“20 Yanvar - Azadlıq mübarizəmizin qəhrəmanlıq səhifəsi”
Tarix: 16.01.2015 | Saat: 16:44:00 | E-mail | Çapa göndər


Ailə, Qadın və Uşaq Problemləri üzrə Dövlət Komitəsi “20 Yanvar - Azadlıq mübarizəmizin qəhrəmanlıq səhifəsi” adlı tədbir keçirib. Əvvəlcə 20 Yanvar şəhidlərinin xatirəsi bir dəqiqəlik sükutla yad edilib.
Tədbiri giriş sözü ilə açan Ailə, Qadın və Uşaq Problemləri üzrə Dövlət Komitəsinin sədri Hicran Hüseynova 20 Yanvar faciəsi ilə bağlı qısa arayışla çıxış edib: “20 Yanvar Azərbaycan üçün həm faciə, həm də qəhrəmanlıq səhifəsidir. Dövlət və ictimaiyyət Azərbaycan həqiqətlərinin dünyaya çatdırılmasında yaxından iştirak edir”.
Milli Məclisin Mədəniyyət komissiyasının sədri Nizami Cəfərov çıxışında bildirib ki, 20 Yanvar faciəsi Azərbaycan xalqının silahsız halda azadlıq hissini qorumağa qadir olduğunu sübut etdi: “20 Yanvar Azərbaycan xalqının, habelə postsovet ölkələri tarixində insanlıq faciəsi kimi qalıb. Sovet ordusu heç bir azərbaycanlının gözləmədiyi halda öz vətəndaşlarının üzərinə hücuma keçdi. Ən böyük hadisə isə ondan ibarət oldu ki, Azərbaycan xalqı silahsız halda da azadlıq hissini qorumağa qadir olduğunu göstərdi. 20 Yanvar Azərbaycan tarixində yalnız qanlı bir gün kimi yox, həm də azadlığa aparan işıqlı bir gün kimi qaldı”.
Azərbaycan Milli Elmlər Akademiyası A.Bakıxanov adına Tarix İnstitutunun direktoru Yaqub Mahmudov 20 Yanvar hadisələrinin xalqımızın tarixində ən şanlı səhifə kimi qaldığını söyləyib: “Hər bir millətin azadlıq hərəkatı zamanı xalq hökmən ayağa qalxır, qan tökülür, müstəqillik qazanılır. Şübhəsiz ki, 20 Yanvar Azərbaycan milli azadlıq hərəkatının ən şanslı səhifəsidir. SSRİ-nin çökməsində Bakıdan Azərbaycan xalqının verdiyi təkan çox böyük rol oynadı. 20 Yanvar sübut elədi ki, xalq ayağa qalxmadan, etiraz etmədən azad ola bilməz. 20 Yanvar həm də SSRİ-nin dövləti cinayət törətdiyini sübut etdi. Bu faciənin başında duran Azərbaycan xalqının qatili Mixail Qorbaçova Nobel mükafatı verildi. Əgər Qorbaçov Amerikada, Avropanın mərkəzində hər hansı bir xalqın başına bu cür oyunlar gətirsə, ona Nobel mükafatı verərdilərmi?”
Prezident Administrasiyasının ictimai-siyasi məsələlər şöbəsinin sektor müdiri Elman Paşayev tədbirdə səslənən fikirlərə şərik olduğunu söyləyib: “20 Yanvar Azərbaycan tarixində mühüm yer tutur. 20 Yanvar faciəsinə Azərbaycan xalqının özü qiymət verməli, bu faciə dünyada tanıdılmalı, faciə qurbanlarına qayğı davam etdirilməli və bu faciədən ibrət dərsi götürülməlidir”.
Daha sonra xalq şairi Nəriman Həsənzadə, Azərbaycan prezidenti yanında Qeyri-Hökumət Təşkilatlarına Dövlət Dəstəyi Şurasının icraçı direktoru Fərasət Qurbanov, millət vəkili Musa Quliyev və başqaları çıxış ediblər.
Sonda Azərbaycan prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Vətəndaşların Sosial Rifahının Gücləndirilməsinə Dəstək” İctimai Birliyi tərəfindən çəkilmiş “Ölümə qənşər” bədii-sənədli filminin təqdimat mərasimi keçirilib. Filmin çəkilişi Azərbaycanın müstəqilliyi uğrunda mübarizə aparmış Milli Qəhrəmanlarımın ailə üzvlərinin və döyüş yoldaşlarının xatirələri əsasında aparılıb.

Nigar Abdullayeva




 
Bölməyə aid digər xəbərlər
22.09.2018
Xüsusi Olimpiya Hərəkatı gənc liderlərin 20-ci Qolobal Forumu keçiriləcək
21.09.2018
Azərbaycanın ən sürətli mobil şəbəkəsinin adı açıqlanıb
21.09.2018
Baş prokuror Quba rayonunda vətəndaşları qəbul edib
21.09.2018
Sahil Babayev Göygöl rayonunda 4 rayon və şəhərin sakinləri ilə görüşüb
20.09.2018
Ədliyyə orqanlarına qulluğa qəbul olunan gənclər and içiblər

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info