavini İlqar Rəhimov Azərbaycanla AİB arasında əməkdaşlığın inkişafından söz açaraq, bu əməkdaşlığın ölkəmizdə mühüm infrastruktur layihələrinin icrasına önəmli töhfələr verdiyini vurğulayıb. İ.Rəhimov bildirib ki, AİB-in ölkəmizdə maliyyələşdirdiyi layihələr sosial infrastrukturun inkişafına, nəticə etibarilə yaşayış şəraitinin yaxşılaşdırlmasına yönəlib. Hazırda respublikada şəhərsalma proqramının təkmilləşdirilməsi yönündə AİB tərəfindən bir dəstək olaraq Dövlət Şəhərsalmanın Qiymətləndirilməsi işləri aparılır. Bu işlərdə şəhərsalmaya kompleks yanaşmanın ifadəsi olaraq, inkluzivliyin, bərabər imkanların təmin olunması prinsipinin də nəzərə alınması müsbət haldır. Qeyd olunub ki, respublikada yaşayış və xidmət infrastrukturunun əlilliyi olan şəxslərin istifadəsinə uyğunluğunun təmin olunması sahəsində müvafiq işlər görülür. Tikinti və şəhərsalma barədə qanunvericiliyin tələblərinə uyğun olaraq, yeni infrastruktur layihələrinin icrası, obyektlərin, keçidlərin inşası, ictimai nəqliyyat vasitələrinin alınması zamanı bu məsələ diqqətdə saxlanır.
AİB-in nümayəndə heyətinin üzvü Kolin Arnot ötən dövrdə AİB və Azərbaycanın birgə layihələrdə əldə etdiyi müsbət iş təcrübəsinin Dövlət Şəhərsalmanın Qiymətləndirilməsi işlərinin uğurla aparılması üçün əsas olduğunu qeyd edib. O qiymətləndirmə işlərinin şəhərsalmada bütün vacib amilləri əhatə etdiyini və aparılan məsləhətləşmələrin bu sahədə fəaliyyətin təkmilləşməsinə xidmət etdiyini vurğulayıb.
Görüşdə Azərbaycanda Dövlət Şəhərsalmanın Qiymətləndirilməsi üzrə aparılan işlərin əlilliyi olan şəxslərlə bağlı prioritetləri, şəhər infrastrukturunda belə insanların gündəlik tələbatlarının nəzərə alınması və s. məsələlər müzakirə olunub.




 
Bölməyə aid digər xəbərlər
19.11.2018
Sabirabadda məcburi köçkünlərin məskunlaşdığı qəsəbə təbii qazla təmin olunub
19.11.2018
“ABC Tədris və İnkişaf mərkəzi“ və “Ahıllara və Tənhalara Dəstək“-dən təqdirəlayiq addım
19.11.2018
Səyyar “ASAN xidmət” davam edir
16.11.2018
Sanqaçal qəsəbə sakinləri ilə növbəti səyyar görüş keçirilib
16.11.2018
Sahil Babayev Şəmkirdə 5 rayonun sakinləri ilə görüşüb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info