ÜAK Dünya Azərbaycanlılarının Həmrəyliyi Gününü qeyd edib
Tarix: 26.12.2014 | Saat: 20:26:00 | E-mail | Çapa göndər


“Azərbaycan ilə Rusiya arasındakı münasibətlər inkişaf edir və bu gün yüksək səviyyədədir. Azərbaycan müstəqil dövlət kimi Rusiyanı dəstəkləyir. Azərbaycan ilə Rusiya arasında kənd təsərrüfatı və digər məhsulların göndərilməsi haqqında yeni müqavilələr imzalanıb. Rusiyanın demək olar bütün nazirləri bu ilin sentyabr-oktyabr aylarında Azərbaycanda rəsmi səfərdə olublar. Bu da münasibətlərimizin yüksək səviyyədə olduğunu təsdiq edir. Bu gün Rusiya çətin günlər yaşayır. Rusiya vətəndaşı olan azərbaycanlılar öz dövlətini dəstəkləməli, eyni zamanda öz Vətənini - Azərbaycanı unutmamalıdır”. Bu sözləri Azərbaycanın Rusiyadakı səfiri Polad Bülbüloğlu Dünya Azərbaycanlılarının Həmrəyliyi Gününə və Yeni ilə həsr olunmuş təntənəli tədbirdə səsləndirib. Səfir Ümumrusiya Azərbaycanlılar Konqresinin təşkil etdiyi tədbirdə ölkələrimiz arasındakı mehriban qonşuluq əlaqələrinin davam etdirilməsinin əhəmiyyətini vurğulayıb. Diplomat Azərbaycan Prezidenti İlham Əliyevi doğum günü münasibətilə Rusiyada yaşayan bütün azərbaycanlılar adından təbrik edib.
Ümumrusiya Azərbaycanlılar Konqresinin prezidenti Məmməd Əliyev Rusiya və bütün dünya azərbaycanlılarını Həmrəylik Günü və qarşıdan gələn Yeni il münasibətilə ürəkdən təbrik edib. O bildirib ki, azərbaycanlılar lap qədimdən bütün çətinliklərin öhdəsindən ruslarla çiyin-çiyinə gəliblər. M.Əliyev deyib: “Biz mürəkkəb dövrdə yaşayırıq. Bizim vəzifəmiz - ən yaxşı xüsusiyyətlərimizi göstərmək və qardaş xalq ilə birlikdə bu vəziyyətdən çıxmaqdır”. ÜAK-ın prezidenti vurğulayıb ki, elə həmin gün konqresin mərkəzi şurasının iclası keçirilib. İclasda 2014-cü ilə yekun vurulub və 2015-ci il üçün plan müəyyən olunub. Məmməd Əliyev Azərbaycan Prezidenti İlham Əliyevi doğum günü münasibətilə təbrik edib.
ÜAK-ın icraçı direktoru İlqar Hacıyev Ümumrusiya Azərbaycanlılar Konqresinin fəallarına medal və diplomlar təqdim edib. Sahibkar İlqar Hacıyev, ÜAK-ın Şimali Qafqaz dairəsi üzrə dairə şurasının sədri Nəsrəddin Ocaqverdiyev, ÜAK-ın Ryazan vilayətindəki nümayəndəsi Mehman Ağarzayev geniş ictimai fəaliyyətə görə medallar, ÜAK Mərkəzi Şurasının üzvü Əliyar Dəmirov, ÜAK-ın Çuvaşiya Respublikasındakı regional bölməsinin rəhbəri Əziz Bədirov və başqaları fəxri diplomlar ilə mükafatlandırılıblar.
Tədbir rəngarəng konsert proqramı ilə davam edib. Konsertdə Azərbaycanın Xalq Artisti Samir Cəfərov, Əməkdar Artist Sərxan Sərxan, P.İ.Çaykovski adına Moskva Dövlət Konservatoriyasının aspirantı Riad Məmmədov, klarnet ustası, beynəlxalq müsabiqələr laureatı, Perm Opera və Balet Teatrının dirijoru Georgi Mənsurov və başqaları iştirak ediblər.

Nigar Abdullayeva




 
Bölməyə aid digər xəbərlər
19.02.2019
“EcoArt” layihəsi başa çatıb
19.02.2019
Peşə hazırlığı kurslarının Almaniya təcrübəsinə uyğun təşkili məsələləri müzakirə olunub
19.02.2019
Şəhidlik ölməzlikdir
19.02.2019
“Sistemli Satış üçün CRM“ mövzusunda təlim keçiriləcək
19.02.2019
“Keyfiyyətli təhsil-səriştəli müəllim kompetensiyaları” mövzusunda ödənişsiz təlim keçirilib

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10602

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info