Almaniyalı tələbə Azərbaycan idmanı ilə bağlı təqdimat edib
Tarix: 22.12.2014 | Saat: 19:24:00 | E-mail | Çapa göndər


Türingiya Azərbaycanlı Tələbələr Assosiasiyası Almaniyanın Yena şəhərində “Azərbaycan mədəniyyət günü” adlı tədbir keçirib. Bu haqda Diasporla İş üzrə Dövlət Komitəsi məlumat yayıb.
Fridrix Şiller adına Yena universitetində təşkil olunmuş tədbirdə Türingiya vilayətinin müxtəlif universitetlərində təhsil alan alman və digər millətlərdən tələbələr, eyni zamanda yerli sakinlər iştirak edib.
Tədbirin aparıcısı Şəlalə Yusifova iştirakçıları salamladıqdan sonra Türingiya Azərbaycanlı Tələbələr Assosiasiyasının sədri Alı Adıgözəl söz alıb. Təşkilatın rəhbəri Azərbaycanın tarixi haqqında ümumi məlumat verib. O, Azərbaycanın dünyada gənc ölkə kimi tanındığını, lakin ölkəmizin tarixi dövlətçilik ənənələrinə malik olduğunu da bildirib.
Sonra təşkilat üzvlərinin Azərbaycan haqqında hazırladığı materiallar təqdimat olunub. Azərbaycanın coğrafiyası haqqında Murad Cəlalov, mədəniyyətimiz barədə Dəryən Rüstəmov və Azərbaycanın iqtisadi imkanları haqda isə Bəhlul Məhərrəmov təqdimatla çıxış edib. Tədbir iştirakçılarının daha çox diqqətini cəlb edən isə alman tələbə Pia Plappertin Azərbaycan idmanı haqqında hazırladığı təqdimat olub. Pia Plappert öz çıxışında ölkəmizi tanımağında Azərbaycanda keçirilən beynəlxalq yarışların böyük rolu olduğunu deyib. Sonra isə ölkəmizin idman ənənələri və 2015-ci ildə Bakıda keçiriləcək birinci Avropa Oyunları barədə ətraflı məlumat verib. Almaniyalı tələbə Azərbaycanı Avropada uğurlu təmsil edən “Qarabağ” futbol klubunun adını xüsusi vurğulayıb. Pia Plappert “Qarabağ” klubunun ev oyunlarını Bakıda keçirməsinə toxunaraq, bunun Qarabağın işğal altında olması ilə əlaqədar olduğunu da qeyd edib.
Azərbaycan haqqında geniş təqdimatdan sonra iştirakçılar arasında kiçik viktorina keçirilib və qaliblər Azərbaycanı əks etdirən kiçik hədiyyələrlə mükafatlandırılıb. Sonda tələbələrin ifasında Azərbaycan milli rəqsləri təqdim edilib. Alman və azərbaycanlı tələbələrin ifasında “Naz eləmə” rəqsini iştirakçılar böyük coşqu və alqışla qarşılayıb.
Tədbirin sonunda iştirakçılar Azərbaycan stendində ölkəmizi əks etdirən müxtəlif kitablar, jurnallar, fotolar və milli geyimlərlə tanış olub.

Fuad




 
Bölməyə aid digər xəbərlər
15.02.2019
Ədliyyə naziri Xaçmazda vətəndaşları qəbul edib
15.02.2019
Алексей Ретеюм: “Дизайн Баку поражает. Москве есть чему поучиться“
15.02.2019
Masallıda təqdimat: “Bizim tanıdığımız Elmira...”
15.02.2019
Masallıda “Xocalı faciəsi qan yaddaşımızdır” mövzusunda inşa müsabiqəsi keçirilib
15.02.2019
Səfir: “Azərbaycanda tolerantlığın yüksək səviyyədə olmasını bütün dünya etiraf edir”

Şərh əlavə olunmayıb

    ,    
Namiq Əliyev
Fuad HÜSEYNZADƏ
Tural Tağıyev
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10598

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
3 Prezident İlham Əliyevin Real televiziyasına müsahibəsi (Yenilənib)
4 Qabaqcıl texnologiyalar dövründə ənənəvi və internet medianın inkişafı
5 “Əsas oxucu kütləsi sayılan gənclər bu gün internet mediaya daha çox üstünlük verirlər”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info