“Ölkə universitetlərinin beynəlxalq resurslara birbaşa çıxışı təmin edilməlidir”
Tarix: 18.12.2014 | Saat: 19:08:00 | E-mail | Çapa göndər


“Bu gün təhsil elmdən ayrı təsəvvür edilə bilməz. Ali məktəblərdə təhsil prosesi elmi innovasiyalar üzərində qurulmalı olduğu üçün universitetlər elm-təhsil mərkəzləri kimi çıxış etməli, elmi təşkilatlarla daha sıx əlaqəli olmalı, birgə tədqiqatlar aparmalıdır”. Bunu təhsil naziri Mikayıl Cabbarov Bakı Dövlət Universitetinin 95 illik yubileyində çıxışı zamanı deyib.
M. Cabbarov bildirib ki, beynəlxalq elmi mühitlə daim təmasda olmadan elmi tədqiqat işləri aparmaq mümkün deyil. O qeyd edib ki, elmin inkişafını təmin etmək üçün elmi nailiyyətin və alimlərin fəaliyyətlərinin obyektiv şəkildə qiymətləndirilməsi də mühüm əhəmiyyət kəsb edir. Bu gün beynəlxalq aləmdə elmi məqalələrin və alimlərin qiymətləndirilməsi üzrə müxtəlif elmi informasiya bazalarının mövcud olduğunu söyləyən M. Cabbarov əlavə edib ki, Azərbaycan universitetləri onların imkanlarından istifadə etsə, bu, təcrübəli və beynəlxalq səviyyədə mütəxəssislərin aparıcı mövqe tutmasına imkan yaradar, kadr məsələlərində mövcud subyektiv faktorların təsirinin minimuma endirilməsinə yardım edər: “Bunu nəzərə alaraq ölkə universitetlərinin beynəlxalq resurslara birbaşa çıxışı təmin edilməlidir. Təhsil Nazirliyi bu istiqamətdə addımlar atacaq. Azərbaycan dövlətinin əsas prioritetlərdən biri təhsil sferasının inkişafıdır. Müasir dünyada hər bir ölkənin tərəqqisi və gələcəyi həmin ölkədə təhsilin gələcəyi, elmi-texniki tərəqqi, təhsilə verilən önəm və təhsil sahəsində aparılan islahatlarla müəyyən olunur. Azərbaycan ali təhsil sisteminin Avropa təhsil məkanına inteqrasiyası proseslərinin sürətləndirilməsi, ölkə iqtisadiyyatının inkişaf meyllərinə uyğun, yüksək hazırlıqlı kadrlara tələbatın ödənilməsi, səmərəli ali təhsil sisteminin qurulması dövlət siyasətinin əsas prioritet sahəsidir. Ali təhsil müəssisələrində tədrisin elmi tədqiqatlarla əlaqələndirilməsi, elm və təhsilin istehsalata inteqrasiyasının gücləndirilməsi, tələbə, magistr və doktorantlarda tədqiqatçılıq və peşə fəaliyyəti üçün zəruri olan praktiki bilik, bacarıq və vərdişlərin formalaşdırılması, müvafiq ixtisas sahələri üzrə aparıcı mütəxəssislərin tədrisə cəlb edilməsi, birgə elmi tədqiqatların aparılması təhsilin keyfiyyətinin yüksəldilməsinin zəruri şərtlərdəndir”.

Nigar




 
Bölməyə aid digər xəbərlər
15.06.2019
Heydər Əliyevin hakimiyyətə qayıdışı Azərbaycanın davamlı inkişafının əsasını qoydu
15.06.2019
İyunun 15-i xalqımızın bəlalardan qurtuluşunun carçısıdır
14.06.2019
Azərbaycanın bugünkü reallıqları Heydər Əliyev siyasətinin təntənəsi, milli qurtuluşun uğurlarıdır
14.06.2019
Bakıda dəhşət: Jurnalistin qızı və arvadı özünü 10-cu mərtəbədən atdı
14.06.2019
“Carlsberg Azerbaijan” ETSN qarşılıqlı anlaşma haqqında memorandum imzaladı

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10805

1 Naxçıvanda “Cavidşünaslıq” oncildliyinin təqdimatı olub
2 Rufiz Qonaqov: Xəzəryanı ölkələrin xalqları arasında dostluq və əməkdaşlıq platformaları əhəmiyyətlidir
3 “Aa.com.tr”: “2020-ci ilə qədər Azərbaycan qazının Avropa bazarlarına çatması gözlənilir”
4 Ermənilərin təyyarəmizi vurmaq cəhdi uğursuzluqla nəticələnib - VİDEO
5 Çilidə güclü zəlzələ olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info