Qafqaz Universiteti ümummilli lideri yad etdi
Tarix: 11.12.2014 | Saat: 21:23:00 | E-mail | Çapa göndər


Qafqaz Universitetində ümummilli lider Heydər Əliyevin anım mərasimi keçirilib. Mərasimdə iştirak edən tələbə və müəllim heyəti tədbirin əvvəlində dahi şəxsiyyətin ruhunu bir dəqiqəlik sükutla yad etdilər. Mərasimi Qafqaz Universitetinin elmi işlər üzrə prorektoru, professor Niftalı Qocayev açdı. Ümummilli liderin həyat və fəaliyyətindən danışan natiq nitqini: “Tarixi şəxsiyyətlər hər zaman yetişmir. Onun hakimiyyətə gəlişi ölkəmizin ən çətin anlarında yaradanın Azərbaycana verdiyi bir hədiyyə oldu. Çünki 1990-cı illərdə torpaqlarımızın işğalı ərəfəsində Azərbaycanın yenidən ayaqda dayana biləcəyinə ümid yox idi. Ancaq bu gün bizim burada olmağımız, Azərbaycanın dünya dövlətləri ilə iqtisadi-siyasi rəqabət apara bilməsi, Heydər Əliyevin vaxtilə yeritdiyi uğurlu siyasətin nəticəsidir. Bütün bu əmanətləri öz üzərinə götürüb onun davam etdirilməsində isə möhtərəm Prezidentimiz İlham Əliyevin xidmətləri danılmazdır” sözləri ilə yekunlaşdırdı.
Tədbirdə universitetin rektoru, professor Ahmet Saniç də Heydər Əliyev haqqında səmimi fikirlərini səsləndirərək tələbələrə dahi şəxsiyyəti örnək göstərdi: “Bu günlərdə səfirlərdən biri mənə Azərbaycan haqqında bu sözləri dedi: “Biz 50 il çalışsaq da, Azərbaycanın 20 ildə gəldiyi səviyyəyə gələ bilmədik”. Bu o deməkdir ki, Azərbaycan sürətlə inkişaf edir. Bu inkişafın imzasını isə Heydər Əliyev atıb. Onun uğurlu siyasəti nəticəsində Azərbaycan bir yumruq halına gəldi və dünya miqyasında tanındı. Düşünürəm ki, bu ölkə daha da yüksələcəksə Prezident İlham Əliyevin rəhbərliyi ilə siz gənclərin sayəsində yüksələcək və sizlər də örnək olaraq bu dahi insanın həyatından qidalanmalısınız.”
Qeyd edək ki, tədbirdə Heydər Əliyevin həyatı haqqında qısa film və tələbələrin ifasında dahi şəxsiyyətə həsr olunmuş mahnılar və şeirlər səsləndirildi. Tədbirdən sonra universitetin müəllim kollektivi və tələbələri Fəxri xiyabanda ümummilli lider Heydər Əliyevin və onun xanımı Zərifə xanım Əliyevanın məzarını ziyarət ediblər.

Qorqud




 
Bölməyə aid digər xəbərlər
19.09.2018
Gəncənin Qazaxlar və Balabağman məscidləri təmir edilib
19.09.2018
Gəncədə iki yerdə qanvermə aksiyası keçiriləcək
19.09.2018
ADPU-da professor Faruk Faik Köprülünün məruzəsi dinlənilib
19.09.2018
Dövlət Əmək Müfəttişliyi Xidməti Lənkəran və Masallı rayonlarında seminar keçirib
19.09.2018
Əcnəbilərin Azərbaycana marağını necə artırmaq olar

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10122

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info