“Qərbin sanksiyaları Moskvanın mövqeyini dəyişməyib”
Tarix: 13.12.2014 | Saat: 00:28:00 | E-mail | Çapa göndər


Amerikalı ekspert Elena Ulanski:
“ABŞ və Avropa Birliyi ölkələrinə Rusiyanın Çin, Hindistan, İranla genişlənən əlaqələrini müşahidə etmək qalır”

“Die Zeit”: “Moskva Asiya-Sakit okean regionuna Rusiya ərazisi ilə tranzit edən Avropa və ABŞ hava yolları şirkətlərinə qadağa tətbiq edə bilər”

“Rusiya ABŞ və Avropa Birliyi tərəfindən tətbiq edilmiş sanksiyalara baxmayaraq, Ukrayna məsələsində öz mövqeyini dəyişmək niyyətində deyil. Buna görə də Moskva məqsədyönlü şəkildə Qərb iqtisadiyyatından asılılığı azaltmaq məqsədilə Şərqə üz tutur”.
Bunu amerikalı ekspert Elena Ulanski “The Huffington Post” nəşrində dərc etdirdiyi məqaləsində qeyd edib. Ekspert qeyd edib ki, ABŞ və Avropa Birliyi liderlərinin gözlədiklərinin əksinə olaraq, Qərbin Rusiyaya qarşı sanksiyaları Moskvanın siyasətini dəyişməyib. Ulanski qeyd edir ki, tətbiq edilmiş sanksiyaların ilkin məqsədi Rusiyanın Ukrayna məsələsində mövqeyini dəyişməyə hesablanıb: “Buna nail olmaq üçün iqtisadi sanksiyalar tətbiq edilsə də, neft məhsullarının qiymətləri məqsədli şəkildə aşağı salınsa da Amerika və Avropa liderləri istəklərinə çatmayıblar. Belə ki, Ukrayna məsəsləsində Moskvanın mövqeyində dəyişiklik müşahidə olunmur. Ukrayna ilə bağlı məsələlər əvvəlki kimi qalır. Ölkənin qərbi Avropa Birliyinə meyl etdikcə, şərqi suverenlik statusu əldə edəcəyinə ümid edir. Rusiyanın davranışı artıq gələcəkdə Qərbdən asılılığın azaldılmasına hesablanıb. ABŞ və Avropa Birliyi ölkələrinə isə Rusiyanın Çin, Hindistan, İranla genişlənən əlaqələrini müşahidə etmək qalır. Ötən həftə “Cənub axını”ndan imtina edən Rusiya Ukraynadan yan keçməklə Cənub-Şərqi Avropanı qazla təmin edəcyini bəyan edib. Pekinlə çoxmilyardlı müqavilələr bağlayan Moskva bu dəfə Hindistanla 15 nüvə enerji blokunun tikintisi üzrə də yeni müqavilə bağlayıb. Əbəs deyil ki, Vladimir Putin Asiya iqtisadiyyatının sürətlə inkişaf etdiyini nəzərə çatdıraraq, Avropada istehlakın çox zəif artdığını bildirib”. Bu arada “Die Zeit” nəşri yazır ki, Rusiya da Qərbə qarşı əlavə sanksiyalar tətəbiq etməyə hazırlaşır: “Rusiya Avropadan aldığı bəzi qida məhsullarına məhdudiyyət qoyub. Rusiya bunun ardınca Avropdan aldığı sənaye məhsullarının da idxalına məhdudiyyətlər tətbiq edə bilər. Bunlar Rusiyanın Qərbə qarşı əlavə sanksiyalar tətbiq edə biləcəyini deməyə əsas verir. Rusiyanın baş naziri Dmitriy Medvedev bəyan edib ki, ölkəsi Asiya-Sakit okean regionuna Rusiya vasitəsilə tranzit edən Avropa və ABŞ hava yolları şirkətlərinə qadağa qoya bilər. Bununla yanaşı, hakimiyyət aviasiya, gəmiqayırma, avtomobil sənayesi və digər sektorlarda da qoruyucu tədbirlər həyata keçirə bilər”.
Ağasəf Babayev




 
Bölməyə aid digər xəbərlər
17.11.2018
İN: Qondarma qurumun ABŞ ərazisində təşviqi bu ölkənin Minsk qrupunun həmsədri kimi öhdəlikləri ilə ziddiyyət təşkil edir
17.11.2018
ATƏT-in Minsk qrupu işğalçı Ermənistana təzyiq göstərmək üçün bütün alətlərdən maksimum istifadə etməlidir
17.11.2018
Ermənistan Belarus və Qazaxıstanla KTMT-də müttəfiq dövlət olmasına baxmayaraq, ciddi tərəfdaş kimi qəbul olunmur
17.11.2018
Rəsmi Bakı: Belə qərəzli addımlar Fransanın Minsk qrupunun həmsədri kimi üzərinə götürdüyü öhdəliklərlə bir araya sığmır
17.11.2018
Fransalı deputatların Saakyanla mümkün görüşü Fransanın ATƏT-in Minsk qrupunun həmsədri kimi statusuna zidd olacaq

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10493

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info