20 Yanvar əlillərinə və 20 Yanvar şəhidlərinin ailələrinə birdəfəlik maddi yardım ayrılıb
Tarix: 15.01.2015 | Saat: 21:22:00 | E-mail | Çapa göndər


“Bu təbəqədən olan insanların dövlət büdcəsi hesabına mənzil və minik avtomobilləri ilə təminatı da diqqətdə saxlanılır ƏƏSMN-də 20 Yanvar şəhidlərinin anım tədbiri keçirilib

Əmək və Əhalinin Sosial Müdafiəsi Nazirliyində (ƏƏSMN) 20 Yanvar şəhidlərinin anım tədbiri keçirilib. Tədbir 20 Yanvar faciəsi şəhidlərinin xatirəsinin bir dəqiqəlik sükutla yad edilməsi və Azərbaycan Respublikasının dövlət himninin səslənməsi ilə başlayıb.
Əmək və əhalinin sosial müdafiəsi naziri Səlim Müslümov 1990-cı il yanvarın 19-dan 20-nə keçən gecə sovet hərbi birləşmələrinin Azərbaycan xalqına qarşı həyata keçirdiyi qətliamın insanlığa qarşı törədilmiş ən ağır cinayətlərdən biri olduğunu vurğulayıb. Nazir bildirib ki, bununla belə, həmin günlərdə xalqımız müstəqillik iradəsinin sarsılmazlığını dünyaya nümayiş etdirdi: “Faciədən bir gün sonra ümummilli lider Heydər Əliyevin cənab İlham Əliyevlə birgə Azərbaycanın Moskvadakı daimi nümayəndəliyinə gələrək SSRİ rəhbərliyinin Azərbaycana qarşı həyata keçirdiyi bu qanlı aksiyanı kəskin şəkildə pisləyən bəyanatla çıxış etməsi təkrarsız mərdlik və cəsarət, xalqa bağlılıq nümunəsi idi”.
S.Müslümov 20 Yanvar faciəsinə siyasi-hüquqi qiymət verilməsi, faciədə şəhid olanların ailə üzvlərinin və faciədə əlil olanların sosial müdafiəsi işlərinə ulu öndərimiz Heydər Əliyev tərəfindən başlanıldığını, Prezident İlham Əliyevin həmin insanlara daim yüksək diqqət və qayğı göstərdiyini bildirib: “Azərbaycan Prezidentinin 2006-cı il 19 yanvar tarixli fərmanı ilə 20 Yanvar şəhidi fəxri adı almış insanların ailə üzvlərinə ayda 300 manat, 19 yanvar 2011-ci il tarixli fərmanla isə 20 Yanvar əlillərinə - I qrup əlillərə 150 manat, II qrup əlillərə 130 manat, III qrup əlillərə 100 manat olmaqla aylıq Prezident təqaüdü verilir. Bununla yanaşı, əmək pensiyası təyin edilmiş şəhid ailəsi üzvünün hər birinə yaşa görə əmək pensiyasının baza hissəsinin 85 faizi məbləğində, yəni 85 manat əlavə hesablanır. 20 Yanvar şəhidlərinin əmək pensiyası almaq hüququ olmayan ailə üzvlərinə kommunal, nəqliyyat və digər xidmətlərə görə, habelə 20 Yanvar əlillərinin 16 yaşınadək (ümumtəhsil müəssisələrində əyani təhsil alanlar 18 yaşınadək) uşaqlarının hər birinə aylıq sosial müavinətlər ödənilir”.
Nazir qeyd edib ki, dövlət başçısının 18 mart 2014-cü il tarixli sərəncamına əsasən isə digər müvafiq kateqoriyalardan olanlar kimi, 20 Yanvar əlilləri və şəhidlərinin də respublikanın ali və orta ixtisas təhsil müəssisələrində ödənişli təhsil alan uşaqları təhsil haqqından azad ediliblər. “Bu təbəqədən olan insanların dövlət büdcəsi hesabına mənzil və minik avtomobilləri ilə təminatı da diqqətdə saxlanılır. ƏƏSMN tərəfindən indiyədək 53 nəfər 20 Yanvar əlili və 20 Yanvar şəhidinin ailəsi mənzillə, 78 nəfər 20 Yanvar əlili minik avtomobili ilə təmin edilib. Nazirlik tərəfindən əlilliyi olan şəxslərin cəmiyyətə inteqrasiyası məqsədilə keçirilən tədbirlərdə 20 Yanvar əlilləri də mütəmadi olaraq əhatə olunur. Onların bərpa-müalicəsi, sosial-məişət problemlərinin həlli, asudə vaxtlarının təşkili və s. istiqamətlərdə də müvafiq işlər aparılır”. S.Müslümov nazirlik tərəfindən 20 Yanvar faciəsinin 25-ci ildönümü ilə əlaqədar 112 şəhid ailəsinin və 316 nəfər 20 Yanvar əlilinin hər birinə 50 manat məbləğində birdəfəlik maddi yardım göstərilməsi üçün vəsait ayrıldığını da diqqətə çatdırıb.
Tədbir 1990-cı ilin 20 Yanvar faciəsinə, bu faciə zamanı zamanı şəhid olmuş həmvətənlərimizin xatirəsinə həsr olunmuş bədii kompozisiya ilə davam edib.


İlkin




 
Bölməyə aid digər xəbərlər
18.09.2018
Bu il Azərbaycana 193 ölkədən 1,9 milyon əcnəbi və vətəndaşlığı olmayan şəxs gəlib
18.09.2018
Ağsuda dini ayinlərin qanunazidd icrası faktı aşkarlanıb
18.09.2018
Aeroportda mülki pilotsuz aparatların uçuşlarına Vahid Nəzarət Mərkəzi yaradılır
18.09.2018
Təhlükəsiz avtomobil idarəetmə mövzusunda dəyirmi masa
18.09.2018
“Maarifləndirici tədbirlərin nəticəsi olacaq”

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10117

1 ADPU-nun rektoru yüksək balla qəbul olunan tələbələrlə görüşüb
2 Əfsanəvi İndoneziya batikaları
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info