“ABŞ “insan hüquqlarının müdafiəçisi” adı altında digər ölkələrin suverenliyinə müdaxilə edir”
Tarix: 26.12.2014 | Saat: 00:08:00 | E-mail | Çapa göndər


Rəsmi Pekin ABŞ-ı öz ölkəsində insan hüquqlarına hörmətlə yanaşmağa çağırıb
Yanılmıramsa, Aristotelin fikridir, deyir: «Hökm etməyi əvvəl öz evində öyrən». Bütün dünyada guya demokratiya davası aparan ABŞ ikili standartlarını və dünyaya yalnız öz prizmasından yanaşmasını hələ də davam etdirir.
«RİA Novosti» yazır ki, Çinin Xarici İşlər Nazirliyi Amerika Birləşmiş Ştatlarını xarici dövlətlərin daxili işlərinə müdaxilədən çəkinərək, öz ölkəsində insan hüquqlarının pozulması məsələlərini həll etməyə çağırış edib: “Çin hüquqi dövlətdir. Biz bütün prosesləri qanun əsasında həyata keçiririk. Ona görə də, biz, ABŞ dövlətini öz ölkəsindəki insan hüquqlarına hörmətlə yanaşmağa, “insan hüquqlarının müdafiəçisi” adı altında digər ölkələrin suverenlik və müstəqilliyinə müdaxilə etməkdən çəkinməyə çağırırıq”. Bu fikirləri Çinin Xarici İşlər Nazirliyini səlahiyyətli nümayəndəsi Xua Çunin, ABŞ dövlət katibi Con Kerrinin bəyanatını şərh edərkən bildirib. Qeyd edək ki, «Sputnik» agentliyinin verdiyi məlumata görə, ABŞ dövlət katibi Con Kerri Çin hökumətini siyasi məhbus, Nobel Sülh Mükafatı laureatı Lyu Syaoboanı həbsdən, onun həyat yoldaşı Lyu Syanı isə ev dustaqlığından azad etməyə çağırıb. Bundan başqa, Kerri ölkədəki digər siyasi məhbusların «insan hüquqları üzrə götürdüyü beynəlxalq öhdəliklərə əsasən, onların qorunması və azadlıq təminatları»nın təmin edilməsini Çin dövlətindən tələb edib.
Yeri gəlmişkən, «Bu yaxınlarda terrorizmdə şübhəli bilinən məhbuslara qarşı həyata keçirilən işgəncələrlə bağlı hesabat dərc edilmişdi. Lakin «yumşaq güc» hesabına bu hesabatın tam mətni hələ də cəmiyyətdən gizlədilir» - yazan Çin qəzeti «Global Times» əlavə edir: «Maraqlısı budur ki, bütün bunlara baxmayaraq, ABŞ-ın beynəlxalq imici heç bir zərər çəkmədi».
Nəşr BMT-nin xüsusi məruzəçisi Ben Emmersonun insan hüquqları məsələsi ilə bağlı ABŞ rəsmilərinin təqibini də sadəlövh çağırış adlandırır: «Məhbuslara verilən işgəncə hallarına ABŞ tarixində həmişə meydan verilib və bu, 11 sentyabr hadisələrindən sonra daha da stabil hal alıb. Bununla belə, işgəncə təşkilatçıları müstəsna hallarda məhkəmə qarşısına çıxarılsalar da, ümumilikdə, təəccüblü də olsa, Amerika cəmiyyəti bunlara öz narazılıqlarını nümayiş etdirmir. Bunları da «Global Times» qəzeti yazır.
Ağasəf BABAYEV




 
Bölməyə aid digər xəbərlər
21.09.2018
Türkiyə İdlibdəki hərbi qüvvələrinin sayını artıracaq
21.09.2018
Vyetnam Prezidentinin ölüm səbəbi açıqlanıb
21.09.2018
Hindistan İran neftini rupi ilə alacaq
21.09.2018
ABŞ-ın Merilend ştatında silahlı insident nəticəsində azı üç nəfər ölüb
20.09.2018
ABŞ-ın Merilend ştatında silahlı insident baş verib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10128

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info