Açıq Hökumət Məlumatları portalının təqdimatı olub
Tarix: 14.01.2015 | Saat: 22:23:00 | E-mail | Çapa göndər


Rabitə və Yüksək Texnologiyalar Nazirliyi (RYTN) “www.data.gov.az” - Açıq Hökumət Məlumatları portalını təqdim edib. Rabitə və yüksək texnologiyalar nazirinin müavini Elmir Vəlizadə açıq məlumatların “Elektron hökumət” quruculuğunda yeni bir inkişaf mərhələsi olduğunu bildirib.
Qeyd olunub ki, “www.data.gov.az” portalı vasitəsilə vətəndaşlar və biznes strukturları dövlət orqanları tərəfindən yaradılan və açıq elan edilən məlumat bazalarını asanlıqla tapa, fərdi yönümlü xidmətlərin hazırlanması üçün istifadə edə biləcəklər. Elektron Hökumət Portalının tərkib hissəsi olmaqla “www.data.gov.az” portalı dövlət orqanlarının məlumatlar toplusunu, o cümlədən məlumatlar toplusuna və əlavə vasitələrə giriş tapmaq üçün informasiyanı özündə əks etdirir. Mövcud qanunvericiliyə uyğun olaraq təqdim olunan açıq məlumatlar müntəzəm olaraq yenilənəcək və təkmilləşdiriləcək. “www.data.gov.az” portalının əsas məqsədi məlumatların istifadəsi və onların əsasında veb və mobil əlavələrin yaradılması vasitəsilə cəmiyyətə dövlətin idarə edilməsində iştirak etmək imkanının yaradılmasıdır. Eyni zamanda açıq dövlət məlumatlarına rahat giriş imkanı, əlavə dəyərin yaradılması, innovativ ideyaların rəğbətləndirməsi, təhlil və tədqiqatların asanlaşdırılması, hökumət işinin şəffaflığı və dövlət orqanlarının effektivliyinin, səmərəliliyinin artırılması və s. nəzərdə tutulur. İstifadəçilərin rəyi nəzərə alınmaqla “www.data.gov.az” portalın daim təkmilləşdiriləcək. Bunun üçün "Elektron hökumət” portalında yaradılmış "Əks əlaqə”, "E-gov Fikr bankı” bölmələrindən istifadə olunacaq. RYTN-in Məlumat Hesablama Mərkəzinin direktoru Mail Mərdanov "E-government 3.0 - Açıq hökumət, açıq məlumatlar, açıq servislər” mövzusunda təqdimatla çıxış edib. Qeyd olunub ki, 2014-cü il “Elektron hökumət” quruculuğu istiqamətində səmərəli olub. İl ərzində bu sahənin inkişafı ilə əlaqədar bir sıra işlər görülüb və əhəmiyyətli layihələr həyata keçirilib. Hazırda “E-hökumət” infrastrukturu “Açıq hökumət məlumatları” mərhələsindədir. Bu “E-hökumət” quruculuğu üzrə beynəlxalq informasiya-kommunikasiya texnologiyaları (İKT) sahələrinin praktikadan keçirdiyi yeni mərhələdir. Tədbirdə Məlumat Hesablama Mərkəzi tərəfindən “data.gov.az” portalının Açıq Məlumatlarından istifadə etməklə "Bax, istifadə et və yarat" adlı mobil əlavələrin hazırlanması müsabiqəsi elan olunub. Aprelin 15-dək davam edəcək müsabiqə İKT mütəxəssisləri, “start-up”çılar, tələbələr və s. üçün nəzərdə tutulub. Bu yarışmaya qatılmaq üçün Açıq Məlumatlardan istifadə edərək ictimai əhəmiyyətli mobil proqramlar təqdim olunmalıdır.
Nigar




 
Bölməyə aid digər xəbərlər
22.07.2019
144 il ərzində Azərbaycan milli mətbuatı zəngin və mənalı bir inkişaf yolu keçib
22.07.2019
Ermənistan silahlı qüvvələri atəşkəs rejimini pozmaqda davam edir
19.07.2019
“Şəhərdən Kəndə” aqroekoturizm layihəsinin icrasına başlanılıb
19.07.2019
Milli Mətbuatın 144 illiyi ərəfəsində Nəsimi rayonunda jurnalistlərlə görüş keçirilib
19.07.2019
Naxçıvanda 535 milyon 770 min manatdan çox tikinti-quraşdırma işləri görülüb

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10835

1 “4-cü qrupa hazırlaşan hər bir abituriyentin arzusu həkim olmaqdır”
2 Pirdovus Abakarova: “İmtahan suallarının asan və ya çətin olması abituriyentin hazırlıq səviyyəsindən asılıdır”
3 ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
4 Dünya brendi olmağı hədəfləyən azərbaycanlı gənc
5 “Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info