Dünya Bankı Azərbaycanda iqtisadi artım proqnozunu yaxşılaşdırıb
Tarix: 14.01.2015 | Saat: 17:58:00 | E-mail | Çapa göndər


Dünya Bankı (DB) 2015-ci il üzrə Azərbaycan iqtisadiyyatının artım proqnozunu yaxşılaşdırıb. “Trend” xəbər verir ki, bu barədə "Global Economic Prospects" bankının öz saytında yerləşdirdiyi yanvar hesabatında deyilir.
Yenilənmiş hesabatdakı məlumata görə, cari ildə Azərbaycanda ÜDM artımı 4,4 faiz səviyyəsində gözlənilir. Bundan əvvəl bank bu il ölkənin iqtisadi artımını 4,1 faiz səviyyəsində proqnozlaşdırırdı.
Hesabatda deyilir ki, DB 2016-cı ildə Azərbaycanda iqtisadi artımın 4,1 faiz, 2017-ci ildə isə 3,8 faiz səviyyəsində olacağını gözləyir.
Bankın qiymətləndirmələrinə görə, bununla yanaşı, Avropa və Mərkəzi Asiya ölkələrində (DB-nin Azərbaycanı da aid etdiyi) iqtisadi artım 2015-ci ildə 3 faiz, 2016-2017-ci illərdə 3,8 faiz təşkil edəcək.
Həmçinin, 2015-ci ildə Belarusda ÜDM-də artım 1,8 faiz (2016-2017-ci illərdə 2 faiz), Ermənistanda - 3,3, Qazaxıstanda – 1,8, Gürcüstanda – beş, Qırğızıstanda – iki, Rumıniyada – 2,9, Macarıstanda – iki, Tacikistanda – 4,2, Türkiyədə – 3,5, Estoniyada - iki, Litva və Polşa - 3,2 faiz səviyyəsində proqnozlaşdırılır. Rusiyada, Ukraynada və Serbiyada ÜDM-in həcminin müvafiq olaraq 2,9; 2,3 və 0,5 faiz azalacağı gözlənilir.
Hesabatda qeyd edilir ki, Rusiyanın və Ukraynanın münasibətlərindəki gərginlik, bu gərginliyin doğurduğu iqtisadi sanksiyalar, Avropa zonasında uzunmüddətli durğunluğun baş verməsi ehtimalı, həmçinin xammal qiymətlərinin düşməsi region üçün əsas risk amili olaraq qalır.
Hesabatda deyilir ki, uzunmüddətli artıma struktur amillər, həmçinin zəif biznes mühiti və institutlar, region ölkələrinin bank sisteminin zəifliyi mane olur.
Bank bildirir ki, 2014-cü ildə Azərbaycanın tədiyyə balansında müsbət saldo ÜDM-də 12,6 faiz təşkil edib. 2015-ci ildə isə bu göstərici ÜDM-in 9,8 faiz, 2016-cı ildə 8,1 faiz, 2017-ci ildə 5,3 faizi səviyyəsində olacaq.
Bankın analitikləri qeyd edirlər ki, bazar iqtisadiyyatına ağrılı keçid və keçən əsrin 1990-cı illərinin birinci yarısında regional siyasi münaqişələr Ermənistan, Azərbaycan, Gürcüstan, Qırğızıstan, Moldova kimi bir sıra ölkələrdə iqtisadi artımın kəskin şəkildə aşağı düşməsinə gətirib çıxardı. Nəticə etibarilə, bu ölkələrdən çoxunda hər nəfərə real gəlirlər ən aşağı səviyyəyə qədər düşdü.
Hesabatda deyilir ki, ancaq sonralar gəlirlərin artması Rusiyada və Avropada (Ermənistan, Qırğızıstan və Moldova) qazanc imkanları tapan miqrantların pul köçürmələrinin və (Azərbaycanın) energetika sektorunun yenidən qurulmasına imkan yaradan birbaşa xarici investisiyaların hesabına bərpa olundu. Qırğızıstandan başqa, hər nəfərə düşən gəlirlər 2005-ci ildə orta səviyyəyə qayıtdı.




 
Bölməyə aid digər xəbərlər
23.08.2019
Azərbaycanın xarici dövlət borcu açıqlanıb
23.08.2019
KOB-lar “Kapital bazarları vasitəsilə maliyyələşdirmə” mövzusunda maarifləndirilib
23.08.2019
Biznesə başlama üzrə İcra və Kommunikasiya Planı müzakirə olunub
23.08.2019
“Azeri Light”ın bir barreli 63,12 dollara satılır
22.08.2019
Azərbaycanlı gənc BMT sammitində iştirak üçün `“Yaşıl bilet“ qazanıb

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10870

1 Bakıdan avtobusla Naxçıvana gedənlərə şad xəbər
2 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
3 “Stokholmda Rəssamlıq qalereyası açmaq planım var”
4 Prezident Kitabxanasında İrəvan xanları nəslinin nümayəndəsi Əmir Əli Sərdari İrəvani ilə görüş olub
5 Los Anceles sinaqoqunda Azərbaycanın tolerantlığına dair təqdimat keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info