Azərbaycan multikultural mühitin kök saldığı bir ölkədir
Tarix: 17.12.2014 | Saat: 18:40:00 | E-mail | Çapa göndər


İtaliyanın “İl Giornale” xəbər portalı Azərbaycan Respublikasının millətlərarası, multikulturalizm və dini məsələlər üzrə Dövlət müşaviri, tanınmış yazıçı Kamal Abdullayevin müsahibəsini yayıb. K.Abdullayev müsahibəsində “Yarımçıq əlyazma” romanından, Azərbaycanda mövcud olan multikulturalizm ənənələrindən və digər məqamlardan danışıb. Diqqətə çatdırıb ki, bu əsərin İtaliyada çox böyük maraqla qarşılanmasının əsas səbəblərindən biri Azərbaycan və İtaliya xalqlarının qədim dövrlərdə yaşamış qəhrəmanları, mifik obrazları arasında oxşarlıqların olması ilə bağlıdır. K.Abdullayev deyib: “Bu əsərdə “Kitabi-Dədə Qorqud” eposunun əsas obrazlarının, Azərbaycan xalqının böyük hörmət və sevgi bəslədiyi qəhrəmanların həyat tərzi, ənənələri, hissləri, sevgisi, dostluğu və digər xüsusiyyətləri əks olunub. Romanda “Dədə Qorqud” hekayətlərinin ilk və yarımçıq layihəsi təqdim edilib”.
Azərbaycanın multikultural mühitin kök saldığı bir ölkə olduğunu deyən Dövlət müşaviri burada müxtəlif dinlərin nümayəndələrinin, etnik azlıqların sülh şəraitində yaşadıqlarını diqqətə çatdırıb: “Ərazilərimizin 20 faizi Ermənistan silahlı qüvvələri tərəfindən işğal olunub. Lakin bölgədə cərəyan edən bu mənfi prosesə baxmayaraq, biz multikulturalizm siyasətini həyata keçirməyə və təbliğ etməyə davam edirik. Prezident İlham Əliyevin də bəyan etdiyi kimi, müasir dünyada multikulturalizmin alternativi yoxdur”.
K.Abdullayev qeyd edib ki, Azərbaycan enerji sektorunun sürətlə inkişaf etdiyi bir ölkədir. Bununla belə, ölkəmizdə “Qara qızılın insan kapitalına çevrilməsi” istiqamətində mühüm işlər görülür. Neftdən gələn gəlirlər əhalinin rifah halının yüksəlməsinə sərf olunur: “Biz öz zənginliyimizi eyni zamanda digərlərinə kömək etmək üçün istifadə edirik. Azərbaycan tərəfindən bir sıra ölkələrdə humanitar və mədəni layihələr həyata keçirilir. Bütün bunlar bizim digər xalqlara və dinlərə necə hörmətlə yanaşdığımızı göstərir”.

Nigar




 
Bölməyə aid digər xəbərlər
19.03.2019
Məcburi köçkün qəsəbələrində Novruz şənlikləri keçirilib
19.03.2019
Qaradağda bayram münasibəti ilə aztəminatlı ailələrə yardım edilib
18.03.2019
Müharibə əlilləri və onlara bərabər tutulanlar üçün bu il əlavə 400-dən çox avtomobil alınıb veriləcək
18.03.2019
Övladlığagötürmə ilə bağlı yeni Qaydaların layihəsi hazırlanır
18.03.2019
Aprelin 1-dən yaşa görə müavinətlər 80 faizə yaxın artırılacaq

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10699

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
3 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 Yuliya Naçalova vəfat edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info