Ermənilərin azərbaycanlılara qarşı soyqırımları ilə bağlı silsilə məqalələr hazırlanacaq
Tarix: 14.01.2015 | Saat: 23:44:00 | E-mail | Çapa göndər


Azərbaycan Milli Elmlər Akademiyasının (AMEA) Tarix İnstitutunda elmi şuranın növbəti iclası keçirilib. İnstitutdan bildiriblər ki, bu elm müəssisəsinin direktoru, AMEA-nın müxbir üzvü Yaqub Mahmudovun rəhbərliyi ilə keçirilən iclas institutda nəşr edilən elmi əsərlərin təbliğinin daha da genişləndirilməsinə həsr olunub.
Y.Mahmudov institutun nəşr olunan əsərlərinin təbliği işinin daha da genişləndirilməsinin müasir dövrdə olduqca mühüm əhəmiyyət daşıdığını xüsusi qeyd edib. O, Prezident İlham Əliyevin Azərbaycan tarixinə dair araşdırmaların daha da dərinləşdirilməsini, xüsusilə soyqırımlarına dair tədqiqatların genişləndirilməsini diqqət mərkəzində saxladığını vurğulayıb. Bildirilib ki, ölkə başçısı 1918-1920-ci illərdə azərbaycanlılara qarşı soyqırımı cinayətlərini araşdırmaq üçün xüsusi Tədqiqat Komissiyası yaradılması barədə göstəriş verib. Həmin komissiyaya AMEA-nın prezidenti, akademik Akif Əlizadə rəhbərlik edir. Ermənilərin özlərinin qondarma soyqırımının 100 illiyi ilə bağlı geniş təbliğat kampaniyası apardıqları hazırkı dövrdə institutda 1918-1920-ci illərdə azərbaycanlılara qarşı soyqırımı cinayətlərinin tədqiqi sahəsində mühüm uğurlar qazanılıb. Alimlərimiz son illər “Real tarix və böyük Ermənistan uydurması” (Bakı, 2014) , “Qenosid azerbaydjanskoqo naroda 1918 qoda: orqanizatorı i palaçi” (Baku, 2013), “1918-1920-ci illərdə Şərqi Anadolu, Naxçıvan və İrəvan bölgəsində ermənilərin türk-müsəlman əhaliyə qarşı törətdikləri soyqırımı” (Bakı, 2014), “İrəvan quberniyasında Azərbaycanlıların soyqırımı (1918-1920)” (Bakı, 2014), “Qenosid azerbaydjantsev v Karabaxskom regione Azerbaidjana (1918-1920)” (Baku, 2014), “Bakıda 1918-ci il mart soyqırımı” (Bakı, 2014”, “Qenosid azerbaydjansev v İrevanskoy qubernii (1918-1920)” (Baku, 2014), “Şamaxı qəzasında Azərbaycan xalqına qarşı soyqırımı” (Bakı, 2014), “Quba qəzasında türk-müsəlman soyqırımı” (Bakı, 2014), “Zəngəzurda Azərbaycan xalqına qarşı soyqırımı (1918-1920)” (Bakı, 2014) və digər mühüm elmi araşdırmalar nəşr edilib. İnstitutda başa çatdırılmış bütün bu tədqiqatların ölkəmizdə və xaricdə daha geniş təbliğ olunmasına böyük ehtiyac var.
İclasda institutun genişləndirilmiş elmi şurasında 1918-1920-ci illərdə ermənilərin azərbaycanlılara qarşı həyata keçirdiyi soyqırımları ilə bağlı nəşr olunmuş kitabların təqdimatının keçirilməsi, ermənilərin Azərbaycanın ayrı-ayrı bölgələrində törətdikləri soyqırımları ilə əlaqədar institutda aparılan tədqiqatların nəticələri barədə silsilə məqalələrin hazırlanaraq kütləvi informasiya vasitələrinə göndərilməsi, internet saytlarında yerləşdirilməsi və digər qərarlar qəbul edilib. Tarix elmləri doktoru, professor Şahin Fərzəliyevin dilimizə çevirdiyi və institut tərəfindən iki kitab şəklində nəşr olunan, İsgəndər bəy Münşinin “Dünyanı bəzəyən Abbasın tarixi” əsərinin təqdimatının keçirilməsi də qərara alınıb.




 
Bölməyə aid digər xəbərlər
13.11.2018
“Ölkəmizdə elə bir sahə yoxdur ki, orada qadınlar təmsil olunmasınlar”
13.11.2018
Marko Alvera: TAP-ın inşası 2020-ci ildə başa çatacaq
13.11.2018
Tereza Mey: “Brexit” müzakirələri son mərhələyə çatıb
10.11.2018
ABŞ İrana qarşı hərbi əməliyyat planlaşdırmır
09.11.2018
Ermənistanın KTMT-dəki nümayəndəsinin geri çağırılması təbiidir, çünki rəsmi Yerevan yanlış siyasət yürüdür

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10462

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitetlərdə rəhbər şəxslərin qapıları tələbələr üçün daim açıq olur”
4 Polşalı şagirdlər Azərbaycan nağıllarına illüsturasiyalar çəkiblər
5 “2019-cu ildə əmək haqları və pensiyalar artacaq”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info