“Rusiyaya tətbiq edilən sanksiyalar iqtisadi cəhətdən bumeranq effekti yaradıb”
Tarix: 15.01.2015 | Saat: 23:08:00 | E-mail | Çapa göndər


Makadams: “ABŞ Ukraynada baş verən çevrilişə dəstək verdiyini etiraf etməyərək, sülh danışıqlarında irəliləyişlərin qarşısını almaq üçün mümkün olan hər şeyi edir”

Avropa Birliyinin xarici işlər üzrə səlahiyyətli nümayəndəsi Federika Moqerini birlik ölkələrini qlobal diplomatiya üzrə Rusiya ilə əməkdaşlığı davam etdirməyə dəvət edib . O, ticarət və digər məsələlər üzrə nəzərdə tutulan bu təklifi qarşıdakı bazar ertəsi Brüsseldə gözlənilən görüşdən əvvəl 28 ölkənin xarici işlər nazirlərinə göndərib.
Bu barədə “Röyters” agentliyi məlumat yayıb. AB xarici işlər nazirlərinə göndərilən sənəddə Suriya, İraq, Liviya, İran və Şimali Koreya problemləri ilə yanaşı, Afrikanın hüdudlarını aşmaqda olan “Ebola” virusu, həmçinin Fələstin məsələsinin Moskva ilə müzakirə edilə bilməsi nəzərdə tutulub. Dörd səhifəlik sənəddə “Lissabondan Vladivostoka qədər” azad ticarət təşkilatının uzunmüddətli məqsədi və eyni zamanda Rusiya ilə ticarətin genişləndirilməsi üçün təkliflər yer alıb. Qeyd edək ki, bu arada Ron Paul İnstitutunun direktoru Deniel Makadams maraqlı bəyanatla düqqət mərkəzinə düşüb. O bildirib ki, Amerika Birləşmiş Ştatları Ukraynada baş verən çevrilişə dəstəyi verməklə etdiyi səhvi etiraf etmək iqtidarında deyil. Ona görə də sülh danışıqlarında irəliləyişlərin qarşısını almaq üçün mümkün olan hər şeyi edir: “Avropa Birliyi Rusiyaya qarşı tətbiq edilmiş sanksiyaların aradan qaldırılması üçün yollar axtardığı bir məqamda, belə görünür ki, bunlar ABŞ-ın maraqlarına cavab vermir”. Bu fikirləri “RT” televiziya kanalı ilə bölüşən Makadams əlavə edib ki, Rusiyaya qarşı tətbiq edilən sanksiyalar iqtisadi cəhətdən bumeranq effekti yaradıb və bundan daha çox Avropa Birliyi ölkələrinin sakinləri əziyyət çəkirlər: “Buna baxmayaraq AB-nin hər hansı bir cəhdi Vaşinqton tərəfindən güclü təzyiqlə üzləşir. Avropalılar, əsasən də fransız və almanlar iqtisadiyyatlarına gözlədiklərindən də artıq zərbə dəydiyini başa düşdükdən sonra sanksiyalardan yaxa qurtarmaq üçün yollar axtarırlar. Xatırladım ki, Fransa prezidenti Fransua Olland Qazaxıstanda keçiriləcək sammit zamanı tərəqqi əldə ediləcəyi təqdirdə, Rusiyaya qarşı sanksiyaların dərhal ləğv olunacağı barədə bəyanat vermişdi. Belə görünür ki, AB gözlənilən tənəzzüldən çıxış yolu axtarır”. Makadamsın iddiasına görə, ABŞ Rusiyaya sanksiya məsələsində mövqelərini dəyişməmələri üçün Brüssel və ayrı-ayrılıqda birliyə üzv olan dövlətlərin hökumətlərinə təzyiqlərini davam etdirəcək. Yeri gəlmişkən qeyd edək ki, Almaniyanın xarici işlər naziri Frank-Valter Ştaynmayer də Rusiyaya qarşı sərt sanksiyaların tənqidçiləri sırasına qoşulub. O, “Die Welt” qəzetinə verdiyi açıqlamasında sanksiyaların Avropada sabitliyə töhfə olmadığını nəzərə çatdırıb.
Ağasəf BABAYEV




 
Bölməyə aid digər xəbərlər
25.05.2019
Repressiyaya məruz qalanların sırasında böyük ədiblərin, şəxsiyyətlərin, ziyalıların adları daha çoxdur
24.05.2019
“Amnesty International“ idmanın siyasiləşdirilməsi istiqamətində ermənilərlə ortaq taktika həyata keçirir
24.05.2019
Nikol Paşinyan Qarabağ klanından qorxduğu üçün oğlunu təhlükəsiz yerə köçürüb
24.05.2019
Rusiya ilə Azərbaycan arasında münasibətləri korlamaq cəhdləri baş tutmayacaq
24.05.2019
“Çimərlikdə qadağanedici şarları keçmək olmaz”

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10788

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 Erməni əsilli gimnast: Mxitaryanın yerində olsaydım, komandamla birgə Bakıya gələrdim
5 Vahid Rzayev:”Səhər gördük ki, ermənilər arxiv sənədində özlərinə sərf etməyən hissəni qayçı ilə kəsiblər”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info