ƏƏSMN-də ATİB və TÜSİAB-ın üzv şirkətlərinin nümayəndələri ilə görüş olub
Tarix: 25.12.2014 | Saat: 18:18:00 | E-mail | Çapa göndər


Əmək və Əhalinin Sosial Müdafiəsi Nazirliyində (ƏƏSMN) Azərbaycan Türkiyə İş Adamları Birliyi (ATİB) və Azərbaycan Türk Sənayeçi və İş Adamları Beynəlxalq Cəmiyyətinin (TÜSİAB) üzv şirkətlərinin nümayəndələri ilə görüş olub. Görüşdə Türkiyə Respublikasının Azərbaycandakı səfirliyinin əmək və sosial müdafiə məsələləri üzrə müşaviri Namık Ata da iştirak edib.
Əmək və əhalinin sosial müdafiəsi nazirinin müavini İdris İsayev Azərbaycan Prezidenti cənab İlham Əliyevin rəhbərliyi ilə ölkəmizin sosial-iqtisadi inkişaf tempinin 2014-cü ildə də uğurla davam etdiyini vurğulayıb. Nazir müavini başa çatmaqda olan bu ilin 11 ayında respublikada iqtisadi artımın 2,2 faiz, o cümlədən qeyri-neft sektorunda 6,5 faiz təşkil etdiyini, əhalinin gəlirlərinin 4,7 faiz, orta aylıq əmək haqqının 5,5 faiz artdığını diqqətə çatdırıb: “Daim Azərbaycanla Türkiyə arasında strateji əməkdaşlığa uyğun fəaliyyət göstərən ATİB və TÜSİAB ölkəmizin iqtisadiyyatına öz töhfələrini verirlər. Bu təşkilatların üzvü olan şirkətlərin xüsusən Azərbaycanın qeyri-neft sektoru üzrə fəaliyyətlərini getdikcə genişləndirmələri də təqdirəlayiqdir”.
İ.İsayev bildirib ki, ölkəmizdəki türk iş adamlarına məxsus müəssisələrdə on minlərlə işçi çalışır: “Bu görüşdə də məqsəd ölkəmizdəki türk şirkətlərini təmsil edən şəxslərə əmək qanunvericiliyinin təkmilləşdirilməsi istiqamətində aparılmış işlər, o cümlədən əmək müqaviləsi bildirişi üzrə elektron informasiya sisteminin tətbiqi barədə ətraflı məlumatların verilməsidir. Çünki təcrübə göstərir ki, işəgötürənlər tərəfindən əmək qanunvericiliyinə əməl olunması onların bu sahədə məlumatlılıq səviyyəsindən də asılıdır”. Nazir müavini cari il iyulun əvvəlindən ölkəmizdə mükəmməl proqram təminatı əsasında tətbiq olunan əmək müqaviləsi bildirişi üzrə elektron informasiya sistemi, bununla bağlı istifadəyə verilən elektron xidmətlər, qeyd olunan islahat tədbirinin əhəmiyyəti barədə dolğun məlumat verib.
N.Ata son vaxtlarda ƏƏSMN-nin öz fəaliyyətinin digər sahələrində olduğu kimi, əmək qanunvericiliyinə əməl olunmasına dövlət nəzarətinin təkmilləşdirilməsi sahəsində həyata keçirdiyi islahatların uğurlu bir təcrübə kimi diqqəti cəlb etdiyini vurğulayıb. O, türk iş adamlarına məxsus müəssisələrin nümayəndələri üçün əmək qanunvericiliyinin tətbiqi məsələləri ilə bağlı belə bir məlumatlandırma tədbirinin keçirilməsinə görə təşəkkürünü ifadə edib.
Daha sonra ƏƏSMN-nin İnformasiya texnologiyaları şöbəsinin müdiri Elnur Məcidov əmək müqaviləsi bildirişi üzrə elektron informasiya sisteminin tətbiqi proseduru haqqında tədbir iştirakçılarına praktik bilgilər verib. Görüşdə əmək münasibətlərinin elektron qeydiyyatı prosesi, işçilərin hüquqlarının təminatı, iş yerlərində bu və ya digər şəraitdə əmək münasibətlərinin hüquqi tənzimlənməsi və s. məsələlərə dair suallar ətraflı şəkildə cavablandırılıb.

İlkin




 
Bölməyə aid digər xəbərlər
22.01.2019
149 667 manat gecikdirilmiş sosial xarakterli ödənişlərin işçilərə ödənilməsi təmin edilib
21.01.2019
“Güzəştli mənzil” sistemindəki yeniliklər mayın 1-dən tətbiq ediləcək
21.01.2019
Ötən il 51 774 nəfər şəxs münasib işlərlə təmin edilib
21.01.2019
20 Yanvar əlilləri və şəhid ailələri etibarlı sosial müdafiə sistemi ilə əhatə olunublar
19.01.2019
20 Yanvar əlilləri və şəhid ailələrinə birdəfəlik maddi yardmlar verilib

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Dərslər təxirə salındı
2 “Mənim güc mənbəyim Bakıdadır”
3 Mehman Hüseynov Prezident İlham Əliyevə müraciət ünvanlayıb
4 Ahmet Gencehan Babiş: “Türkiyənin Azərbaycanın razı olmayacağı bir işdə olması mümkün deyil”
5 Azərbaycanın Birinci vitse-prezidenti Mehriban Əliyeva Nikola Sarkozi ilə görüşüb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info