“Azərbaycan dünya sivilizasiyası tarixində xüsusi rol oynayır”
Tarix: 13.01.2015 | Saat: 17:45:00 | E-mail | Çapa göndər


“Azərbaycan yalnız zəngin tarixi ilə deyil, eyni zamanda, sürətli inkişafı ilə bizi heyran etdi”.
Bu sözləri “AzərTAc”ın Yaponiyadakı xüsusi müxbirinə müsahibəsində Çiba Ticarət Universitetinin rektoru, professor Haruo Şimada deyib. Ötən ilin iyulunda bir qrup yapon iş adamı ilə Azərbaycana səfəri barədə məlumat verən H.Şimada qeyd edib ki, nümayəndə heyətinin tərkibinə daxil olan 14 nəfər gənc biznesmen gələcəkdə Yaponiyada biznes mühitinin formalaşmasında mühüm rol oynayacaq şəxslərdir.
Rəhbərlik etdiyi “Şimada klubu” haqqında məlumat verən professor qeyd edib ki, klubun əsas vəzifəsi dünya ölkələrinin mədəniyyətinin, iqtisadiyyatının və digər özünəməxsus xüsusiyyətlərinin öyrənilməsidir. Azərbaycanın zəngin tarixə, mühüm geostrateji mövqeyə malik olduğunu və hazırda dinamik inkişafa etdiyini vurğulayan H.Şimada məhz bu cəhətləri ilə ölkəmizin klub üzvlərinin diqqətini cəlb etdiyini bildirib. Azərbaycanın tarix boyu məruz qaldığı istilalar nəticəsində xalqımızın çox əzablı yol keçdiyini qeyd edən professor məhz müstəqilliyi bərpa etdikdən sonra ölkəmizin necə irəlilədiyini görmək marağında olduqlarını söyləyib. Səfərin yüksək səviyyədə təşkilinə görə Azərbaycanın Yaponiyadakı səfirliyinə minnətdarlığını bildirən H.Şimada ölkəmizin həm mədəni inkişafı, həm zəngin mətbəxi, həm də insanların səmimi qonaqpərvərliyi ilə onlarda xoş təəssüratlar yaratdığını deyib: “Azərbaycanın zəngin potensialını öyrənmək marağı məhz bizi bu ölkəyə səfərə təhrik etdi”.
Azərbaycana səfər ərəfəsində ölkəmiz haqda 10-a yaxın kitab oxuduğunu diqqətə çatdıran professor bildirib ki, əldə etdiyi məlumatlar ölkəmizin zəngin tarixə malik olduğunu təsdiqləyir. XX əsrin sonlarında süni şəkildə yaradılmış Ermənistan-Azərbaycan, Dağlıq Qarabağ münaqişəsinə toxunan H.Şimada bu ərazinin qədim Azərbaycan torpağı olduğunu, ermənilərin sonradan bu əraziyə köçürüldüyünü vurğulayıb.
Azərbaycan xalqının gələcəyə böyük inamla baxdığını qeyd edən professor bunun yapon iş adamlarına çox xoş təsir bağışladığını bildirib: “Azərbaycan xalqı ona məxsus olan milli qürur hissini itirməyib və bu, mənim fikrimcə hər bir millətin inkişafı üçün ən önəmli amillərdən biridir. Azərbaycan dünya sivilizasiyası tarixində xüsusi rol oynamaqla yanaşı, bu gün də görünməmiş sürətlə inkişaf edir. Bizimlə birlikdə 10 il bundan əvvəl Azərbaycanda olmuş bir yapon iş adamı da getmişdi. O deyirdi ki, indiki Bakı ilə 10 il bundan əvvəlki şəhər arasında inanılmaz fərqlər var. Bu fərqlər insanı heyrətə gətirir. Mənə isə Bakı daha çox Parisi xatırlatdı”.
Professor qeyd edib ki, Azərbaycanda onları heyran edən cəhətlərdən biri də qarşılaşdıqları insanların ingilis dilində çox sərbəst danışmasıdır. O, bunun çox təəccüb doğurduğunu bildirib: “Azərbaycanda dövlət dili Azərbaycan dilidir və uzun müddət Rusiya ilə əlaqələriniz olduğuna görə, burada insanlar həmin dildə çox sərbəst danışırlar. Lakin bizi ən çox heyrətləndirən qarşılaşdığımız insanların həm də ingilis dilində rahat danışmaları oldu. Təəssüf ki, Yaponiyada belə hallarla rastlaşmaq mümkün deyil. Bizim ABŞ-ın ən böyük müttəfiqlərindən biri olmağımıza baxmayaraq, heç də rəhbər vəzifə tutan insanlar öz fikirlərini sizdəki kimi ingilis dilində sərbəst ifadə edə bilmirlər. Bizim iş adamları sizin bu təcrübədən faydalanmalıdırlar”.
Azərbaycanda sürətli inkişafın şahidi olduğunu qeyd edən H.Şimada ölkə rəhbərliyinin karbohidrogen ehtiyatlarının mənimsənilməsindən əldə edilən gəliri ölkə iqtisadiyyatının şaxələndirilməsinə yönəltməsini çox yüksək qiymətləndirib: ”Çox yaxşı haldır ki, Azərbaycan rəhbərliyi neft yataqlarının əbədi olmadığını anlayaraq, ölkə iqtisadiyyatında digər sahələrin – sənaye, kənd təsərrüfatı, turizm, kosmik tədqiqatlar, alternativ və bərpa olunan enerji mənbələrinin inkişafına xüsusi diqqət yetirir. Yeri gəlmişkən mən yapon milli mətbəxinin UNESCO-nun qeyri-maddi mədəni irsi siyahısına daxil edilməsində göstərdiyi dəstəyə görə Azərbaycan rəhbərliyinə minnətdarlığımı bildirmək istəyirəm. Bu Yaponiyada kənd təsərrüfatının, balıqçılığın inkişafına mühüm töhfələr verəcək”.
Azərbaycanın perspektivlərinə inandığını vurğulayan professor xalqımızın daha böyük uğurlara imza atacağına əmin olduğunu bildirib.




 
Bölməyə aid digər xəbərlər
25.09.2018
Müdafiə Sənayesi Nazirliyi ilə “ASELSAN” şirkəti arasında memorandum imzalanıb
25.09.2018
“Şahdağ” rusiyalı turistlər üçün ən yaxşı dağ-xizək kurortlarının ilk üçlüyünə daxil edilib
25.09.2018
“Bakcell“dən maraqlı aksiya və onlayn müsabiqə: DaimOnline
25.09.2018
AQTA-nın vətəndaşlara müraciəti
25.09.2018
Mübariz Qurbanlı Mingəçevirdə vətəndaşların müraciətlərini dinləyib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10144

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 Qalust Qriqoryan: “İsrailin müdafiə nazirinin Bakı səfəri Ermənistana xüsusi mesajdır ”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info